|
الاضافة بواسطة ايمن مقلد
تاريخ الاضافة
12/02/2011
اللهم مد له في عمره حتي يتخطي المئه أو يزيد
اللهم مد له في عمره قدر ما اقترف من ذنوب
اللهم لا شماته |
|
اللي بيطلب مننا ندعي للرئيس السابق بالشفا باقولهم علي فكره ان كان ربنا بيعذبه دلوقتي بالمرض فده شئ في صالحه لأن من رحمه ربنا بيه انه بيخفف عنه وبيخلص منه في الدنيا بس كده نبقي ندعيله ربنا يطول في عمره 100 سنه كمان علشان يلحق يخلص الذنوب اللي عليه متفقين معايا ولا حيحتاج اكتر من 100 سنه - هو اللي بيختلس الف جنيه بيتحكم عليه باد ايه واللي بيختلس من شعب غلبان 70 مليار يتعمل فيه ايه واللي بيسهل سرقه الحراميه لمليارات الشعب الفقير اللي فيه ناس بتموت من الجوع واللي بيموت مش لاقي تمن العلاج - اللهم طول في عمر مبارك يمكن يقدر يرد المظالم لأهلها لأن رد المظالم شرط لقبول التوبه - طيب حيرد مظالم الشهدا
ازاي حيقول ايه لخالد سعيد وغيره من شهداء ثوره 25 يناير - طيب والجرايم اللي ارتكبها الناس اللي كان بيحميهم زي احمد عز وحبيب العادلي ماهو حيتحاسب عليها وحيتحمل وزرها - طيب والبلطجه اللي كانت بتحصل في ايام الانتخابات سواء بمعرفته أو بأيدي نظامه دون معرفته طيب والغاز اللي باعه لاسرائيل بالبخس وضيع علينا ملايين حيرجعهالنا ازاي - والشركات اللي تسوي مليارات وملايين واتباعت بملاليم حيعرف يعوض الشعب عنها بايه - ما هو هو المسئول عن كل ده 30 سنه ْ وكل سنه 365 يوم وكل يوم 24 ساعه وكل ساعه 60 دقيقه وكل دقيقه 60 ثانيه وفي كل ثانيه كان فيه 80 مليون بيدعوا عليه من سوء احوال عيشتهم - مش سيدنا عمر كان بيقول لو عثرت دابه في الشام لسئل عنها عمر في الحجاز - اللهم طول في عمر مبارك اللي بيحبه او بيطلبله الرحمه يدعيله الدعاء ده علشان يقدر يسد الديون ع الاقل معاه فلوس يقدر يتعالج بيها نعمل ايه في الناس اللي عيانه ومش لاقيه تتعالج ولا لاقيه حتي تاكل وجنب ده كله كانت بتضرب بالجزمه لوطلبت حقها يعني مرض وفقر وظلم فاتوره تقيله قوي يا حسني الله يعينيك عليها - عموما حقك عليا يفرض عليا اهتف واقول عاش الرئيس السابق حسني مبارك ده اقل واجب يا راجل - صدقوني لا هي شماته ولا تشفي ولكن من لا يرحم لا يرحم وربك عادل مابيظلمش - اكيد طول عمره لحكمه لا يعلمها الا الله - اللهم مد في عمر مبارك كمان وكمان بذمتكم شوفتم ناس احسن مننا بندعي لجلادنا وظالمنا بطول العمر - عاش عاش عاش عاش
ومن نعمره ننكسه في الخلق أفلا يعقلون الايه 68 سوره يس
|
