أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

  
            أخبار ومقالات     العضوية    
| استعراض كافة المواضيع
 نصائح وإرشادات عقارية
نوع العقار:
في:
رقم الاعلان:
 
إعلانات
قسم أخبار من الرحاب

أخبار من الرحاب - مظاهرة بالرحاب لتأييد المعتصمين بالتحرير - 2011-11-24


مظاهرة بالرحاب لتأييد المعتصمين بالتحرير

كتبت – مروة فتحي

مظاهرة سلمية خرجت بالرحاب لتأييد متظاهري ميدان التحرير.. المظاهرة دعت إليها جماعة "محبي المشي" "love walk " يوم الأربعاء 24 نوفمبر، وبدأت بعد صلاة العشاء من أمام مسجد السوق، ثم انتقلت إلى الساحة الموجودة أمام مسجد احمد عفيفي. كان أغلب المتظاهرين ممن كانوا في التحرير، وقد ظهر عليهم الإرهاق وضعف الصوت جراء هتافات التحرير، وكثير منهم جاء يحمل قصصًا من الميدان تثير مشاعر الغضب ويدمى لها القلب. ومن الهتافات التى كان يرددها المتظاهرون: "الشعب يريد إسقاط المشير" "يانجيب حقهم.. يا نموت زيهم" "يا مشير يا مشير.. الناس بتموت فى التحرير" "1-2 الشعب المصرى فين" "يادي الذل ويادي العار أخ بيقتل أخوه بالنار""يا مشير قال لك ايه.. قبل ما يمشى سعادة البيه".

استمر الهتاف حتى الساعة العاشرة والنصف مساءًا، وفى النهاية اتفق الحاضرون على التجمع يوم الجمعة بعد الصلاة أمام مسجد أحمد عفيفي.

 

عدد الزيارات 235

 

التعليقات
 


Mimo198514
05/12/2011
جزيل الشكر استاذي الكريم و بإذن الله ربنا قادر ان ينصر الشعب الضعيف و كما قامت الثورة بدون قائد لتسقط رأس الفساد اثق تمام الثقة ان الله يريد بنا الخير رحم الله شهدائنا
 



ايمن مقلد
05/12/2011
كم أنا فخور وسعيد بكما وبحواركما ومنطقكما اخي العزيز الفاضل madymoody , والأبن الثائر المحترم صاحب الحجه والحس المرهف Mimo - وعزائي في كل ما يحدث ان بيننا كثيرون أمثالكم - ارجو ان نتكاتف جميعا لتتغلب الاغلبيه العاقله علي الأقليه الهوجاء الهمجيه التي تسعي حثيثا لتدميرنا - كلاكما علي حق - فلنجتث من بيننا ما يظهر من اورام وخبائث في جسد الأمه - العين تدمع والقلب يدمي لما وصل له حال ثورتنا الجميله النقيه - اللهم احفظ مصرنا الغاليه الجميله وانصر ثوارها الشرفاء الأحرار
 



madymoody2005
30/11/2011
ده ايه ده صدى صوت ولا ايه
 



shark853
30/11/2011
لانريد ان تكونوا سببا فى فجيعة هذا الوطن ونترك التعمير ونتفرغ للتدمير فانا اعلم جيدا ان نسبة كبيرة ممن فى التحرير وطنيين ولكن دعنا لاننكر انه من الواضح ان هناك نسبة من المأجورين الجهلاء فى ايام الثورة الاولى فى يناير وفبراير كنت ارى ان السيطرة للثوار ولا تواجد بينهم للغوغاء او الجهلاء وحتى هذا كان ظاهرا فى اى حوار تلفزيونى يجرى معهم من اى فضائية اما الان تابع اى حوار يجرى مع بعض متواجدى التحرير وليس كلهم فتجده ينم عن الجهل وعدم الوعى وعدم الدراية بالاحداث ويحس عقلك انهم مأجورين ولا يدرون مايحدث وطبل وزمر والاطفال زادت هناك والغوغاء والدهماء ملوا الميدان انا خايف بعد كده الميدان ده يتحول زى المولد اللى عمره ماهينف
 



