شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

قمصان جوزى بتروح فين!!؟؟

الاضافة بواسطة engy talaat
تاريخ الاضافة 05/05/2010

يا جماعة انا قمصان جوزى بتضيح واحد ورى التانى ومش عارفة اعمل ايه !!!؟؟؟

كل شوية اكتشف ان فى قميص ضاع من عند زوجى ومش عارفة بيروحوا فين ..... كل لما انشر الاقى قميص زوجى فقط هو الى مش موجود... ولازم يكون القميص الغالى الى هو ماركة يعنى ....انما لو قميص عادى بلاقيه زى ما هو ...... مش عارفة ايه الحرامى الواعى المثقف دة....؟؟؟ حد عنده فكرة اعمل ايه انا مثلاً فكرت انى

اجيب عشرة انابيب لصق من اللصق الخاص بالفئران واضعه تحت البلكونة علشان لما الحرامى ييجى رجليه تلصق بس ممكن يقلع الجزمة ويسيبها ويمشى او يطلعها من اللصق

فكرت اكهرب الغسيل والحبل والقمصان بس خفت احسن حد من اطفالى يتكهرب

فكرت فى وضع كاميرات مراقبة على المنشر بس الموضوع دة مكلف شوية

فكرت اجيب كرسى واقعد امام الغسيل لحد ما ينشف بس فى الحالة ديه هاقدم استقالتى من شغلى

لو حد عنده نصيحة يا ريت يقولها لى لان قمصان جوزى قربت تخلص مع العلم ان ملابس وملابس اطفالى الحرامى مش بيأخدها

كمان خطر فى بالى لو شفت واحد ماشى فى الرحاب ولابس قميص من قمصان جوزى الى ضايعة اعمل ايه؟؟؟؟

التعليقات

mido9263 05/05/2010	أقول لكى تعملى ايه
mido9263 05/05/2010	عزيزتى اللى بيتسرق قمصان جوزها احسن حل تغيرى ميعاد الغسيل والنشر يعنى لو بتغسلى بالليل خليها الصبح والعكس ودايما غيرى المواعيد كده الحرامى يتعب ويزهق لانه هيبقى عنده سرقات فى مكان تانى ومش هيقدر طبعا يتفرغ لغسلكم
الإبلاغ عن إساءة

lily 05/05/2010	حل تاني
lily 05/05/2010	ودة اللي الأمن نصحني بيه بعد تعدد السرقات لغسيلي من البلكونة الأرضي إني أحط منشر بيتطبق في بلكونة تانية بعيدة عن سكة الناس اللي بتمشي وفعلا حطيته في البلكونة اللي على الجنينة والسرقات دي خلصت منها بس دلوقتي برضه قمصان جوزي وبنطلوناته بتضيع من المكوجي .. تعددت الأسباب والسرقة واحدة
الإبلاغ عن إساءة

soma 05/05/2010	كده هخاف !!
soma 05/05/2010	انتو كده هتخوفوني اسكن في الأرضي بس عجبتني قوي فكرة لصق الفيران دي ... على الأقل تاخدي الجزمه دليل الجريمة هههه يالي لي : ازاي بيضيعوا في المكواه ؟؟؟؟ هم تلاقيهم بيتبدلوا ... حصلت معانا قبل كده ورجعنا مكواه مش بتاعتنا لو الموضوع بيتكرر غيري المكوجي طبعا
الإبلاغ عن إساءة

atefalassraj 06/05/2010	ابحث عن المرأه
atefalassraj 06/05/2010	اكيد مرات جوزك التانيه هى اللى بتاخد هدومه علشان تغسلها تانى علشان اما غسيلك مش عاجبها او ان جوزك اشتكى لها ........ ابحث عن المرأه
الإبلاغ عن إساءة

magedramadan 06/05/2010	موضوع كوميدي جدا
magedramadan 06/05/2010	أعتقد يامدام إنجي إن الموضوع ده هياخد أكتر نسبة تعليق لأنه كوميدي طحن(على رأي شباب الأيام دي) وإنتي عارفة خفة دم المصرين في مثل هذه المواضيع (حلاوة شمسنا--وخفة دمنا) والشمس وخفة الدم لهم علاقة وثيقة الأن بغسيل حضرتك ____ ولكن هناك حلول عملية(مثل ماذكرته مدام ليلي) وحلول كوميدية مثل كل ماوصلك واللي لسه هيوصلك - يعني ممكن تغيري ماركة القميص أو جوز حضرتك مايلبسش ماركات غاليه ويديكي الفرق _--وأرجو لو شفتي واحد ماشى فى الرحاب ولابس قميص من قمصان جوزيك الى ضايعة , ببساطه شديده تسأليه (هوا حضرتك حرامي الغسيل) وبعديها ********* إبقي إدعيلي
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا