شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

الامن

الاضافة بواسطة محمد حسن
تاريخ الاضافة 19/03/2009

:[reallymad]

شوفتوا أمن المجموعة الي انا ساكن فيها عمل أيه فرد الامن طلع من علي الشباك الحديد بتاع حجرة نومي الي شباك الشقة الى فوق شقتي علشان اولاد صاحبة الشقة نسوا المفتاح داخل الكالون وناموا وبكل بساطة يتسلق فرد الامن الشباك ويدخل الشقة ويفتحلها الباب شوفتوا الي انا بعاني منه .

ملحوظة/

(كان الموضوع هذا الساعة الثانية قبل الفجر وانا دور ارضي بحديقة,,,,,,,,,,)

التعليقات

nona 19/03/2009	مع إحترامي الشديد لا داعي للقلق
nona 19/03/2009	الاخ الفاضل / أعتقد أن الموقف لا يستدعي قلقك و غضبك من رجل الأمن فالموقف فرض نفسه و إضطره للتصرف بهذه الطريقة وحيث كان الوقت متأخر و هي سيدة تاركة أولادها بالداخل و قد يكونو صغاراً و المفتاح بالباب و لم تجد نجار أو أحد يستطيع كسر باب الشقة في هذا الميعاد فبالطبع إستنجدت برجل الأمن و كان لا يوجد أمامه حل آخر أعتقد، فتسلق حديد شباكك إلى شقتها و لكن أعتقد أنه كان ممكن يستأذنك قبل تسلق شباكك و طبعاً هو تسلقه من الخارج و قد يكون ما فضلش يزعجكم في هذا الوقت و ما تنساش إنه عرض نفسه لخطر بتسلقه هذا و ربنا ستر فأنا أعتقد إنه تصرف هكذا نتيجة لقلق الأم على أولادها فلا داعي لأن تقلق أنت ، طب لو إنت كنت مكانها في هذا الموقف أعتقد كنت برده هتستنجد بالأمن و كان لا زم يتصرف و لو أي رجل مكان رجل الأمن كان لازم يتصرف كده طالما الباب مغلق على الأطفال و المفتاح بداخل الباب دي فعلا مشكلة . فأنا أعتقد أنه لا داعي لزعلك ولا قلقك هو كان لازم يساعدها . و بسرعة . خالص تحياتي لك .
الإبلاغ عن إساءة

pro 21/03/2009	ناس طيبين
pro 21/03/2009	هو الموقف مش لذيذ صراحه ، بس هما بتوع الامن اصلا عيال غلبانه وعلى نياتهم والله نفضلهم يا عم سلام
الإبلاغ عن إساءة

robinhood 21/03/2009	أحمدو ربنا
robinhood 21/03/2009	أنا متابع فترة تعليقات سكان الرحاب وأنا عندى شقة فى الرحاب أحضر أليها أحيانا واقيم بضعة أيام و لكنى اعيش فى طنطا لظروف وأدرك جيدا الفرق وأشعر أن المعلقين فى الموقع نسوا القذارة و العشوائية فى خارج الرحاب حتى لو دافع كتير عشان تسكن فى مكان كويس, لا توجد مقارنة , ارجو من الناس ان يكونو ا منصفين و ايجابيين مع المشاكل الحقيقية,مش كلام و بس عشان تحافظوا على المدينة
الإبلاغ عن إساءة

soma 25/03/2009	الرحاب جميلة
soma 25/03/2009	عندق حق يانونا هم فعلا اتصرفوا بدافع قلق الأم وهم فعلا غلابه ومؤدبين جدا وانا بجد بشكر الأخ روبين هوود على تعليقه وبغتذر له لأني فعلا لاحظت في الفترة الأخيرة ان كل اللي بيحس بمشكلة في المدينه بيدخل المنتدى يكتبها وماحدش بيقول اي حاجه حلوة عنها هي فعلا اجمل مدينه في مصر وياريت الناس تشوف برة الأماكن عامله ازاي الرحاب جميله جدا ربنا يحفظها كده على طول وانا سعيده بوجودي فيها الحمدلله
الإبلاغ عن إساءة

