أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

soma · 26/01/2011 9:10:32 AM

انا لسة راجع من المظاهرة، تعبان جدا و عندى برد من المية اللى رشوها علينا ، ده كله مش مهم ، اللى شفته لازم يتحكى ، و يتنقل بين الناس كمان.

...
انا مش هاكتب بالفصحى، مافيش حيل.

اللى شفته النهاردة كان سلسلة من المفاجآت العظيمة ، العظيمة بجد.

المفاجأة الاولى: عدد الناس كان كبير جدا زى ما شفتوا على التليفزيون ، كله كان فاكر انه رايح لوحده ، و الباقى كالعادة قاعد فى البيت ، بس لأ، مش ده اللى حصل.

المفاجأة التانية ان معظمهم شباب، و فرافير، بتوع الفيسبوك ، شكلهم يدل على راحة مادية نسبيا ، وناس كتير من مهن كتير، شفت زملاء فى الكلية ماشفتهمش من عشر سنين فى المظاهرة دى ، غريبة ان دول اللى نزلوا مع انهم فى معظم الاحوال مش مطحونين أوى زى بقية الناس.

المفاجأة الثالثة: على الرغم من ان معظم الناس شباب بس كان فيه كبار و ستات فى الخمسينات و ما شيين على مهلهم كده، و مش قليلين ، كتار، و كان فيه ناس ماشيين بولادهم.

المفاجأة الرابعة، كان فيه بنات معانا ، أو عشان أكون دقيق كانوا اكتر مننا فى الجروب بتاعنا ، و بنات فرافير من اللى تشوفهم فى الشارع تقول دول متربيين فى شرنقة دهب ، و مايعدوش الشارع لوحدهم ، بس ايه رجالة ، و جدعان ، بنات بس رجالة ، مش عارف ازاى.

المفاجأة الخامسة، كنا خايفين على البنات ان حد يتحرش بيهم ، ما حدش ، كله كان محترم ، و خايف عليهم اكتر مننا ، ده دليل ان التحرشات اللى بتحصل من مدسوسين من الداخلية.

المفاجأة السادسة: ما فيش عنف، خالص خالص ، و لما ناس بدأوا يهاجموا عربيات الامن المركزى اللى رشوا علينا مية، بدا كله يهتف: سلمية، سلمية ، سلمية.

المفاجأه السابعة: لما و صل الاعتصام التحرير و قعدنا فى التحرير، فيه ناس بعد كده بدأوا ينظفوا الميدان من المخلفات عشان الناس تعرف اننا متحضرين.

المفاجأة الثامنة: بصيت على الحتة اللى كنت فيها فى الميدان لقيتها نضفت فعلا!

المفاجأة التاسعة: بنت معانا ماكنتش اعرفها بتحلف بالمصحف و بالنبى عرفت انها مسيحية ، الغريب انه مابانش!!! ليه؟ عشان كلنا بنحب بلدنا و بنهتف عشان تبقى احسن ، فما بانتش الفروق الطفيفة دى.

المفاجأة العاشرة: مقدار النشوة و الفخرة و انت يتهتف باسم مصر باعلى صوتك "مصر...تصفيق قوى..مصر...تصفيق فوى"، البلد اللى المفروض انه وطنك، و بتحلم طول عمرك انك تعيش فيه بقية عمرك، من غير ما حد يتهمك أو تتهم نفسك بالعاطفية و الحمق ، أخيرا بتعلن انك بتحبه ، ومن غير خجل.

المش مفاجأة الحادية عشر: فى و سط الخوف و القلق من اللى ممكن يعمله الامن ، تبص للسما و تهتف مع عشرين أو تلاتين الف و تقول الله أكبر و ياااااااارب، و تطمن ، لانك نصرته ، فهو أكيد هاينصرك، وقد فعل و له الحمد و الشكر.

المفاجأة الثانية عشر: جميل منظر الناس و هم فى وسط ده كله يتجمعوا و يصلوا جماعة.

المفاجأة الثالثة عشر: شباب مصر شباب زى الفل، من غير مبالغة، و بكل ما فى الكلمة من معان: شهم، جدع، بيحب بلده، واعى و فاهم جدا ، وربنا فى قلبه.

المفاجأة الرابعة عشر: أقوى هتافات كانت بتجمع الناس كانت هى الموجهة لمبارك ، و النظام ، الشباب فاهمة أوى و عارفة فين المشكلة ، الهتافات التانية ماكانتش بتلاقى نفس الحماس.

