شبكة سكان الرحاب

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

أخبار ومقالات

| استعراض كافة المواضيع

نصائح وإرشادات عقارية

نوع العقار:

في:

رقم الاعلان:

إحصائيات المدونات
عدد المدونات : 496
عدد التعليقات : 1223

إعلانات

المدونات

الغش في الرحاب

الاضافة بواسطة Engineera
تاريخ الاضافة 15/12/2011

لازم منسكتش بعدكده علي الغش داخل الرحاب

حسبي الله ونعم الوكيل .... هف علينا ناكل كباب وكفتة ويا ريته ما هف علينا......

معني كده ان النصف كيلو او الربع كيلوا حتكش اللحمة خالص ويبقه الطبق فيه بقدونس بس....

وساتقدم بشكوي غدا ان شاء الله لجهاز حماية المستهلك علشان حرام كده والله برده الضمير ميت ...حتي بعد الثورة

التعليقات

Engineera 15/12/2011	نصف الكلام طار
Engineera 15/12/2011	مش عارفة لية نصف الكلام اللي كتبته في المدونة طار. انا كتبت الغش اللي في محل المشويات "سلطنة" في الرحاب ...تطلب كيلو يجيلك نصف كيلو.. بحجة اللحمة بتكش
الإبلاغ عن إساءة

ايمن مقلد 18/12/2011	الخبر كش - زي اللحمه ما بتكش
ايمن مقلد 18/12/2011	اول مره في حياتنا نسمع ان اللحمه بتكش طيب ممكن اقول حاجه - الواحد بيدفع بعد ما بيستلم طلبه لو سيادتك لقيت طلبك فيه انتقاص لحقك ما تستلموش وسيبهوله يلبسه وصر علي موقفك واعمله مهرجان في محله علشان يتفضح والناس كلها تعرف انه حرامي - لكن سيادتك عملت ايه تصرفت كانسان محترم واستلمت الطلب بعد مناقشه علي استحياء مع القائمين علي اداره المحل - عفوا سيدي الأدب ما ينفعش في مواجهه قله الأدب والا يكون ضعف - والطيبه ما تنفعش أمام البلطجه والا تكون سذاجه - خلاص ليكن مبدأنا في الحياه ان كنت مؤدبا فأنا أكثر منك أدبا وان كنت بلطجيا فأنا أكثر منك بلطجه - اقلها ما كنتش حيتحرق دمك وتفكر تشتكيه في حمايه المستهلك لو كنت تركتله الطلب ولو وصل الامر اعمل محضر اثبات حاله كان زمانه هو اللي بيولول وبيدور يشتكيك في جهاز حمايه البائع عموما كتابتك في رحابي به بعض الايجابيه وأدعو كل من صادف استغلالا او استهبالا من احد المحلات بالرحاب ان ينشر القصه كامله حتي تكون افضل تشهير بالمحل واطلب من رحابي عمل قائمه سوداء تضم كل المحلات التي يرد ضدها شكاوي وتعلن هذه القائمه ونتخذ جميعا موقف واحد بمقاطعه هذا المحل احنا مدينه مقفوله والمحل ليس امامه الا سكان الرحاب فلو قاطعه سكان الرحاب فلن يجد له مكانا وسينسحب ادعو الجميع ان يكون ايجابيا وما حدث مع صاحب المدونه من الممكن أن يحدث لنا جميعا وأشعر بالمراره التي يشعر بها فلنتكاتف جميعا كي نشعر من تسبب له في هذه المراره بأضعاف ما شعر به - في اتحادنا قوتنا وفي تفرقنا وتشرذمنا ضعفنا نحن سكان الرحاب اسره واحده حق اي واحد فينا هو حقنا كلنا واستباحه دم واحد فينا استباحه لدمنا كلنا - ادعو الجميع لذكر تجاربهم السلبيه مع المحلات المستغله وليس لهم لدينا الا المقاطعه والتشهير هذا افضل بكثير من تقديم شكوي لجهاز حمايه المستهلك حقنا ناخده بدراعنا وايدينا طالما الحق معانا فلا تأخذننا شفقه أو رحمه بأي حرامي أو مستغل صدقوني لو عملنا كده المحل حيقفل خلال اسبوع لأنه مش حيلاقي يدفع الايجار ولا المصاريف بتاعته - وياريت ما يطلعليش واحد ولا واحد بقلب حنين او حس مرهف ويقوللي يا حرام وليه نكون سبب خرا ب بيته - هو من تسبب با ستغلاله في خراب بيته وما تصرفنا وتصدينا له الا ثأرا لكرامتنا وانسانيتنا و آدميتنا ومن لا يرحم لا يرحم ...........وسلملي ع الكشكشه
الإبلاغ عن إساءة