nona 25/03/2009	الرحاب فعلا مدينة جميلة جدا و السكن فيها نعمة و متعة
nona 25/03/2009	حبيبتي soma أولاً إزيك و حشاني شوفي يا ستي طبعاً الرحاب مدينة جميلة جدا وأنا شخصيا سعيدة بالسكن فيها و أكيد ساعات بواجه مشكلة و طبعاً لازم أسعى لحلها و الشيء اللي ما يعجبنيش لازم ألفت نظر المسئول عنه في محاولة جادة لدوام الجمال و النظافة و خلافه و لكن طبعا لازم نقر بأن بعض المشاكل سببها سوء سلوكيات بعض الملاك و السكان و ليس الأمن أو الموظفين المسئولين هم دائما المسئولين عن كل المشاكل و طبعا كمان في حالة التأكد من سوء أدائهم لواجباتهم تجاه المدينة و تجاه سكانها لازم نواجههم بعيوبهم و المشاكل دي في محاولة أيضا للحفاظ على مدينتناو لازم ما نسكتش على الأخطاء والمشاكل اللي بتكرارها ممكن تبوظ علينا عيشتنا في الرحاب ، يعني زي ما فيه سلبيات هناك أيضا إيجابيات وهناك بعض الموظفين لما نلجأ لهم في بعض المشاكل بيساعدونا فعلا و يقوموا بواجباتهم بصو ا يا جما عة يعني أنا بحب النظام جدا و النظافة والإلتزام عامة و لما بشوف أي خلل في المجموعة أو العمارة اللي أسكنها ما بسكتش بدون مشاكل بتكلم مع الأمن او المسئول و لما يكون سلبي أنا ساعتها ما أسكتش على المشكلة حتى يتم حلها المهم إننا نشعر الإيجابيات كما ن لما نشوفها علشان بجد الواحد من كثر الشكاوي و إبرازالسلبيات هو نفسه بقى خايف من إن المدينة كل حاجة فيها تخرب شوية بشوية ، و كمان لا نثير مشكلة إلا إذا كانت هناك مشكلة حقيقية و بجد يعني ما نتلكمش عمال على بطال في المشاكل اللي تستاهل و اللي ممكن نعديها . أنا حاسة إن بعض الناس اللي حاجزين قلقانين من السكن فيها بسبب كثرة ذكر المشاكل البسيطة و التي لا تستدعي أصلا إثارتها أو حتى ذكرها فيا يا ريت يا جماعة نبص كمان على بعض الجماليات و المميزات و النعمة بسكن الرحاب وطبعا كلنا يدا بيد مع كل من يواجه مشكلة بس تكون فعلا تستحق و نساعده بالفكر و الرأي و التصرف ساعتها هيكون عندنا حق . و بقول لكل ساكن جديد تعالى عيش معانا الرحاب و ما تقلقش كل مجتمع يوجد به سلبيات وإيجابيات و ربنا يقدرنا جميعا على مواجهة السلبيات و الوقوف بقوة أمام كل مستهتر لا يؤدي دوره في الحفاظ على ميدينتنا جميلة دائماً و فقنا الله جميعا و أسعدنا بسكننا بالرحاب و ادام علينا صحبتنا و موقع رحابي .نت آمـــــين .
الإبلاغ عن إساءة

soma 25/03/2009	يارب يخليكي
soma 25/03/2009	والله انتي وحشاني اكتر يا nona هقولك بجد على حاجه بس مش عاوزة حد يزعل انا حسيت الفترة اللي فاتت ان رحابي بقى عامل زي صندوق الشكاوي المشاركات فيه اقتصرت على الشكاوي من الصيانه والمدينه والجهاز حتى الموضوعات الجميله اللي بعض الأخوة الأعضاء بيحطوها مش بلاقي عليها اي تعليق بصراحه حسيت اني بدخل اتنكد على المدينه واخرج مع ان مدينتنا فيها اجمل مميزات في الدنيا انا بشتغل في الزمالك عاوزة اقولك اننا بنعاني من اكوام الزباله اللي الناس بترميها في الشارع مفيش مكان تركني فيه ولو ركنتي يبقى تستودعي الله في العربية انا مش بقول ان الدنيا جنه بس على ألأقل هو ده افضل مكان في مصر هي حاجه من الأتنين ياأما الناس مش مصدقه نفسها انها عايشه في مكان جميل وشاكه انه في زومبه في الموضوع ياأما هيتسببوا ان فعلا الرحاب يتدهور حالها المطلوب النقد الأيجابي ونبدأ بنفسنا اقولك على حاجه بسيطه: غسيل العربيات بتدفعي اشتراك شهري للجهاز والعربية بتتطوق يوميا وتتغسل معرفشي مرة في الأسبوع والا ايه ب 35 جنيه احب اقولك ان الناس خربوا العمال.. وبقوا يتفقوا من وراهم مع العامل هو ياخد الأشتراك لنفسه ويخدم العربية احسن .. وبالتالي هو بيهمل باقي العربيات اللي بيدفعوا للجهاز عشان يطفشوا منهم ويروحوله للأسف دا حصل معايا يارب يكون كلامي خفيف ومش يزعل حد وحشتوني كلكم
الإبلاغ عن إساءة

