امس فى رحلة الرجوع للرحاب من موقف سراى القبه الاعه 3:00 ربنا رزقنا بسواق نقل بمقطوره و متاكد انه كان خاسس انه محمل طوب مش بنى ادمين المهم اول القصيده خبط عربيه اوبترا من جنبها فى اول تحرك له جنب محطة سراى القبه و تعلل بان سواق الاوبترا غلطان ، فى خلال الرحله اخد ما لا يقل عن 16 غرزه و كلها بغشم لدرجة انه قلبلى معدتى ، و زعق فيه معظم الركاب و منهم اخت منقبه و شايله عيل صغير على ايديها و واضح ان العيل اتاذى من السواقه الى مش ولابد دى

 

المهم انا قررت اخد موقف ايجابى كعادتى (ميدو مشاكل) و اتصلت بمشرف الاتوبيسات و خلى الرقم ده معاكم برده 010/1725519  او 260706033  الراجل طلب منى انى اول ما اوصل المحطه اروحله و حصل و شاورت له على السواق و بدون رغى كثير اخده على المدير وش و قالى انه حيتجازى

 

   بغض النظر ده الى حيحصل ولا لا بس المهم الراجل كان متفهم الغلط وواضح ان دى مش اول مره