المفاجأة اخامسة عشر: شفنا ابراهيم عيسى و الناس بتشيلوا على الاكتاف، و حبهم ليه ظاهر وواضح، و قابلت نوارة نجم، و سلمت عليها، و كانت مدمعة من الفرحة من جمال و بهاء اللى شايفاه، فعلا، المحترم محترم فى كل حاجة ، و اللى بيرضى ربنا مش نفسه، ربنا بيديله كتير ، كتير أوى.

المفاجأة السادسة عشر: احنا بفضل الله خيطنا الجيزة، و كل ما يحاولوا يوقفونا يلاقوا العدد كبير و يفتحوا، مصطفى محمود، شارع جامعة الدزل ذهابا و ايابا، البطل احمد عبد العزيز ، ميدان الدقى، ، شارع التحرير، الاوبرا، ميدان التحرير..

كتير كنت باحس انى خايف و مش عابز اتضر، بس مافبش خيار آخر، ده باطل و ظلم ، ولازم نحاربه، ربنا أمرنا اننا نحاربه ، لانه مش خالقنا اعتباطا، لو كان خالقنا عشان نعبده و نستمتع بنعمه، و خلاص، يبقى فين الفايدة ، ربنا خالقنا عشان نعمر الارض، و نستعمل نعمه فى ان احنا نحارب الظالمين و ننشر العدل، و هو قالنا من الاول ، عمرك و رزقك بايدى مش بايد حد تانى ، انطلق انت بأه ولا يهمك.

اكسر خوفك و انضم للي بيدافعوا عن الحق ، مسلمين أو مسيحيين، مش بتحلم ان ولادنا يكبروا فى وطن؟ يكون همهم اختراع كبير بيعملوه فى جامعة محترمة، أو كتاب معقد بيألفوه، بدل ما احنا مستهلكين فى العيشة و اللى عايشينها، و الشغل التافه اللى كلنا بنعمله، ايوه تافه، انت يا الا دكتور عارف انك اتعلمت اى كلام و بتوع بره احسن منك بمراحل او مهندس زيي ما يحلمش انه يعمل شىء معقد، كل اللى بيعمله اتعمل قبل كده خمسين مره مع فرق التفاصيل الغير مهمة، و لو عايز فلوس اشتغل فى البيع واللا التسويق ، أوتلاقيك بتعلم فى جامعة و عارف ان اللى بتعلمه مضى زمنه و حتى لو كان كورس كويس انت متأكد ان تلاميذك مش هايشتغلوا بربعه، لانهم هايتخرجوا يشتغلوا فى الكلام الفاضى اللى احنا بنشتغل فيه (ده لو اشتغلوا)، ما عندناش ناسا و لا هارفارد و لا كليفلاند و لا ام أى تى، انسى. انا لما بابص لابنى اللى عنده شهر بافكر لو ربيته كويس هل ينتهى زيى، مشغول بالقرف اللى بيحصل، و غالبا هاينضم لاى حركة، عشان يطلع الغل اللى جواه، و الله أعلم ايه اللى هايحصله، يا الا اربيه أى كلام فيطلع حرامى أو حزب وطنى، يا الا يسافر و اشوفه كل سنة مرة ، يا الا اتكل على الله و احاول انى اصلحله البلد.

الاخبار ان الامن فض الناس فى ميدان التحرير، ما اعرفش ايه اللى هايحصل بكره أو بعده أو بعد شهر، الناس دى زينا ، بيتظاهروا عشان الظلم بيوجع ، و بيئلم، فيه ناس ماتت ، و فيه ناس اعتقلت و لسة هايكملوا ، عشان الحرية و الكرامة طعمهم جميييييييييييييييل ، روح خليك معاهم، خليك مع الحق ، سواء فى ميدان التحرير، أو فى أى حته فى المستقبل، ما تنساش ان كله بايد رب العالمين، رزقك و صحتك و عمرك، و لو ما كانش اللى ماتوا فى المظاهرات ماتوا شهداء النهاردة، كانوا برضه هايموتوا فى نفس المعاد فى حادثة هابلة، أو أى حاجة من الحاجات اللى بتموت الناس فى مصر لاتفه الاسباب.

