 مفيش حاجه
مفيش حاجه
والله العظيم مفيش حاجه
مانيش محتاج انا لـ حاجه
ولا عايز خلاص حاجه
هتوكل على الرحمن ولوجهه الكريم هقول حاجه
فى ناس بتعيش عشان حاجه
وناس بتموت عشان حاجه
وناس بتموت على الـ حاجه
وناس تديلك الـ حاجه وهيا ليها محتاجه
وناس تديلك الـ حاجه وتاخد بدالها ميت حاجه
وناس تكبر عشان حاجه
وناس تصغر عشان حاجه
وناس مش طايله ولا حاجه
وناس بتحلم بحلم بسيط وتصحى ومتلاقيش حاجه
وناس تنهب فى خلق الله ولا حدش يقول حاجه
وتلقى كبير بحرس وغفير
عليه منظر
وهو جبان وشيخ منصر ولا يسوى ولا حاجه
كلامى ده فيه حاجه ؟
لحد دلوقتى فيه حاجه؟
كلام بسيط جدا مفيهوش غلط ولا حاجه
منا ما قدرش اقول حاجه
صحيح انا نفسى اقول حاجه وميت حاجه
لكن مقدرش اقول حاجه
عشان لو قلت انا حاجه
هيجى ناس بتوع حاجه
وياخدونى على الـ حاجه
ويمكن اروح ورا الـ حاجه
وهما لو زعلو من حاجه
هيعملوهالى ميت حاجه
انا عن نفسى مفيش حاجه
ولا زعلان ولاحاجه
مش انتو كمان مفيش حاجه؟
ومش زعلانين ولا حاجه
ماهو يا حبايبى مفيش حاجه
من الاول مفيش حاجه
واييييييييييييييييييييه
|
جميله اوى قصيده