شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

1. أعلان حالة عدم التعامل مع ما يسمى جهاز مدينة الرحاب

الاضافة بواسطة madelsadek66
تاريخ الاضافة 15/06/2009

:)

جيرانى الأعزاء

تحية طيبة لكم جميعا , أنا مقيم بالرحاب منذ عام 2003 وفى سنة 2008 / 2009 سافرت للعمل بالخارج ولكن الرحاب هى بيتى ومدينتى ودفعت فيها 20 سنة من العمل الشاق داخل مصر وخارجها حيث أننى قمت بشراء وحدة ثانية بالرحاب وأنا شديد الندم على ذلك .

أنه من الواضح لأى متابع للحوارت والمناقشات من خلال موقع رحابى ومن خلال سابق خبرتى فى التعامل مع ما يسمى جهاز مدينة الرحاب أشعر ان هناك حالة عامة من الضيق الشديد وعدم الرضا لأفعال هذا الجهاز وأنه يتصرف فى ممتلكاتنا حسبما يشاء والوضع يزداد سوأ يوم بعد يوم ولقد أحسست أننى أنسان مسلوب الأرادة حتى فى بيتى وعبداً مطالب بالأنصياع لأوامر هذا الجهاز.

ولذلك قررت أن أقول لا لهذا الجهاز وحتى لاتتحول هذة الحوارات لمجرد كلام فى الهواء فقط لاغير فأسمحوا لى بعرض الأقتراحات التالية وأرجوا منكم التصويت بالرفض أو بالموافقة والتعليق عليها :

1. أعلان حالة عدم التعامل مع ما يسمى جهاز مدينة الرحاب بأى صورة فلانطلب منهم أى شئ ولانتحدث معهم فى أى شئ حتى لو كان بسيط ولا حتى تليفونيا.

2. عدم دفع مصاريف الصيانة إلى أن يتم الأستجابة لمطالبنا.

3. عدم المشاركة فى ألى مشروع أو فعالية للجهاز ومثال على ذلك البوابات الإلكترونية والدخول من بوابة الزائرين.

4. عمل التوكيلات لأنشاء أتحاد شاغلين من خلال جمعية تطوير.

5. تعليق علم مصر فى الشرفات والشبابيك وذلك حتى يعرف مايسمى جهاز الرحاب بحجم الرفض والمقاطعة.

6. تستمر حالة عدم التعامل الى حين تكوين مجلس من الأمناء أو أتحاد شاغلين يكون له حق مراقبة الجهاز وإعلان الميزانية السنوية ويستطيع أى مالك الأطلاع عليها.

جيرانى الأعزاء أذا كنتم ترون أن هذة الأقتراحات فأرجوا منكم التعبير عن ذلك فكل الآراء تهدف للصالح العام فكلنا رحابيون أحرار الغير موافقون والموافقون فكل أنسان له مطلق الحرية فى التعبير ولكم جزيل الشكر.

محمد عادل

التعليقات

Ayman67
15/06/2009

هو ده الكلام

لما تترجم الأقوال الي أفعال يبقي هو ده الكلام الصح

كل يوم نصحي الصبح نقرأ عن مشاكل الرحاب والجهاز عمل وسوي ونكلم ونكتب بدون نتيجة والجهاز يتمادي في أفعاله واحنا بنتكلم ونكتب والجهاز عامل ودن من طين والأخري من العجين ويقول خلي اللي يقول يقول واحنا نعمل المحظور

أنا للاسف دفعت الصيانة السنة ده أثناء فترة أجازتي السنوية لأن لم ينبهني أحد من قبل لأخذ مثل هذا الاجراء بس انا ناصح لم أدفع الخمسين جنيه اتاوة الدخول والفضل للتوعية من قبل الأعضاء المحترمين الذين نبهوا جميع سكان الرحاب بعدم الانسياق وراء سلب أموالهم بمشروع البوابات الحلزونية و ان شاء الله أنا مؤيد هذه الفكرة الصائبة و سوف أقاطع التعامل مع الجهاز في الفترة القادمة وهذا الاجراء لو تم من قبل عدد كبير من سكان الرحاب سوف يكون له صدي كبير وتصل أصواتنا الي كل موظفين الجهاز ومسئولي شركة الرحاب وممكن يخترق قضبان السجن ليصل الي الأستاذ المحترم هشام طلعت الذي ممكن ربنا يلهمه الصواب و يعمل شئ في هذا الموضوع في ظل محنته وهو الأن قريب من ربنا يصلي ويدعو

