|
الاضافة بواسطة ايمن مقلد
تاريخ الاضافة
10/02/2011
مهما عبرنا ومهما قلنا لسه حنقول كتير |
|
يا مصر خلاص ولادك فاض بيهم الكيل
العتمه زادت الغربه طالت وليلنا بقي طويل
من فسادك يامبارك قاموا ومش ساكتين
يا ياخدوا منك حقهم يا ع الشهاده ناويين
بقالنا كتير بنقولك لايمها وكفايه
خلاص it s over وصلنا للنهايه
نهايه كل طاغ نهايه كل ظالم
بايدينا نهايتكم وماحدش عليكم نادم
ياعم حسني ارحل بقي وحل عنا
زمنك ولي خلاص ومش راح نستني
مش سايب لينا حاجه بيك تفكرنا
غير فسادك وتزويرك وظلمنا وحرماننا
فقرت شعبك لاجل انت تتهني
عيشتنا في النار وعيشت انت في الجنه
قلنا لك امشي ارحل بقي وكفايه
مش قادر ليه تصدق هي ده النهايه
خلاص براحتك اقعد وخليك
بسناننا كلنا راح ننهش فيك
الشعب صبر كتير قولت عليه اهبل
اتاريك انت مش دريان كبرت وبتستهبل
كنا صابرين وساكتين قلت خلاص ماتوا
ونسيت كم من فراعنه ع البلاد فاتوا
مهما عاشوا وفي الارض فساد عاثوا
مطرودين تحت الجزم ماتوا واتداسوا
صحيح ظلمتنا قهرتنا وذليتنا كتير
لكن لابد من يوم يكون فيه تغيير
ماهي دوله ظلمك يا مبارك ساعه
ودوله حقنا وعدلنا حتي قيام الساعه
|
