| هذا إن دل يدل على إلتزام الجهاز هذه المرة و بطريقة حضاريه محترمة لا تقبل الشك
وقد يكون مضطرا لذلك
الإعلان فى جريدة الأهرام يعنى مش إعلان تحت السلم
حان وقت الإيجابية
على كل رحابى و رحابية و على فكرة مش لازم تكون هناك ملكية
على الجميع الإشتراك فى إتحاد الشاغلين عشان ده معناه ببساطة
إمكانية إنتخاب و إختيار أعضاء مجلس إدارة المدينة
معناه إمكانية الإعتراض و عدم تنفيذ أى قرار سواء مصاريف صيانة أو غيره
معناه إمكانية فرض ما فيه الصالح العام على السادة المسئولين
معناه إن مفيش مشاريع تربحية مفيش أفكار مزاجية مفيش تهديدات بقطع الميه
مفيش جليطة و عنجهية
مفيش مسئول غير أمين ممكن يستمر فى مكانه
معناه حرية ديمقراطية عدل حق محاسبة
معناه حاجات حلوه كتير ممكن تتحقق و برضه ممكن تكون أوهام
كل ده هيتحدد بعدد الملاك المشاركين فى الإتحاد
لو كانت نسبتهم أكبر من السادة المسئولين و أتباعهم يبقى ممكن كل حلم فى المدينة يبقى حقيقة
و إلا ستزداد البله طينة و هيبقى كله بالقانون
الفساد و التعدى و السرقة بالقانون طالما بموافقة أعضاء مجلس إدارة إتحاد الشاغلين
لذلك أدعوا كل الرحابيين مش مهم مالك و لا مستأجر سرعة تسجيل أسمائهم للمشاركة فى تأسيس الإتحاد حتى تمكن من إنتخاب و إختيار أعضاء مجلس
الإدارة فيما بعد
حتى نتمكن من الإعتراض على أى قرارات و منع وصد أى مخالفات
هذه هى تواريخ تسجيل الأسماء
الحاضر يبلغ الغايب و الصاحى يبلغ النايم
بعد تأسيس الإتحاد هيبقى مفيش اختيارات
يا تعيش فى الرحاب ببلاويها هيتشوفلك حته تانى تسكن فيها
مج 1 إلى 18 يوم 19/7 و يعاد 30 /7
مج 19 الى 41 يوم 20 / 7 و يعاد 2/8
مج 42 الى 65 يوم 21/7 و يعاد 3 / 8
مج 77 الى 86 يوم 22 /7 ويعاد 4 / 8
مج 87 الى 94 يوم 23 / 7 ويعاد 5 / 8
مج 95 الى 100 يوم 26 /7 ويعاد 6 / 8
فل 1 الى 12 يوم 27 /7 ويعاد 9 /8
فل 13 الى 22 يوم 28/7 ويعاد 10 /8
حرفية و ادرية و خدمات 29/7 ويعاد 11/8
المكان قاعة ليلاك
المطلوب أصل و صورة الرقم القومى و عقد ملكية أو إيجار و اللى يقولك غير كده يبقى ........!!؟
اوعوا تنسوا يا رحابيين
اوعوا تنسوا يا إيجابيين
أحمد مصطفى
|