ابن عثمان 25/03/2009	كلامك ما فيهوش حاجة تزعل
ابن عثمان 25/03/2009	انتي شخّصتي المشكلة بس ما اديتيناش الحل. بتقولي إن رحابي بقى عامل زي صندوق الشكاوى. طيب إزاي إدارة الموقع تحل المشكلة دي؟ هل تحذف الشكاوى اللي مالهاش لازمة؟ ولا تعمل إيه بالضبط؟ يا ريت تنورينا يا سوما. انتي عارفة إن رأيك مُحترم عندنا كلنا. و كلامك ما فيهوش أي حاجة تزعل. بس عايزين نطلع منك بحاجة إيجابية. إيه اللي ممكن يتعمل؟
الإبلاغ عن إساءة

nona 26/03/2009	أعتقد إن السبب شخصية بعض الناس
nona 26/03/2009	*أحلى صباح يا سومة* كلامك مضبوط و أنا أعتقد إنتي معايا إن السبب في الإحساس اللي عندنا ده هو شخصية بعض الأفراد اللي ما بتشوفش غير المظلم زي مثلا ما ممكن تقابلي حد يكون بالبلدي كدة شكاي (كثير الشكوى ) مش عيب إنك تتكلمي عن مشكلة ما تواجهك أو تضايقك بس ده لما تكون في هناك مشكلة بجد و حقيقية و كمان من حق الكل إنه يجد مكان على رحابي و يقول فيه كل اللي عاوز يوصله للمسئولين و للناس و خلافه بس برده لما يكون في مشكلة تستاهل و كمان في المقابل ننشر الإيجابيات زي ما سبق و قلت و طبعا رحابي.نت مشكورين على إتاحة الفرصة للجميع سواء بالسلبيات أو الإيجابيات و أكرر تاني ده يتوقف على الشخص المدون نفسه . و ياريت فعلاً ما نكونش ضايقنا حد بآرائنا دي وأتمنى للجميع يوما سعيدا ممتعا مع رحابي و الرحابيون
الإبلاغ عن إساءة

soma 26/03/2009	تواصل جميل
soma 26/03/2009	السلام عليكم ايه التواصل الجميل ده طيب احنا كده 4 اعضاء بن عثمان ونونا وسوما ومحمد حسن اللي مستضيفنا في موضوعه وان متأكده ان الباقيين هينضموا لينا بس المهم نتفق اننا ندخل كل يوم المنتدى ونتواصل مع بعض نكتب في كل شيء زي مالموقع الجميل مقسم في كل الأهتمامات ولازم يبقى وعد مننا احنا التلاته ان اي موضوع يتكتب لازم احسس اللي كتبه بأني قريته وانه عاجبني او مش عاجبني واقول ليه في الحالتين انا ماعنديش مانع اننا نتكلم في السلبيات بس مايبقاش ده السبب الوحيد لدخول المنتدى اني اشتكي ممكن كمان ادخل اسلم على الناس او ادخل اقول لهم معلومه جميله جديده او احيي فيهم سلوك جميل اقوى مؤثر في سلوك الشباب هو الترفيه كان اجمل شيء عمله رحابي اللقاء الجميل اللي لأسف ماحضرتهوش عشان كنت خارج القاهرة بس اما رجعت تابعت اللي اتكتب وكنت سعيده جدا الحل هو التواصل المستمر بين اعضاء المنتدى ومش هنبقى محتاجين نحذف الشكاوي لأنها بالقياس مع الموضوعات التانيه هتبقى مش كتيرة تحياتي ليكم وسعيده جدا بالتواصل ده
الإبلاغ عن إساءة

nona 26/03/2009	إتفقنا و الله المستعان
nona 26/03/2009	و عليكم السلام و رحمة الله وبركاته أنا معاكي رأي سديد و الله المستعان على حسن الرد اللي نقدر نساعد به الآخرون و لو بالمشورة و طبعا أنا قلت مسبقا أنه ليس هناك أي مانع من إننا نفضفض مع بعض عن المشاكل و لكن في حالة وجود مشكلة فعلا و نتعاون في إيجاد الحلول و مشاركة الأراء للوصول لنتيجة أو حل ينفعنا جميعا كسكان لمدينة الرحاب التي نتمنى لها و لأنفسنا دوام الأمن و الأمان و الإستقرر و الحياه الجميلة و ياريت ما ننساش نبرز الأوجه الجميلة للرحاب طبعا في حالة وجود سلوك مشرف أو موقف نبيل و خلافه مما يعني أن الدنيا لسة بخير . تمنياتي بدوام التواصل و التوفيق
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا