|
الاضافة بواسطة ايمن مقلد
تاريخ الاضافة
11/12/2011
اسلامنا للأسف مجرد ديانه بنورثها وبنكتبها في شهاده ميلادنا وتحقيق الشخصيه بتاعتنا وبنورثها لأولادنا - لكن للأسف احنا بعيدين جدا عن صحيح الدين - كلنا كلنا كلنا ولا استثني أحدا من هذا الجيل |
|
هو احنا فعلا مسلمين ولرب كوننا موحدين
ولنبينا طايعيين وتابعين وعلي حدود ديننا غيرانين
لو كنا فعلا كده ومال اللي ف الشوارع دولا مين
اللي ماشي يسرق وينهب ويستحل مال المسلمين
واللي ماشيه كاسيه وعاريه وصدرها باين للعينين
واللي نازله نم وهتك لأعراض الشرفا الغلبانين
واللي بيستحل عرض الصبايا وماشي ورا شيطانه الرجيم
واللي مش فارق معاها ولا بتراعي لا حرمه ولا دين
واللي بيستحل يشرب من دم اخواته الشقيانين
كل دولا يبقوا مين هما زينا بيقولوا مسلمين
ولا مجرد بيان في بطاقه نورثه ونكتبه في خانه الدين
اسلامنا يا ناس مش كلمه بنرددها اسلامنا معامله وسلوك وأخلاق بننشرها
اسلامنا مش بس ف شهر رمضان ولا يوم الجمعه الضهر ساعه الآذان
ارأف بينا يارب واهدينا ورجعنا لديننا وقرآننا وسنه نبينا
|
