|
الاضافة بواسطة oshosh
تاريخ الاضافة
15/12/2008
للاسف : مصر ممنوعه على المصريين |
|
| حاجه غريبه جدا لما تبقى كل شويه تسمع فى التليفزيون شجعو السياحه الداخليه وليه المصريين عايزين يسيبوها محدش سال من الناس دي ليه
للاسف ان المصريين ممنوعين من دخول اماكن سياحيه كتير خصوصا فى فترات الاعياد والاجازات ولو اصرو يدخلوها لازم يتبهدلو واول كلمه تتقال اصل انت مصري
طيب لما انا مصري مش المفروض ان تبقي ليا الاولويه انى اشوف بلدي قبل الاجنبي
ولا علشان انا مصري لازم عربيتى تتفتش مع كل خطوه فى الاماكن السياحيه
طيب وليه مكتبتوش ده صراحة فى الجرايد واعلنتوها فى باقي وسائل الاعلام يا ايها المصريين الاماكن السياحيه مش ليكم دي احنا عاملينها علشان الاجانب وبس
وفى الاخر يجي سؤال ظريف جدا احنا ليه مش بنبحب البلد طيب مش المفروض انها تحبنا علشان نقدر نحبها ولا مكتوب على المصريين انهم يحبوها من طرف واحد ولا يبقو معندهمش انتماء والكلام الكبير اللى بيتقال فى كل مكان
طيب ما هي بكل بساطه لو مصر حبيتنا هنحبها
والحب طبعا مش بالكلام ولا بالاغانى الحب فعل
والفعل طبعا للاسف مش سمه فى مصر ولا المصريين
|
