| اختى ليلى
ونعم بالله تسلمى حبيبتى
وبالنسبه لموضوع المحل وان قلبهم على القطط
يمكن يكون صحيح بس مش مع الدكتور الى اتعاملت معاه
لان بجد لقيت لا مبالاه فظيعه
واما قطتى كانت تعبانه ومحتاجه جلوكوز قالى مش هينفع دلوقتى
وتانى يوم تعب تانى وكلمته قالى انا هروح دلوقتى خليها بكره
اما روح تبقا بتتعذب ويبقا دا رد الفعل فين الخوف على حياه القطط
واما اسأله القط حرارته 40.8 يقولى غطيه ببطانيه ودفيه كويس فين العقل دا
ولما بشرته بدأت تصفر مكنش عارف ان دا تعب فى الكبد
طبعا لانه قاعد يأخد فى ادويه ومضادات حيويه بدون اكل خالص
وفى النهايه افتكر انه محتاج جلوكوز اما بابسى كان بيموت خلاص
مش عارفه اقولك ايه ومدى الضرر والاهمال الى حصل لبابسى
واد ايه اتعذب قبل ما يموت واحساسى انى مش عارفه اعمله حاجه واسعفه
وانا شايفاه بيموت بين اديا لحد ما جتله جلطه ودخل فى غيبوبه
انا مؤمنه ان ا قضاء ربنا وان ربنا كاتبله الموت فالوقت دا ايا كان السبب
بس الاهمال الى شفته بجد ربنا ما يوريه لحد لانه بجد صعب
اخى سندباد
فعلا الاهمال فى كل شىء بقا دلوقتى يارب اللهم اامين
مشكور اخى
انا فى جميع الاحوال مكنتش هشترى تانى قطط
لان بصراحه مش عندى استعداد اشوف روح بتتعذب وغاليه عليا بالطريقه دى تانى
مش عارفه مدى صحه تحليلك للموضوع
بس الى شفته كان لا مبالاه بالارواح ومفيش اهتمام
انما الغرض الاساسى من كده مش عارفه هل دا طبع ولا جهل
ولا زى ما حضرتك قولت انه مصلحه
الحمدلله على كل شىء
|