و بهذه الفكرة ممكن الضغط علي الجهاز لتنفيذ جميع مطالبنا المشروعة

ويلا نكون ايجابيين ونرفع شعار حقنا وهناخده

الأمضاء : ايجابي من سكان الرحاب

الإبلاغ عن إساءة

mnyassin 15/06/2009	علامه
mnyassin 15/06/2009	انا بفكر فى شعار للمقاطعة حد يتبناه و يتعلق فى البلكونات ودى حتبقى فعلا ضربه قاضيه للجهاز
الإبلاغ عن إساءة

moody 15/06/2009	فكرة الشعار فكرة جنان
moody 15/06/2009	لو الجهاز عرف الفكرة دى هيعرض عليك تنفيذ الشعار و انت تقوم ببيعه و الربح بالنص لأن الكل هيشترى الشعار و يحطوا على البلكونات و بس خلاص هاهاها
الإبلاغ عن إساءة

ALHELOW67 19/06/2009	زمن الافعال
ALHELOW67 19/06/2009	السلام عليكم دي اول مشاركة لي بس بجد انا بفكر في الموضوع دة ليل ونهار وعندي مجموعة اسئلة هو مين اللي عين الجهاز دة؟ ومين المسئول عن عن مراقبته ؟ سواء من حيث الادادء او من حيث الميزانية؟ واية سبب الارتفاع الشديد في مصاريف الصيانة مع ان الخدمات اللي بناخدها بتقل كتير زي دهان العمارات ورش الحشرات ونظافة الحدائق ودة اللي انا بشوفه في الاجازة انا عايش برة مصر وساكن في الرحاب من سنة 2003 في النهاية ارجو انكم تنوروني باللي بيحصل ونترجم كلامنا لافعال وقرارات ناخدها كلنا عشان حياتنا تبقي الطف في مجتمعنا اللي كنا بنحلم بيه لما كل واحد فينا اشترى شقته مش استثمار ولكن عشان يعيش فيها وشكرا لكم
الإبلاغ عن إساءة

زيدو 19/06/2009	يا حلاوه
زيدو 19/06/2009	حلاوتكم ... حلاوتكم جيراني الأعزاء ... مقاطعة الجهاز خراب علينا ياساده ... مين هايشيل الزباله ...مين ،مين ،مين مين هايرش ع الصراصير ... مين ، مين ، مين مين ها يغسل هدمتك ... مين ، مين ، مين آني مش مصاريف الصيانه هي اللي كتير ومغالى فيها ... أي شقه تمليك في مدينة نصر بادفعلها شهري حوالي 80 جنيه ، هي هي ، مش أي كلام الواحد يقوله ... حكاية الصيانه ياساده ، فين الدخل اللي بيدخل المدينه ملايين سنويا بسببنا وعشانا ولولانا مكنش حد سأل في المدينه ودفع محطات المحمول / الإعلانات / إيجار المحلات اللي كانت جناين دافعين إحنا فلوسها نقول كمان ولا كفايه / عشان اللي ما يشتري يتفرج مين دفع كروت البوابات أنا وأعوذ بالله من أنا حسبت البلح ع النخل بالمدينه ، مش ده برضه دافعين عليه من دم قلبنا حد سأل بيجيب كام ؟؟؟ حد سأل بيروح فين ؟؟؟ طب حد يحسب ويقوللي حوالي نص مليون في السنه ياساده ياجيراني الأعزاء يا حبايب قلبي من جوه بعد الكلام اللي قرأته للمشاركين جميعا واللي أغلبهم مسافرين بره مصر ، مين فيهم عمل التوكيلات للمشاركه في إتحاد الشاغلين ... هل عندكم علم إنه قانونا فيه غرامه وحبس لمن لم يشارك أو يرفض المشاركه في إتحاد الشاغلين وسوف يتم التصرف في منقولاته بالقانون إذا رفض دفع ما عليه من قرارات الإتحاد لمصاريف الصيانه واللي ممكن يتحكم فيها جهاز المدينه إذا نحن لم نشارك بقوه في الإتحاد يا جيراني الأعزاء ... حلفتكم بالله ... أفيقوا بأه وإتحركوا ، وبطلوا كلام لايودي ولا يجيب تعبت ... زهقت... بلاش أكمل
الإبلاغ عن إساءة

