شبكة سكان الرحاب

soma 11/05/2008	الله المستعان
soma 11/05/2008	الحقيقة السعي هو الحل .. معلشي .. خلي بالك الحال ماتغيرشي كتير يعني انا زمان أول تعييني كان 90 جنيه في الشهر كانوا وايجار الشقة كان 45 جنيه يعني المسأله هي هي .. والمعاناه واحده ماتفتكرشي ان الحال بيسوء اللي حاصل ان المفردات اللغوية بتتغير بس لكن النسبة بين الكسب والصرف واحده المعاناه هي نفسها .. الا اني والحمدلله بالسعي اشكر ربنا ان حالي الآن أفضل من بداية حياتي بكتير ربك بيرزق الدوده في الحجر... أنا ضد البكاء المستمر ولعن الحال لأنه للأسف مفيش فايده غير اننا ننكد على انفسنا... اسعى واطلب من ربنا الرزق والتوفيق وله الأمر من قبل ومن بعد... واتجوز ياسيدي ماتقلقشي مش يمكن ربنا يفتحها عليك بسبب الجواز تحياتي
الإبلاغ عن إساءة

ehabshawky 10/06/2008	الفرص لا تنتهى
ehabshawky 10/06/2008	عزيزى محمد أنا أكبر منك سننا وقد أكون فى سن والدك أو أقل ولكن تجاربى فى الحياة كثيرة كباقى البشر ولكن المهم أن تحدد لنفسك هدف مناسب وليس مغالى فى طلبة كما عرفت من رسالتك أنك تحجز شقة مدينتى ولماذا هذا الأرهاق لماذا تريد أن تبدأ لما أنتهوا الية الآخرون فيوجد أمكان أخرى قد تكون مناسبة جدا وجاهزة للسكن وأقل فى السعر وأرشح لك التجمع الخامس فيوجد فية مختلف الأزواق . نصيحتى لك أن لا ترهق نفسك ولمن حولك بآمال صعبة وبعدين تقول أعمل أية. صدقنى كدة أفضل وأجعل المشروع الصغير يكبر المهم جدا جدا تحرى الحلال فى كل قرش ندفعة أو تكسبة واللة علية الباقى كما قالت الأخت سومة والرد الثانى أيضا والشئ المهم الثانى أن تختار عروسة تتقى الله فيك . والله الموفق والسلام عليكم ورحمة اللة;);)
الإبلاغ عن إساءة

nrzeid 16/06/2008	اعرف نفسك !
nrzeid 16/06/2008	السلام عليكم ورحمة الله : غالبية الشباب فى نفس الدائرة يا استاذ محمد ، انا عندى اقتراح ممكن يكون مفيد ، اذا كان عندك هواية فنية يعنى بتعرف تعمل حاجة بإيدك مثلا رسم او اشغال خشب او نحت ممكن برأس مال بسيط وساعتين فى اليوم تبدأ بعمل بعض المشغولات ثم تقوم بعرضها على المحلات فى الرحاب او غيرها فى البداية اغلبهم بيعرضوها فقط بدون مقابل حتى يتم بيعها ولهم نسبة من المبيعات وعن تجرية الموضوع بيجيب فلوس مش كثيرة فى الأول لكن مين عارف يمكن تكون باب رزق والموضوع يكبر . واذا لم تكن لك فى هذه الأمور مكن من خلال عملك كمحاسب ان تعرض على بعض المحلات ان تقوم بعمل مسك لدفاترهم فى الفترة المسائية . او ممكن مع بعض مكاتب خدمات الكمبيوتر والترجمة تقوم بكتابة او ترجمة الرسائل العلمية او المذكرات والموضوع ده ممكن يتم من البيت ووقتك ملك لك . انت تفكر انت بتعرف تعمل ايه واكيد حتلاقى حاجة تتطور بها نفسك وتزود بها دخلك . مع تحياتى وتمنياتى بالتوفيق .
الإبلاغ عن إساءة

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله