# يقال إن87%من الشعب
المصرى ساخطون على الحكومة
المصرية ... ما تعليقك
؟
ــ ال 13% الباقيين
معاهم جنسيات أخرى .
# تقرير :45% من
الشعب المصرى مصابون بمرض
السكر ما تعليقك ؟
ــ آدى اللي خدناه
من" الحلواني " اللي بني مصر
# ما أهم مظاهر
الفهلوة عند المصريين ؟
ــ إنهم يشكون في
الشحات ولا يشكون في النصاب .
# ليه الحزب
الوطني بيعمل إعلانات لنفسه مع إن
البلد كلها بتاعته ؟
ــ زى ما شبكة
الأوربت بتعمل إعلانات لنفسها
على
شاشة الأوربت .
# ما الفرق
الأهم بين مصر وأمريكا ؟
ــ الفرق الأهم إن
عائد السياحة من الهرم المزيف
الموجود في لآس فيجاس مئة
ضعف عائد السياحة من
الهرم الحقيقي .
# ما أهم قاعدة
موجودة في مصر ؟
ــ إن مفيش قاعدة
لأي حاجة
# ما وجه الشبه
بين السد العالي وقانون
الطوارئ
؟
ــ الاثنان مصدر
" للكهرباء !!!"
# لماذا يطلق
المصريون على زوجاتهم لقب "
الحكومة "؟
ــ لصعوبة تغييرها
مهما تسببت في
كوارث .
# أين يمكنك أن
تلاحظ سوء نية المصريين ؟
ــ عندما يغنون
للطفل البريء
بمنتهى الخبث
قائلين.... يارب يا ربنا " تكبر
وتبقى زينا .
# ليه أكتر ناس
بياخدوا مواقف معارضة جريئة
هم الناس بتوع الغزل والنسيج ؟
ــ علشان يشتغلوا
في القطن , و " القطنة ما بتكدبش
" زى ماقلت مدام نظيفة .
# امتى بتحس إن
البلد حلوة ؟
ــ ما باحسش إن
بلدنا حلوة غير لما داليدا تقول :
" حلوة يا بلدي "(بغض النظر
إنها قالتها وانتحرت )
# امتى هناكل
جوافة من إنتاج مزارع توشكي ؟
ــ لما نلاقى
المشمش !!!!!
# ما العلاقة
بين عصام الحضري وسمن روابي ؟
ــ الطعم فلاحى
وتحدى .
# هل لك أقارب
استشهدوا في الحرب ؟
ــ لأ عندي أقارب
استشهدوا في السلام ..... "
السلام 98" . .
# ما الدليل على
أن مصر بلد الأمان ؟
ــ الدليل إن
الواحد بيتردد كتير قبل ما
يدخل أي
قسم شرطة
# إيه الكلمة اللي
ما بتحبش تسمعها وانت في أوضة
العمليات ؟
ــ يا خسارة .
# ما الفرق بين
الزوجة المصرية والزوجة
اللبنانية ؟
ــ 40 كيلو جرام على
الأقل .
# بماذا ستجيب
كمصري عند سؤالك عن عمرك فيما
أفنيته بعد عمر طويل
؟
ــ أفنيته في
إشارة قصر النيل مستنيها تفتح ،
وفى صلاح سالم مستنيه يتحرك ،
وعلى كوبري أكتوبر مستني لما رئيس
الوزراء يروح .
# من المستفيد
من الزحام الذي يسيطر على
شوارع
القاهرة ؟
ــ شركات المحمول
، كله واقف في الإشارة ماسك
الموبايل ، بيخلص شغل أو بيعتذر عن
التأخير أو بيسلى نفسه على الأقل ،
وبالتالي تعتبر الإدارة العامة
للمرور هي المستفيد الثاني "
مخالفات استخدام المحمول
أثناء القيادة ".
المستفيد الثالث
هي الشركة الشرقية للدخان حيث
يتزايد معدل الحرق على سبيل "
التنفيث " .
المستفيد الرابع هو الهيئة
العامة للبترول حيث يتزايد
حرق البنزين على الفاض أثناء
الوقوف وهو الأمر الذي يبرر اختفاء
البنزين من المحطات وبالتالي
يصبح المستفيد الخامس هم أطباء
الأمراض الصدرية .
المستفيد السادس المعلنون على إذاعة
نجوم fm و
بالتالي يصبح المستفيد
السابع الشركة المصنعة
للأدوية المهدئة بالتساوي مع صيدليات
علي و على .
# ليه بيقدموا
الساعة ساعة عندنا في الصيف ؟
ــ علشان مصر
تتقدم بينا .
# لماذا يقال عن
الشعب المصرى انه شعب فوضوي ؟
ــ علشان بيكره
" النظام "!!!!!!
سين سؤال----- جيم جواب