|
الاضافة بواسطة ايمن مقلد
تاريخ الاضافة
04/01/2011
مسلم مسيحي عمر نا ما حنتفرق |
|
ياناس يا خلق ياهووووه - اصحوا وفوقوا خلاص حنتوه - احنا كده بالجهل بنضيع - والطوفان مش حيخلي حياخد الجميع - مسلم مسيحي كلنا مصريين - طافحين المر والكوته وساكتين - مصيرنا واحد حلمنا واحد ألمنا واحد - ليه يطلع من وسطينا جهله مجانين - أخويا المسيحي من يوم ماوعييت لقيته معايا - في عيدي وفرحي وحزني ويايا - وأنا معاه في المدرسه والكنيسه - لا فيه بيننا ضغينه ولا حقد ولا دسيسه - المسيحي بيصوم معايا رمضان - وفي العيد بناكل مع بعض الكحك والخرفان - وانا معاه في عيد الميلاد والقيامه - باخده في حضني وبادعيله بالسلامه - حرام عليكم ياخلق كفايه - ماعادش فاضل لينا غير بعض في النهايه - دم اخواتنا جري في اسكندريه - حد يقوللي مين الجاني ومين الضحيه - جاني غبي جاهل مريض خرفان - وكلنا ضحايا مسلم مسيحي او حتي اخوان - دم اخواتنا في رقبتنا كلنا - ياتري حنسيبه ولا حناخد من اللي عملها حقنا
|
