نفسي أعرف سنة كام ، هم قالوا بعد رمضان ، بعدين بعد العيد ، بس ماحددوش انهو عيد ,,,

 

فيه حد بيعرف إيمتى هيشغلوا النظرية الأمنية الكي جي بيه السي أي إيه لمنع تسرب الدخلاء و للحفاظ على مقدرات الوطن الرحابي المفدى؟

ولا يمكن يا هل ترى يا عنترا ، راح يبعتولنا إستنطاع رأي تاني ، و نجاوب تاني ، و نستنى تاني ، بعجين يجيبونا على الجهاز تاني ، و ندفع خمسين جنيه تاني ، و إذا لسة عربيتنا ما إتغيرتش ، برضك ندفع عشراية ، قال إيه ، قال بيقولك مصاريف إدارية ، و قرطاسية ولب و سوداني مملح ، و بعدين يكلموك بقرف لما تستغرب ، و يقولولك مهو لازم كدة علشان السيستم ، يا دي السيستم إللي هارينا و لنا تتجرأ و تسأل طب إيمتى هيشتغل يقولولك ، خلال شهر ، شهر إيه سنة كام ، الله أعلم

إن قضية تحرير القدس ، و إعادة توحيد الأمة العربية ، و نشر الخير و العدل في أرجاء المعمورة ، مرتبطة إرتباطا تاما بتنفيذ أمن بوابات الرحاب ....

إدعوا ربنا ولاد ولادنا يعيشوا و يشوفوا بوابات الرحاب بالبطاقة ، و الزوار بتوقف تدفع خمسة جنية على كل ثلاث ساعات وساعتها بقى الخمسة جنيه هتكون بقيمة نص جنية ، و أوكد لكم أن الجهاز برئيسة و موظفينه هيكونو موجودين ساعتها و هيعملو إستنطاع رأي تاني .........الخ