شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

نوع العقار:

رقم الاعلان:

نداء .... نداء ... نداء ... ساهموا في نصرة إخوانكم في الرحاب

هذا الإعلان فيه من الرمزية ما يضحك رغم جديته و أهميته ، ولكن وكما يقول المثل فإن شر البلية ما يضحك ،فالرحاب الغلبانة وموقعها و القائمين عليه يدعون الناس إلى نصرة غزة و أهل غزة الأبطال الصامدين ، يؤثرون على أنفسهم ولو كان بهم خصاصة، فالرحاب ،أقرب و الأقربون أولى بالمعروف و النصرة ، و الإغاثة حتى أنني أفكر بضرورة إرسال برقيات عاجلة إلى الأمين العام للأمم المتحدة السيد بان كي مون أو ما بانش خالص ، أدعوه فيها إلى الإعلان عن مدينة الرحاب منطقة منكوبة و تستحق الإغاثة ، و أن يوسع دائرة الخدمات بإنشاء مكتب للأمم المتحدة في الرحاب لإغاثة مشردي الرحاب على غرار الأونروا و تبقى بإضافة حرف زيادة بس يعني أونورروا عشان الرحاب، و أدعو كل من كان له قلب أن يتقدم بقلب جادم و أيد فرطة للتبرع لسكان الرحاب المنكوبين ، نعم المنكوبين بالأوي ، منكوبين في إنقطاع الكهرباءو المياه الدائم و السرقات و أعمال الحفريات المستمرة و المطبات التي زرعت على أسفلتات المدينة بمؤامرة صهيونية أمريكية إمبريالية و تعاون كامل مع سمكرية البلد و عفشجيتها، البلاليع أو بقول آخر البكابورتات شاهد على ذلك و في نص الشارع ،شاهدة على مدى التواطؤ و العمالة

مش بس كدة بل وحوادث السرقة و السطو من نوع -من دقنو و إفتللو-يعني يبدو إن حاميها حراميها ،نعم نحن منكوبون و متنيلون على عيونا ، ولم لا، كام واحد صوته إتنبح و كام واحد كتب و أهو أنا بكتب كمان و بنقول يا عالم يا جهاز يا مجموعة طلعت مصطفى يا شركة الإسكندرية يا فخامة رئيس الجهاز يا سيادة العقيد رئيس الأمن يا مهندس حمادة يا مهندس عبد الواحد يا خواتي يا أهلي يا جيراني أنا عايز أخدكوا في أحضاني ... يا أي حد إسمعونا شوفوا إحنا بنزعق ليه.. شوفو مشاكلنا حرام عليكم ...ويا من قدم شئ بيداه إلتقاه..و أنصروا إخوانكم في الرحاب

و الأدهى و الأمر ظاهرة سائقي باصات الرالي الرحابي ،سباق مع الريح ، سائقي باصات الرحاب على مزاجهم ، أي خط و أي سرعة و أي حاجة في أي حاجة سمك لبن تمر هندي ، ولادنا مش مهمين ،خللي الأسد ياكلهم ، و تتقلب الأتوبيسات في فضائح مثبته و شايفها الرايح و الجاي و يقولولك كام حادثة سجلت أتوبيسات الرحاب لغاية دلوقت؟؟بقت العملية أكتر من هزايم الزمالك و مش مهم أرواح ولادنا،و السواقين حدث ولا حرج ، المرة إللي فاتت سواق بينزل بنوته سبيشال ريكويست ، يعني لغاية باب الفيلا و بالتالي أنا بقيت بعيد عنك حياتي عذاب ، فبقوله يا إبني أنا كده بعدت مش إنت مفروض خطك كذا كذا قاللي معلش مش هقدر ، قلتله هشتكيك للجهاز ، قعد يضحك / يضحك ، يضحااااااك ، طبعا أنا فهمت و لميت خيبتي و خدت مراتي وولادي في إيدي و نزلت من الأتوبيس قفايا يقمر عيش ، جهاز مين يا حاج ؟؟ ، أضحكتني وقد كان بي من السأم ما كان، طبعا في ظل غياب جهاز مدينة ، و أساسا هو مين جهاز المدينة أتحدى إن السواد الأعظم من السكان بيعرف أي حد بيشتغل في الجهاز ، جهاز الأشباح إللي بتتكلم معاهم بالكود و الرسائل المسجلة و بيقبضوا منين ؟؟؟معرفش!!كام؟؟؟ معرفش سياسات عليا دي برضو؟

يا اخى انا جالى اكتئاب من السواد المتشحة به مقالاتك!! ولما لا و قد اصبح النواح و الشكوى العاجزة البائسة هو السمة العامة و خصوصا" فى الصحف المعارضة ... وكأنها مؤامرة جماعية ضد البقية الباقية من الامل فى نفوس المصريين. يا أخى... بدل من أن تظل تلعن الظلام؛ أوقد شمعة! حاول ان تتعامل مع المواقف السلبية بنوع من الايجابية و وظف طاقتك الذهنية فى السعى لحل المشكلة... فان لم تستطع فاستعن بالله فى السر!!

فى كل الاحوال انا اختلف معك انا بقالى فى الرحاب ثلاث سنوات و الحمد لله ان ارى ان الرحاب مدينة من اجمل ما يكون فى مصر... و لا مكان يخلو من السلبيات. انقطاع المياه ليس ظاهرة و قد حدث بضع مرات فقط و لاسباب لا منطق فى تكذيبها. اما انقطاع التيار فهو الاخر يحدث فى نطاق ضيق و طبيعى!!

قد اتفق معك نوعا ما فى الشكوى المتعلّقة بالامن و صعوبة العثور عليه فى بعض الاحيان و ليس دائما.

رفقا" بالقراء يا أخى!!

Assem 12/02/2009	زز
Assem 12/02/2009	اسمحولي جميعا ان اقول ان الكلام ده خطير ويمسنا جميعا و حتى ان كان في بعض المبالغه لكن اذا كان في الجهاز اى موظف محترم و بيحترم نفسه و بيحترم السكان الذين بيدفعوا مرتبه لازم يحقق فى موضوع الرساله بالكامل وينشر النتائج على نفس هذا الموقع والا صدقونى مش هيبقى فى اى امل فى حاجه فى اى حياه افضل فى هذا المكان......اتمنى ان يكون هناك اهتمام من رئيس الجهاز شخصيا......
الإبلاغ عن إساءة