madymoody2005
28/11/2011
الغالى mimo حقيقى كلامك حلو وهايل ويمس شغاف القلب لانه صادر فعلا من قلبك بغير ترتيب ولا تزويق وانا قلت فى كلامى انه اكيد منكم شباب مخلص يعمل لوجه الله ولا يريد الا صالح الوطن ولكن ياعزيزى هناك من ياخذ منكم هذا النقاء ويحوله الى مصالح شخصية وعمولات ومنح يتكسب منها قد لاتعلمون عنهم شيئا ولكن مايصل الى من بعض الاخبار المتناثرة من هنا او هناك ان صحت فانها تدمى القلب وتدمع العين نعلم جيدا انكم جيل صنع ماسكتنا نحن عليه ولا ننكر ان الله جعلكم سببا لحرية هذا البلد ولكن لانريد ان تكونوا سببا فى فجيعة هذا الوطن ونترك التعمير ونتفرغ للتدمير فانا اعلم جيدا ان نسبة كبيرة ممن فى التحرير وطنيين ولكن دعنا لاننكر انه من الواضح ان هناك نسبة من المأجورين الجهلاء فى ايام الثورة الاولى فى يناير وفبراير كنت ارى ان السيطرة للثوار ولا تواجد بينهم للغوغاء او الجهلاء وحتى هذا كان ظاهرا فى اى حوار تلفزيونى يجرى معهم من اى فضائية اما الان تابع اى حوار يجرى مع بعض متواجدى التحرير وليس كلهم فتجده ينم عن الجهل وعدم الوعى وعدم الدراية بالاحداث ويحس عقلك انهم مأجورين ولا يدرون مايحدث وطبل وزمر والاطفال زادت هناك والغوغاء والدهماء ملوا الميدان انا خايف بعد كده الميدان ده يتحول زى المولد اللى عمره ماهينفض المهم ياعزيزى لاتاخذ اى كلام هنا على انه هجوم على شخصك او شخص اى ثائر حر نحن نريد الحرية والعزة لبلادنا مثلكم واكثر ولكن نفكر بعين العقل لاالعاطفة ولكن دعنا جميعا ندعوا لبلادنا بالنصرة والتقدم وان نتألف لانتخالف وان نتقدم لانتأخر وان نكون وحدة واحدة لافرق متنافرة وشوفت لو راقبت كلامك انته قلت ايه لم ارفع حجرا واحدا لاضرب به احد هو ده نموذج الثائر الحقيقى الذى لايعطى من امامه الحجة وياليت كل شاب فى التحرير فعل مثلك لم يقم بالقاء حجر يومها كان الشعب كله وقف امام الداخلية كالثورة فى ايامها الاولى وكانت الداخلية لن تجد الحجة للرد وعمر ماحد ماقال على اى ثائر حقيقى بلطجى لكن الناس دائما تلوم على الثوار انضمام بعض من البلطجية الذين لهم اغراض اخرى الى الصفوف واندساسهم فى وسط الثوار بدون الانتباه لهم فتتحول المعارك الى دموية حفظكم الله وحفظ مصر وكلل الله سعيكم وجهودكم بالنجاح من اجل رفعة وطننا الحبيب
 



Mimo198514
27/11/2011
شاكر فضلك يا استاذي الكريم انا طبعا مقدر مدي الضغوط اللي حضرتك ذكرتها بس اسمح لي احنا تركنا السبب الرئيسي للمشاكل و بنحمل التحرير المشكلة و برغم إن اصرار الشباب أظهر مدي الفساد الموجود بالبلد هل تختلف معي إن قوانين العزل السياسي و الحد الأدني و الأقصي للأجور هي قمة العدالة للجميع مين اللي دايما متأخر في اصدار القوانين و حتي لو نفذ بيكون تحت ضغوط التحرير مين اللي ترك الداخلية تقتل خيره الشباب و راح يبني جدار عزل بعد 5 ايام من المجازر اما موضوع نروح الداخلية صدقني دي اكبر كذبة قام بها الإعلام و مين اللي بيحمي الثورة المضادة هل احنا مخطئين إننا نحلم بمصر افضل للجميع صدقني انا بكيت في محمد محمود من اللي شفته و برغم كده لم ارفع حجر واحد لأضرب به الشرطة بل كنت ارد قنابل الغاز فقط و ارجع البيت ابكي علشان وصلنا لكده بس انا عن نفسي مش عايز لا تلفزيون ولا إذاعة و انا نفسي الوضع يهدي بس للأسف اصبح دمنا ليس له قيمة و اخوتنا اللي ماتوا علي ايدينا هراء انا بفكر الف مرة لما يتقال علينا بلطجية بجد حرام أغلي جيل يتظلم كده و اخيرا اسف ع الإطالة و شاكر سعة صدوركم
 



