للاسف معظم اللى بنتعلمو لا يطبق واكيد من اهم حاجات اتعلمناها كلنا ومن واحنا صغيرين قوي ازاى نكون عندنا خلق سليم جنب ديننا لان الخلق اساس لديننا بس مش عارفه ايه اللى بيحصل فى فقدان ذاكره ولا بنتناسا ده علشان مصالحنا الشخصيه وعلشان لما كبرنا شوفنا ان ده الانسب للوقت اللى بنعيشه بس مش شرط علشان بنتطور فى كل حاجه فى حياتنا ان اخلاقنا كمان يحصلها تطور عكسي ونبقى مش شايفين غيرنا ومن بعدينا الطوفان علشان ده اللى بقى سايد فى وقتنا ونجيب اللوم على الزمن واكيد كتير بنسمع كلمة ان ده كان ايام الزمن الجميل طيب ما اكيد طالما وصلنا للزمن ده كل جيل قال على اللى بعده كده زمانا كان احلي بس ليه محدش اخد باله ان الحكمة مش فى الزمن وجيل مين احسن من التانى بس الفكره كلها فى الناس اللى كانت عايشه وقتها كانت القيم والمبدا السائده وقتها واللى كانت بتحكمه لكن واضح ان للاسف الحاجات اللى بتحكم دي بقت موضه قديمه والموضه الجديده مصلحتى فين ومش مهم ادوس على مين وانا رايح للمصلحه كل شئ يهون فى سبيل المصلحه بس في ناس يقال عليهم الطيبين مش عارفين يمشوا على الموضه وطبعا ينظر لهم على انهم موضه قديمه ولازم تنقرض مع زمن الطيبين

وعلى فكره مش شرط تكون المصلحه دي حاجه كبيره ممكن تكون فى حاجات صغيره قوي كتير مننا ممكن يكون بيعملها ومش قاصد بيها غير مصلته ومش فاهم اللى ورا ده ايه مش شايف فين المتضررين لان خلاص كل واحد بقى غرقان فى بير عميق اسمه نفسي ولا شئ يهم بعدها