madymoody2005 18/12/2011	انا معاك ياستاذ ايمن فيما قلته
madymoody2005 18/12/2011	انا متفق معاك ياستاذ ايمن فيما قلته قلبا وقالبا يجب ان يسكت احد عن حقه وان نقوم بعمل قائمة سوداء بكل المستغلين حتى يقوموا بتقويم انفسهم وسلوكهم
الإبلاغ عن إساءة

madymoody2005 18/12/2011	الكلام بتاعى كش برضه
madymoody2005 18/12/2011	قصدى ان لايسكت احد عن حقه ايه حكاية الكششان دى
الإبلاغ عن إساءة

ايمن مقلد 20/12/2011	الموضوع مش جديد - كششان اللحمه
ايمن مقلد 20/12/2011	من حوالي 4-5 سنين صادفني نفس المنطق ونفس الفكر من محل مماثل وبالمناسبه هو اول حاتي ها معايا أول حاتي يفتح ف الرحاب وقاللي كلام زي كده لما اعطوا لنا الكيلو حوالي 600-650 جرام بالوزن ولما رفضنا استلامه مش فاكر عملوا ايه بالضبط لكن متأكد من موضوع الكشكشه ده لأنه كان تفسير طريف جدا أياميها لكن الظاهر ان الموضوع كبر وانتشر واصبح له مروجين لا يستحون من ذكره وتكراره والبجاحه بقت واضحه وصريحه - وعلشان رحابي ما يتولاشي كشكشه كلامي مش حذكر اسم المحل وحعتمد علي ذكاء القراء - لأن رحابي بينتهج منهج الموضوعيه والحياديه المطلقه وبيرفض التشهير بأحد - ولكني أنأي برحابي الا يكون رائدا في حمله تطهير السوق من المستغلين وبدء اعداد قائمه سوداء لهم
الإبلاغ عن إساءة

madymoody2005 20/12/2011	حصل معايا نفس الموضوع فى محل فى اسكندرية
madymoody2005 20/12/2011	حصل معايا من حوالى 4 سنوات فى محل يعتبر اكبر محل فى اسكندرية على البحر واسمه محلات ابو ...... برضه مش هانكتب الاسم طلبت فرخة مشوية ونصف كيلو كباب وكنت انا وزوجتى واولادى وكانو لسه صغيرين ياعنى اكلة كتكوت تكفيهم ونفس المنطق لقيت الفرخة فاكرين الفرخة بتاعة مسرحية المتزوجون زيها بالضبط عندها سل شكلها فرخة بس مش عارف هيا ايه واللحمة النصف كيلو عبارة عن قطعتين ونفس المنطق يقولى اصلها كشت طبعا انا ماسكتش يوميها لحد ماخدت حقى بس الغريبة انى قبل ماتكلم راقبت اغلب الناس ولقيتهم و لافى دماغهم ولما انفعلت الناس كانت بتبصلى كانى واحد جاى من كوكب تانى مش عارف حسيت انهم زى مايكونوا بيلاقوا الفلوس فى الارض او بيقطعوها من ورق كراريس مش تعبانين فيها دائما اللى حاسس انه تعبان وشقيان فى فلوسه بيدور على حقه طالما انه حاسس ان فلوسه حلال
الإبلاغ عن إساءة

الرئيسية | افتتاحية الموقع | أهداف الموقع | من نحن | اتصل بنا | انضم الينا | أعلن معنا