madymoody2005
27/11/2011
اخى العزيز mimo احييك اولا ونشكر لكم غيرتكم على البلد بس ياعزيزى عاوزين نوسع الافق بتاعنا شوية ونبص حوالينا ونشوف التاثير السلبى والايجابى للى بيحصل فى التحرير هنلاقى زى مافيه ايجابية فيه سلبية اكثر وهابسطلك الموضوع من وجهة نظرى الموضوع ده عامل زى الاسرة اللى فيها اب وام وعيلة وبنت واخ البنت هى الثورة والاخ هو شباب الثورة وان الثورة اللى انتم شايفينها اتخطفت او اتخطبت لحد انتم مش عاوزينه النهاردة بس قبل كده كنتم موافقين عليه انتم النهاردة فسختم الخطوبة دى بمزاجكم وعازين تخطبوها لحد احنا مش عاوزينه وبكرة الخطيب يعمل حاجة ماتعجبكمش او مش على هواكم فاتقوموا عاوزين تفسخوا الخطوبة بدون موافقة الاب والام والعيلة ونفضل كده كل يوم خطيب شكل لحد مانبور العروسة اللى هى الثورة وبعد كده نحرق كل الاسماء اللى فى البلد وماحدش ينفع عاوزين تحجروا على جميع الافكار بدعوى ان رؤيتكم هى الاصح وكده ماينفعش دى اسرة لازم الكل يوافق الاب والام والعيلة والبنت ذات نفسها وبعدين ياعزيزى انتم الشباب مش شايلينلها هم ياما واحد لسه ماتجوزش او اسرته بتساعده او فى بداية حياته الزوجية لسه الالتزمات بتاعته سقفها لم يعلو مش فارقة معاه شغال مش شغال لكن الناس اللى عندها بيوت واولاد والتزمات مستمرة مابترحمش ومالهاش دعوة باللى حاصل دول اتأثروا اشد تأثير ودول الضغوط عماله تزيد عليهم ولو اتحركوا لاالتحرير ولا غيره هايوقفهم والبداية كانت فى العباسية احنا مش عاوزين البلد تقع فى بعضها يوم 25 يناير الشعب المصرى كله كان على نفس واحد بالدعوة لكم ولمصر بالنصرة اما الان قطاع كبير من الشعب يختلف معكم ويرى انكم السبب فى عدم تحقق الاستقرار الى الان وكلما تاخر الاستقرار ازدادت الصعوبات هل تعرف انه الى الان حسب التقديرات ازدادت البطالة بما يقدر بنصف مليون عاطل هل تعلم انكم لستم كامل السبب ولكنكم جزء منه كنا نظن ان الشباب سوف يقود قاطرة العمل والانتاج ولكن خاب ظننا وجدناكم تقودون قاطرة التشرذم والتفرقة ووقف الانتاج وعجلته استبشرنا خيرا وقلنا ان وقف الانتاج فى اى مكان سيقابله شباب الثورة والتحرير بكل قوة ولكن وجدناكم انتم من تقفلون الطرق وتعطلون الحركة وبعدين ياعزيزى الا نشاهد كلنا الاحداث على كل القنوات الفضائية سواء المحايد منها او المأجور ونرى سن الشباب الحضور فى المظاهرات واغلبهم وليس الكل من سن 15 الى 20 عاما ويتصرفون بتهور غير محسوب او مدروس ماجدوى مهاجمة مديرية امن الاسكندرية او وزارة الداخلية هل هذه هى الثورة الاولى اطلاقا الموضوع اختلف تماما وشاهد الشباب وحواراتهم سواء 6 ابريل او ائتلافات الثورة كم التشنج والتهديد فى الكلام والقول ان التحرير يأمر فيطاع ماهذا الهراء لا ياسيدى لم نصبح عبيدا بعد فلم نخرج من عبودية نظام عتيد متهالك الى عبودية بعض الشباب الصغير الذى لايدرك الابعاد كلها واعرف ان بعض شباب الثورة مخلص ويعمل لوجه الله تعالى لايريد الا نصرة الحق ولكن البعض الاخر وهم الان يملؤن الشاشات يطمعون فى المكاسب وجنى الثمار ياعزيزى انا معى 4 اشخاص هنا فى العمل يدعون علاقاتهم سواء ب 6 ابريل او ائتلافات الثورة لايحضرون الى العمل او يحضروا ويقوموا بالتوقيع صباحا ويذهبوا الى التحرير وفى موعد الانصراف ياتون ويقوموا بالتوقيع والذهاب الى التحرير مرة اخرى هل هذه امانة واحد منهم يحمل دبلوم ويدعى انه عرض عليه منصب محافظ وكل منهم كان شخصية مهمشة فى العمل و لا قيمة له فوجدوا اهميتهم فى هذا العمل هل تعلم مدى ان يكون شخصا مهمشا لاقيمة له فى عمله ثم فجأة يجد ان له قيمة فى الفوضى سوف يزيد الامور اشتعالا ويأسفى لو وجدت واحدا من هؤلاء يتمطى منصبا مهما فى يوم من الايام ياعزيزى انتم تكررون غلطة ثورة 52 وهى انهم كمجلس لقيادة الثورة حكروا المناصب على انفسهم فاتخذوا قرارات خاطئة اضرت بالبلد الشباب الان يريد ان يحتكر القرارت وهذا اكبر خطأ نريد تغيير لكن نتفق كلنا عليه والقرارات لاتاتى من التحرير القرارات تاتى من كامل الشعب الشباب الان يرتكب نفس خطأ النظام السابق وهو الديكتاتورية لا ياعزيزى كنا كلنا معكم ولكن الان قناعتنا تتغير تجاه ماتفعلوه فلعبة الديمقراطية تلزم الجميع باحترام راى الاغلبية من اراد لعب هذه اللعبة فليتحمل عواقبها وراعوا ان اغلب الشعب فقير يريد الاستقرار واغلب الشعب لايملك قوت يومه فهذه الهزات الحادثة تؤثر على الناس اشد التاثير فانظروا حولكم ولا تأخذوا الامور ببساطة وسطحية
 



