|
الاضافة بواسطة ايمن مقلد
تاريخ الاضافة
26/01/2011
ياااااااااااااااه من زمان قوي الواحد ما حسش بالعزه والفخر اللي الواحد حاسسهم النهارده - ده بجد ياناس احنا شعب عنده كرامه جايز كان متداس عليها لكن موجوده |
|
رجاله يا شعب مصر يا من خرجتم في مظاهره يوم الغضب يوم 25 يناير خرجتم تطلقون صرخه ضد الفساد والظلم والقهر والتزوير - فعلا بقالنا كتير مش قادرين نردد مقوله لو لم أكن مصريا لوددت أن اكون مصريا ضاع مننا الانتماء فتره من الفترات حسينا بالغربه والوحشه في بلدنا حسينا ان مصر لا محصله امنا ولا حتي مرات ابونا - اتاري العيب لا فينا ولا في مصر ده العيب فيمن ابتلينا بهم لحكمنا واداره دفه امورنا والتحكم في رقابنا من جعلونا نتجرع الظلم اصنافا والوانا من زرعوا الفتنه وتسببوا بجهلهم في استعداء الجميع واستهداف وحدتنا الوطنيه من سعوا لسرقه ونهب ثروات هذا الشعب الطيب الصابر الجميل من جعلونا قطيعا يسوسونهم بالعصا وبكرم المصري وحلمه وسعه صدره تحملنا وصبرنا حتي بدا لمعظمنا انه قد هان علينا كل شئ وهنا علي أنفسنا ولم تعد لدينا كرامه كرامتنا المهدره في ساعات الانتظار في اشاره المرور انتظارا لمرور مواكب كلاب السلطه كرامتنا المهدره داخل اقسام الشرطه وفي غرف الحجز حتي لو كان الحق معنا كرامتنا المهدره وارواحنا الضائعه في الاغذيه المسرطنه ولحوم الكلاب ولحوم الحمير والخنازير التي اطعمونا اياها رغما عنا وبجهل منا كرامتنا المهدره وارواح ولاد شعبنا في قطار الصعيد يوم العيد وفي البحر وحريق العباره وحريق مركز الثقافه ببني سويف وحوادث الطرق الغير صالحه رغم ما يجبونه من رسوم وضرايب كرامتنا المهدره في اصواتنا واصوات موتانا الذين يدلون بها في انتخاباتهم المفبركه المزوره دون علمنا لم نعد نعامل كبشر انما كأرقام يتفنون في فرض الضرايب والاتاوات علينا ويرفعون علينا الاسعار ويبيعون ثروات بلدنا لأعدائنا بأبخس الاسعار ويفرضون الضرايب علي مانسكن فيه من عقارات ويضاعفون الضرايب علي من تتحسن ظروفه ويستجري يشتري عربيه تانيه ليجد الجباه يطالبونه بدفع المزيد من الضرايب كما لو كان كفرا ان يكون عند مواطن مصري محكوم مالوش ضهر عربيتين مع انها اصبحت ضروره في ظل علب السردين اللي بيسموها وسائل مواصلات وهي غير آدميه وامعانا في مص دماؤنا يفتعلون الاحداث لالهاؤنا عن المطالبه بأقل حقوقنا لم نعد نحس بالانتماء الا في مباريات الكره اختزلت قيمه علم بلادي الذي كانت تدمع اعيننا ونحن صغارا حينما كنا نقف لتحيته في حوش مدارسنا الفسيحه سابقا الي مجرد رمز نلوح به يوم المباراه - اصبحنا نلف حوالين نفسنا علشان ندفع تمن الدروس الخصوصيه لاولادنا وخدعونا وقالو التعليم مجاني كرهونا في حياتنا خلوا الشباب ينتحروا في رحلات الموت الجماعي فيما اسموه الهجره غير الشرعيه خلونا نرحب بالموت عن العيشه في حضن امنا اللي كرهونا فيها خلونا نلف في ساقيه زي الدواب علشان نبطل نسأل عن حقوقنا لكن كل شئ وله آخر أثبت الشعب الصابر الجميل انه موجود وفعلا شعب معدنه يظهر في الشدائد مهما كانت النتيجه ومهما تمخضت الاحداث عن شئ او عن لا شئ اهم حاجه انها رجعتنا نقول لو لم أكن مصريا لوددت أن اكون مصريا ده اهم حاجه حصلت في حياه كل واحد فينا من سنين يارب نكون كلنا رجاله وعند حسن الظن بينا العالم كله بيبص علينا والاعناق مشرأبه لازم كل واحد فينا يشارك باللي يقدر عليه اللي ينزل ويشارك في المظاهرات علشان نكبر في عيون ولادنا ويفتخروا بينا واللي مش قادر ينزل يشجع غيره علي النزول ويكتب في كل المواقع لشحذ الهمم شويه شباب ع الفيس بوك هزوا النظام الفاسد وخلوه يقفله معني انهم قفلوا الموقع ان الضربه وجعتهم ان قفلوا الفيس بوك في مليون موقع تاني net log - tagged - my space - yahoo - hot mail مش حنغلب تحيه للمصري صاحب العبور العظيم احنا في معركه مصير لا تقل اهميه عن معركه العبور هي معركه كرامه الشعب كله ان شاء الله حنكون قدها
|
