شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

بنطلوني اتسرق من ع الحبل !!!

الاضافة بواسطة ~>SHERY<~
تاريخ الاضافة 28/02/2008

نشرت بنطلونى الباجي الساعة 12 الظهر و دخلت ابص عليه الساعة 8 بالليل ملقتوش !!! البنطلون اتسرق من جوا البلكونة !!! حد نط جوا البلكونة ف عز النهار و فك المشابك و اخد البنطلون و مشي .. مش فاهمة ازاى قدر يطلع ف البلكونة لوحدو و لا كان معاه حد تانى ساعدو و لا لو كان لقي البلكونة مفتوحة ياترى كان هيفكر ف اكتر من البنطلون ؟؟؟ دخلت مستغربة باقولهم ف البيت ف ماما طلعت و الخوف بعينيها تتامل بنطالي المسروق .. و الغريب ان اختى ماستغربتش اتاري كانت حاطة ترابيزة برا جنب باب الشقة و دخلت تدخل باقى الحاجات على ما خرجت ملقتهاش !! سالت كل الجيران .. كل الجيران محدش شاف الطرابيزة بس واحدة من الجيران استغلت الفرصة و سالتها عن عجلتها الجديدة المسروقة من تحت سلم العمارة .. برضو نفس العمارة !!! كلمنا الامن علشان نشوف ايه الى حصل و واحنا عندو جالو بلاغ ان مشاية جارتنا ف نفس العمارة اتسرقت من على البلكونة بتاعتها !!! برضو ف نفس العمارة .. هيه عمارتنا و بس و لا ايه ؟؟؟ اتارى كل فرد امن على مجموعة كاملة طيب داحنا كنا الصبح و مشفش حاجة اومال لو كنا بالليل ؟ و ياترى بيروح لحد فين علشان قبل كده حصل حالة طارئة و قعدنا ندور و ننده و ننادى و نصيح و برضو ملقيناش حد و برضو كان الصبح !!! اومال بالليل ايه الى ممكن يحصل؟؟ اتمنى لو حد تانى برضو اتسرق يقول و يشاركنا حكايتو:[barf]

التعليقات

rana 29/02/2008	سرقة في عز الظهر
rana 29/02/2008	على فكرة انا مفيش حاجة اتسرقت من عندي بس شوفت محاولة سرقة وكانت الساعة 10 صباحا كنت دخلة البلكونة أنشر الغسيل ووجدت في العمارة اللي امامي شاب واقف وشكله مريب ولفت نظري انه بيبص شمال ويمين وفجاءة بيمد ايده على بنطلون جينز منشور في البلكونه اللي في الدور الأول وبمجرد ماصرخت وقلت حرامي رمى المشابك والبنطلون وجري بسرعة وطبعا على ماالامن ظهر كان هو اختفى وشكله تقريبا عامل من العمال وعلى فكره الحكاية دي بتتكرر كتير فى المرحلتين الثالثة والرابعة
الإبلاغ عن إساءة

lily 29/02/2008	أنا اتسرقت على الأقل 3 مرات
lily 29/02/2008	أنا في دور أرضي بجنينة أول مرة اتسرق من الجنينة عجلة جوزي بالسلسلة بتاعتها اللي كنا قافلنها بيها، وتاني مرة كانت عندي ضيفة بايتة عندي ومن كرم أخلاقي عرضت عليها اغسل لها جونلة لونها تحفة ونشرتها في بلكونة المطبخ ( المنشر الرسمي للشقة)وبعد ساعتين بالضبط لقيت ان الجونلة اتسرقت دونا عن بقية الغسيل وطبعا كنت في نص هدومي ، ده غير عدة مرات حاجات تتسرق من على الحبل ( حاجات معينة ) يعني الحرامي بتاعي بينقي عنده ذوق ، ولما رحنا الأمن بتاع المجموعة قالنا متبقوش تنشروا . ولما طلبت أحط حديد على البلكونة دي رفض وقال لو عملتيه هنشلهولك ده القانون بتاع الرحاب . وقاللي أن السرقة اتكررت في العمارة في يوم معين وده يأكد ان دادا معينة لما بتيجي تنظف في يومها المحدد بتنظف العمارة كلها :) وبس
الإبلاغ عن إساءة

couckolouko 02/03/2008	بنطلون مين ده
couckolouko 02/03/2008	هو لونه ايه بالظبط:shocked
الإبلاغ عن إساءة

HAMDYELARABY 03/03/2008	الحمد لله
HAMDYELARABY 03/03/2008	الحمد لله يا شيرى ان البنطلون لما اتسرق ماكنتيش جواه والا كانت الحسارة هتكون فادحة. علشان الفلتان اللى فالرحاب وحوادث السرقة قررت الجأ للعنف يعنى طالما أمن الرحاب عجز عن القيام بواجبه والبوليس اللى كمان اصبح له نقطه فى الرحاب عاجز اكتر يبقى الحل ان الواحد يحمى بيته واهله ونفسه بنفسه:[reallymad] مسدس ظريف من العيار اللى يعور جامد يحل المشكلة بس تخيلوا لو كل واحد فعلا شال سلاح يحمى بيه نفسه بسبب الغياب الامنى .... يبقى ممكن نوصل لفين؟ يا شباب الأمن ... شكرا ليكم على مجهودكم بس لازم يكون افضل اوعدكم لو دخل بيتى حرامى لا سمح الله حتيجوا تاخدوه من عندى فى الحبال او شبه ميت...الكلام ده بجد واللى مش مصدق يجرب
الإبلاغ عن إساءة

mamamira 18/03/2008	هاتخوفونى ليه يا جماعة
mamamira 18/03/2008	دا انا والحمد لله لحد دلوقتى بقالى اكتر من خمس سنين ساكنة وعمرى ما حصللى حاجة زى دى ده انا حتى ممكن اسيب الغسيل منشور اكتر من خمس ايام وبكون برة البيت كمان وانا كمان ساكنة فى الدور الارضى وللا يمكن يكون الغسيل بتاعى مافيهوش حاجة تستاهل تتسرق والحرامى له نظرته برضوا حتى لعب ولادى العجل والعربيات والاسكوتر وغيره ساعات الولاد بيسيبوهم باليومين برة وماحدش بيقربلهم بس انتوا عارفين ان فى حاجة اهم من كدة لان اللى يسرق هدوم وترابيزة وغيره ممكن يسرق طفل يعنى على كدة ما انزلش ولادى الجنينة الا وانا بنفسى معاهم وللا ايه رايكم؟
الإبلاغ عن إساءة

kiko 28/03/2008	السرقات
kiko 28/03/2008	الحل الامثل ان يكون فيه فرد امن لكل عماره على ان يتحمل السكان جزء او كل من راتبه و العمارات التى لها باب امامي و خلفى ان يتم غلق الباب الخلفي و من يفضل استخدامه من السكان ان يغلقه خلفه بالمفتاح فيكون ذلك اامن و افضل و علي جميع السكان الالتزام بذلك
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا