| سيارة أخرى لصديق لنا ساكن في المجموعة7 عمارة 9 تم سرقتها صباح اليوم والأمن برضه بيتفرج وبيضحك وقطط الرحاب السمان مالهمش دعوة من باب إننا لازم نسلم بالأمر الواقع و نقبل وجود السرقات في عز الصبح ومافيش مانع من إن كام واحد يتقتلوا وبعدين نبقى نشوف الموضوع بتاع الأمن ده.
يا جماعة لازم الناس دي تعرف إن ساكني الرحاب دافعين خدمة وجود فرد أمن أمام كل عمارة مش كل مجموعة زي ما هو حاصل.
وحتى أفراد تنابلة السلطان (الأمن) غير متواجدين عادة حتى في حالة الاستغاثة بصوت عالي كما ذكر سابقة في حالة محاولا سرقة شقة والأمن نايم على ودانه.
من رأيي أن يكون لنا وقفة كبيرة من إدارة الرحاب ولا أقصد بذلك رئيس كل مرحلة كما في حالة سرقة سيارتي العقيد طارق بك كان كل همه يعرف مين إللي إدى نمرة سعادتة لنا وكان جاي بس علشان يزعق لنا علشان إحنا خلينا عربيتنا تتسرق ولا سيادة الأستاذ سامي زكي لأن الكلام معاه مش حايجيب نتيجة.
أملي أن تتم مقابلتنا على خير مع سيادة نائب رئيس مجلس الإدارة يوم الأربعاء القادم.
شرين الشامي
|