Mimo198514
26/11/2011
بخصوص ان جمهورية التحرير اختارت عصام شرف طبعا عند حضرتك حق جدا وكلنا معندناش خلاف علي د.عصام جدا بس للاسف ذو شخصية ضعيفة لانه لم يفعل ما وعد به من مطالب الثورة لم يفعل سوي تغيير الساعة و اكواد المحمول فين الحد الادني والاقصي للمرتبات وفين الجدول الزمني لتسليم السلطة ..... الخ اما عن كون المظاهرة عبارة كانت عبارة عن بضع اطفال من سن 9 الي 18 سنه ده خطأ او لعلكم لم تشاهدوها من الاصل لاني من كنت اهتف وكنا كلنا شباب محترم ناضج وكان في معانا افراد يتخطي سنهم ال 40 وارجو لو حد صدر منه شتيمة او قلة ادب كما قيل حد يقولي قلنا ايه لاني بجد متضايق جدا احنا عبرنا عن حاجه حسينا انها من حقوقنا بمنتهي الادب والاحترام واي حد عنده دليل اننا اسأنا لاي حد ارجو ان تبلغوني لاني واثق تمام الثقة في كل فرد شارك في التظاهرة حتي ولو كنا مخطئين ليس من حق احد التجريح فينا لمجرد انه مختلف معنا في الرأي فرجاء احنا مش بلطجية ولا مش مؤدبين بالعكس و عموما جزاكم الله خيرا
 



SCCM747
26/11/2011
جمهورية التحرير اختارت عصام شرف وبعدين قلبت على عصام شرف .. ماهي أصل البلد كلها أصبحت حقل تجارب للي في التحرير،، مطلوب الآن التروي وعدم الاندفاع والتسرع مع تغليب مصلحة البلد على المصالح الشخصية.
 



tomyhot
26/11/2011
المظاهره عباره عن بضع الطفال من سن 9 الى 18سنه بيشتمو ويقلو ادبهم ودى مش ادب
 

 
الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا
جميع الحقوق محفوظة لموقع رحابي 2007 - 2010