ALHELOW67 26/06/2009	المشاركة الفعالة
ALHELOW67 26/06/2009	السلام عليكم ورحمة الله وبركاته جيراني الاعزاء انا موافق على كل كلمة اتقالت وعلى المشاركة في كل فعل بناء يضيف لمسة جمالية لحياتنا في مدينتنا والكلام عن موارد المدينة انا وناس كتير بنفكر فيه وبنسال نفسنا عن الموارد دي بتروح فين بس زي ما قلت لكم انا عايش برة مصر واجازتي ضيقة جدا وبقضيها كلها في الواجبات العائلية بتاعة السنة عشان كدة ارجوكوم ارسمو لنا خط واحنا نمشي علية قولو لنا انا والمغتربين امثالي اية المطلوب مننا ونعمله ازاي وفين وننسق مع مين وكل الخطوات المطلوبة وانا اول واحد جاهز شكرا
الإبلاغ عن إساءة

زيدو
29/06/2009

للساده المغتربين

الساده / جيراني الأعزاء

بعد خالص التحيه والإحترام ... أود أن أشير إلى وجود جمعية تطوير ... عندما تأتي في إجازتك ... إتصل بها وسوف تحصل على كل ما تريد وكافة المعلومات التي تنشدها وكذلك النصح نحو السبيل المثل لما تفعل والطريق إلى غايتك ... هذا وعلى الله القصد والسبيل والتكال ... وأرسل لكم بهذه المناسبه خالص التحيه وأصدق الأمنيات والسلام

أخوكم

زياد

الإبلاغ عن إساءة

moody 10/07/2009	بدايه تأسيس إتحاد الشاغلين
moody 10/07/2009	هذا إن دل يدل على إلتزام الجهاز هذه المرة و بطريقة حضاريه محترمة لا تقبل الشك وقد يكون مضطرا لذلك الإعلان فى جريدة الأهرام يعنى مش إعلان تحت السلم حان وقت الإيجابية على كل رحابى و رحابية و على فكرة مش لازم تكون هناك ملكية على الجميع الإشتراك فى إتحاد الشاغلين عشان ده معناه ببساطة إمكانية إنتخاب و إختيار أعضاء مجلس إدارة المدينة معناه إمكانية الإعتراض و عدم تنفيذ أى قرار سواء مصاريف صيانة أو غيره معناه إمكانية فرض ما فيه الصالح العام على السادة المسئولين معناه إن مفيش مشاريع تربحية مفيش أفكار مزاجية مفيش تهديدات بقطع الميه مفيش جليطة وعنجهيه مفيش مسئول غير أمين ممكن يستمر فى مكانه معناه حرية ديمقراطية عدل حق محاسبة معناه حاجات حلوه كتير ممكن تتحقق و برضه ممكن تكون أوهام كل ده هيتحدد بعدد المشاغلين المشاركين فى الإتحاد لو كانت نسبتهم أكبر من السادة المسئولين و أتباعهم يبقى ممكن كل حلم فى المدينة يبقى حقيقة و إلا ستزداد البله طينة و هيبقى كله بالقانون الفساد و التعدى و السرقة بالقانون طالما بموافقة أعضاء مجلس إدارة إتحاد الشاغلين لذلك أدعوا كل الرحابيين مش مهم مالك و لا مستأجر سرعة تسجيل أسمائهم للمشاركة فى تأسيس الإتحاد حتى تمكن من إنتخاب و إختيار أعضاء مجلس الإدارة فيما بعد حتى نتمكن من الإعتراض على أى قرارات و منع وصد أى مخالفات هذه هى تواريخ تسجيل الأسماء الحاضر يبلغ الغايب و الصاحى يبلغ النايم بعد تأسيس الإتحاد هيبقى مفيش اختيارات يا تعيش فى الرحاب ببلاويها يتشوفلك حته تانى تسكن فيها مج 1 إلى 18 يوم 19/7 و يعاد 30 /7 مج 19 الى 41 يوم 20 / 7 و يعاد 2/8 مج 42 الى 65 يوم 21/7 و يعاد 3 / 8 مج 77 الى 86 يوم 22 /7 ويعاد 4 / 8 مج 87 الى 94 يوم 23 / 7 ويعاد 5 / 8 مج 95 الى 100 يوم 26 /7 ويعاد 6 / 8 فل 1 الى 12 يوم 27 /7 ويعاد 9 /8 فل 13 الى 22 يوم 28/7 ويعاد 10 /8 حرفية و ادرية و خدمات 29/7 ويعاد 11/8 المكان قاعة ليلاك المطلوب أصل و صورة الرقم القومى و عقد ملكية أو إيجار و اللى يقولك غير كده يبقى ........!!؟ اوعوا تنسوا يا رحابيين اوعوا تنسوا يا ايجابيين أحمد مصطفى
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا