كل أيامي باجري طلبات البيت والبنت المتواصلة ولو ربنا بعت لي يوم فاضي أجري أقضي مشاوير لمامتي أو أقضي الاجتماعيات الضرورية .. مباركة أو  عزا أو زيارة مريض والحاجات دي مبتخلصش لدرجة ان الواحد بقة بيستهبل ويطنش لأن مفيش وقت والجهد خلص لدرجة المرض.


بس امبارح طلعت في دماغي فكرة ... عايزة أجازة!!!


وطرحت الفكرة على جوزي ، والحمد لله وافق


لأنه شايف اني خلاص قربت اتنقل على أقرب مستشفى


النهاردة بعد ما شلت الغدا ، قاللي يالا ابدئي أجازتك , اتفقت مع صاحبتي وقابلتها في المول ، تصوروا لأول مرة من أربع سنين اتمشى بهدوء مش باجري دخلت كل المحلات من غير لازمة بس علشان احس ان مش ورايا حاجة (مع اني مش باحب الأسواق) كنت مبسوطة جدا زي العيال زي ما كنت زمان آخد اذن بالعافية من والدي علشان أخرج مع اصحابي ، مع ان جوزي لا يمنعني عن شيء بس الدنيا بقيت جري ‘ علطول بنجري وبننهج


ليه مش عارفة؟؟