الموضوع متشعب جدا ياضيف والحقيقة ماينفعش نطلق الحكم او نقلص الأجابه في كلمة واحده ... عمل المرأة حلو والا وحش لأن المسألة تتوقف على:

 نوع العمل

امكانيات الأسرة

 

عمل المرأة نوعين نوع لازم " وده اللي الأسرة في احتياج اليه  كأن يكون الزوج لايعمل لسبب صحي ... أو قد تكون المرأة تربي اطفالها الذي تركهم لها زوجها سواءا للوفاة أو للنداله "

النوع التاني عمل هام للمجتمع وغير مهين لها كامرأة مثل ان تكون معلمه او طبيبة ... ولنا في السيدة عائشة والسيدة خديجة الأسوة الحسنه ... فقد كانت السيدة خديجة صاحبة تجارة ... وكانت السيدة عائشة معلمة لأحاديث رسول الله صلى الله عليه وسلم ..

 

فالعمل في حد ذاته لم يحرم على المرأة ... ولكن اذا عاوز رأيي الشخصي ... لا تطلق الأحكام

اعرف سيدات لايعملن وهن اكثر النساء اهمالا لأزواجهن وجمالهن فقد استولى التلفزيون على عقولهن

واعرف سيدات عاملات يتفنن في اسعاد اولادهم وازواجهم

ليس هناك قانون او فورميولا لكي تتبعها ... اصنع حياتك بالتعاون مع زوجتك بالحب والتفاهم

هناك اولويات لبناء الأسرة ... اتفقا على ان تتعاونا ...

انت مطالب باسعادها كما هي مطالبه باسعادك

 

وللحديث بقية

اتمنى ان يرد عليك ناس تانية :D

 .... قول يارب

 

 مهما حاولت الست تضبط أمورها علشان تنجح في العمل والبيت مع بعض فلن تضبط ، عارف ليه ؟ لأن المرأة التي تنشد المثالية والصح وبتراعي ربنا في كل حاجة هتلاقيها شادة حيلها على حساب نفسها وجهدها وفي نهاية المطاف بتلاقي نفسها بتتساءل أنا عملت في نفسي كدة ليه ؟ أنا مش مع عمل المرأة مش علشان دة مش حقها ولا نظرة ذكورية أبدا خالص دة علشان أنا أدعو المرأة انها تدلع نفسها وترتاح في بيتها وتسيب الراجل يشيل  بحق ربنا مسؤوليتها - ربنا يا ستات مدلعنا ومهننا احنا نتعب نفسنا ليه ؟؟؟

طبعا كل واحد له راى خاص فى هذا الموضوع المهم الطرف التانى اللى انته هاترتبط بيه رايه ايه فى الموضوع ده لو فيه تفاهم بينكم انتم الاتنين على موضوع عمل المراة من اول يوم الامور هاتمشى معاكم ان شاء الله بس لازم يكون جنبكم عوامل مساعدة زى قرب الاهل علشان الاطفال ولو فيه اتفاق بينكم انتم الاتنين على عدم عمل المراة من اول يوم هاترتاحوا بس اهم حاجة يكون برضا الطرفين لكن رائى الخاص فى الموضوع ده ان البيت بياخد من الزوجة اغلب وقتها بالذات لما يكون الاولاد فى سن المدرسة والمذاكرة وتمارين النادى بيبقى مافيش وقت فاضى الا بسيط جدا وانا احب عمل المراة جزء بسيط من الوقت يعنى العمل ياخد منها ساعتين تلاتة فى اليوم علشان تحس بالاستقلالية بعض الشىء طبعا الموضوع ده مش متاح الا لنسبة بسيطة لكن بالنسبة لى عمل المراة من 7 صباحا الى 6 مساء زى مابشوف زميلاتى فى العمل مع عدم احتياجهم مش عارف ربنا يكون فى عون اسرهم وعونهم ده صعب جدا ومرفوض بالنسبة لى على الاقل وبعدين هانقول ان النساء ثلاث انواع فى الموضوع ده واحدة اهم حاجة شغلها وياتى كل ماعدا ذلك فى مرحلة تالية وواحدة هانم ودى الست امينة الجميلة متستتة فى بيتها وواحدة عين فى الجنة وعين فى النار دى لو فرضت عليها البيت هاتقولك عاوزه اشتغل ولو قلتلها اشتغلى تقولك اقعد فى البيت دى تسيبها براحتها وهى فى الاخر هاتقعد لوحدها من غير ضغط ولا تعب بس انا واحد من الناس احب زوجتى تعرف الحياة والدنيا ماشية ازاى يعنى مالا ياخذ كله لايترك كله