اتصلنا بأحد العمال في الرحاب علشان هو أدرى بالأماكن اللي نقدر نوزع فيها وخاصة ان الأمن بيتوزعلهم وجبات يومية -وركب معايا العربية ومعانا ابني لأنه نفسه هو يوزع بنفسه واخدنا هذا الشخص الى مساكن العمال اللي خلف المقابر اللي بعد الرحاب بشوية - ونزل هو من العربية وماسك كيس العصاير وفجأة لم أجده اتلم عليه بشر واتزنق زنقة وكانوا بيزقوه ويضربوه علشان ياخدو منه العصير وهو كان قايلي أركن بالعربية ووشها للبوابة علشان هنجري في أي وقت - المنظر كان مرعب وحسيت اني افضل أمشي واسيبه وهو يتصرف بس ما هانش علي - استنيته لحد ما قدر يجري منهم ويركب العربية بسرعة وهو متكسر - بس المشكلة انه الى الان الوجبات لسة في العربية - المعركة دي كلها كانت على العصير  فوقفنا خارج البوابة تاني ولقينا هجوم كاسح على العربية لدرجة انهم فتحو شنطة العربية ودخلوها ووقعوا الاكل ( الشنطة هاتش باك) وطبعا اضطريت اني أطلع بسرعة وسرعت العربية وبدأ الناس تقع على الأرض خلف العربية يعني كانت كارثة والى الان كل ما افتكر الشكل احس اني ارتكبت ذنب وانا نيتي كانت خير - بس ما كانش في ايدي غير كدة والا كانوا هيفرمونا كلنا - طبعا سقت بسرعة ورجلي كانت سايبة من الخوف - وبعد ما رجعت البيت خطر لي فكرة - ماذا لو قامت ثورة جياع مع الاسعار المولعة اللي بقينا فيها - وقاموا الناس دي على الرحاب واللي فيها - انها كااااااااااااااااااااااااااااااااااااااااااااارثة

دة احنا كنا رايحيين لحد عندهم بالأكل وعملوا فينا كدة امال لو هما جم يدوروا على أكل هيحصل ايه