|
الاضافة بواسطة ايمن مقلد
تاريخ الاضافة
20/03/2010
حقيقي التجربه ومجابهه الظلم ومحاربته والاقتناع بقضيه ما بتولد طاقه هائله بحاول اعبر عنها واحب اوصلهالكم - اتمني تكون خفيفه ولطيفه وترسم البسمه علي شفاهكم |
|
عارفين اصل الحكايه منين
أصلها ياساده يا مستمعين
ابتدت من سنين وسنين
من لحظه ما اللي بنوا الرحاب كانوا فاكرين
ان اللي حيشتري منهم شويه مصريين
طيبين ساكتين وراضيين
ع اللي بيتعمل فيهم من سنين
جنب الحيطه ماشيين
رغم الظلم والقهر صابرين
لا فيه شكوي ولا أنين
لكن خاب الظن والتخمين
وطلع فيهم ناس مثقفين
وع الواحده ليهم واقفين
ولحق ولادهم مش سايبين
ولكرامتهم مش بايعين
وفي زورهم محشورين
ومش عارفين يفترسوهم زي ما كانوا ناويين
عموما طول ماحنا وهما عايشين
حاقوللهم جمله من كلمتين
الرحاب ده بتاعه مين
بتاعتنا والله خير الشاهدين
شريناها بجهد وعرق السنين
وانتو بعتوها وكنتم ربحانين
بتتمحكوا ليه يامتطفلين
وتلككوا باتحاد شاغلين
ماتحلوا عنا يا منافقين
سيبونا نديرها زي ما حنا عايزين
بتاعتنا واحنا وهيا حرين
طول مافينا رجاله مش ساكتين
ربنا معانا وبه نستعين
حنكون عليكم منصورين
قولوا معايا آمين
وانا غدا لقريب للناظرين
|
