|
الاضافة بواسطة lily
تاريخ الاضافة
14/01/2008
النهاردة كنت راجعة من كارفور وتعرضت لمحاولة نصب ، فضلت أحكيها لكم علشان تاخدوا بالكم... |
|
أنا كنت راجعة مع صاحبتي من كارفور وقبل ما أصل الى طريق الدائري عند العمارات الجديدة كانت فيه عربية نص نقل بتبيع بطاطس وقفنا ناخد منها علشان شكلها حلو وبعد مااشتريناقال أحد البائعين وهم كانوا اتنين، مش عايزين فكة ، أنا عايز أجمد 100 أو 200 على كيفكم أنا قلقت ، قلت يمكن يدينا فلوس مزورة لكن صاحبتي اتسرعت ووافقت. اعطته 100 جنيه وقالتلوا عايزة عشرينات ، أعطاها 4 عشرينات وعشرة وجنيهات وقالها : عدي قبل ما تمشي !! لما عدت لقت إن الجنيهات 9 مش عشرة قالتله فاضل جنيه !! قالها وريني وبدأ يعد أمامنا ثم قال : باقي لكم جنيه وحاطه أمامنا بينما هو في الحقيقة شال من الفلوس 3 عشرينات (يعني ستين جنيه) وأعطانا الفلوس بعد ما مشينا صاحبتي عدت الفلوس واكتشفت النصبة . رجعناله علطول وكان واقف حواليه ناس كتير ، قعدنا ننبههم بصوت عالي إنه نصاب ،راح جري بسرعة وأعطانا المئة جنيه، ومشينا بسرعة واحنا بنهدده بابلاغ البوليس ، وأول ما طلعنا على الدائري قابلنا عربية بوليس وقفناهم وحكينا لهم القصة ، الظريف ان واحنا بنسوق بسرعة بعد ما أخدنا ال 100 جنيه لم نهطيه ال 40 جنيه اللي كان أعطاهم لنا أول مرة .. يعني وقع في شر أعماله . ولما رجعناسألنا الشيخ على ال 40 جنيه قال اتصدقوا بهم لله .
خالوا بالكم كلكم.
|