المفاجأة الاخيرة، نسيت أقولها معلش: مصر بلد محترمة شعبها حى و بينتفض عشان كرامته، و ظهر على الجزيرة أخيرا و هو بيصرخ و يقول ،وش كده من غير لف ولا دوران: الشعب...يريد...اسقاااط النظام.

http://www.youtube.com/watch?v=ZRitpxliJ -w

moody · 26/01/2011 10:52:53 AM

moody · 26/01/2011 10:54:57 AM

http://www.examiner.com/foreign-policy-in-national/breaking-president-s-son-and-family-have-fled-to-the-uk

moody · 26/01/2011 10:57:15 AM

http://www.youm7.com/images/Albumflash/mozhrat22512011/photoStack.html

nando · 26/01/2011 11:45:27 AM

http://www.youtube.com/watch_popup?v=DLcKQ4W9dxk&vq=medium#t=18

-----------------------------------------------------------------------------------------

أعتقد أن رسالة البرادعى وصلتلهم

وطبعا قبلها رسالة Thumbs up

العظيمه تونس .

وعقبال باقى الأنظمه العربيه

http://www.youtube.com/watch?v=eYFUNZE9zQY&feature=player_embedded

nando · 26/01/2011 4:38:30 PM

CNN

صحف: "الفيل المصري" يثور ونفي مغادرة جمال مبارك الأربعاء، 26 كانون الثاني/يناير 2011، آخر تحديث 12:21 (GMT+0400)
اهتمام باحتجاجات مصردبي، الإمارات العربية المتحدة (CNN) -- ركزت الصحف العربية الصادرة، الأربعاء، على احتجاجات مصر، أو كما كتب البعض "الفيل المصري بدأ ثورته" للتنديد بالأوضاع المعيشية والفساد والمطالبة بتنحي الرئيس، حسني مبارك، ونفي "الوطني" مغادرة جمال مبارك وعائلته إلى لندن.

بالإضافة إلى تمسك رئيس حكومة الجنوب في السودان، سلفاكير ميارديت، ببروتوكول واستفتاء أبيي، وهاجس كويتي كبير من المفاعل النووي الإيراني.

المصريون

الداخلية رفضت السماح بتظاهرة مؤيدة لمبارك.. أمين تثقيف "الوطني" ينفي مغادرة جمال مبارك على طائرة خاصة إلى لندن ويؤكد متابعته للتظاهرات

"نفى الدكتور محمد كمال، أمين التدريب والتثقيف بالحزب "الوطني" لـ’المصريون‘ الأنباء التي ترددت أمس عن مغادرة جمال مبارك، أمين "السياسات" بالحزب ومعه حرمه وطفلتهما إلى لندن على متن طائرة خاصة.

وكانت تقارير صحفية تحدثت عن مغادرة جمال مبارك مصر بصحبة زوجته وابنته فريدة على متن طائرة خاصة أقلته من قاعدة غرب القاهرة، متوجهة إلى لندن.

لكن كمال نفى صحة تلك الأنباء جملة وتفصيلا، مؤكدا أن أمين "السياسات" لم يغادر مصر، وكان يتابع الأحداث في مصر لحظة بلحظة، مشددا على أن التظاهر حق مكفول للجميع، لكنه قال إن الخروج عن الشرعية والتجاوز شيء مرفوض."

القدس العربي

"الفيل المصري بدأ ثورته"

وفي عامود "رأي القدس" تناولت الصحيفة اللندنية الاحتجاجات الشعبية في مصر بهذا المقال: "كان السؤال المطروح دائماً في الأوساط السياسية والإعلامية في الوطن العربي والعالم هو عن الدولة التي ستشهد انتفاضة على غرار ما حدث في تونس، واحتلت مصر، ومن بعدها الأردن واليمن قائمة الدول المرشحة بسبب تدهور الأوضاع المعيشية فيها، ومطالبة شعوبها بالإصلاحات."

"المظاهرات الصاخبة التي اجتاحت أكثر من خمس عشرة مدينة في مصر يوم أمس، وشارك فيها عشرات الآلاف معظمهم من الشباب، ربما تكون بدايات الانتفاضة المتوقعة، بل والمنتظرة."

النهار الجديد

النهار ‬تنشر وثيقة تتضمّن اعترافات قائد المخابرات السعودية الأمير تركي‮ ‬الفيصل: نعم التقيت بن لادن والملاّ‮ ‬عمر عدّة مرات

قائد المخابرات السعودية يكشف أن "آل سعود" استمروا في دعم الإرهاب حتى عام 94

تركي الفيصل يبرئ السعودية من هجمات سبتمبر 2001 ويهمل فترة عشرية الدم في الجزائر

وبهذه العناوين العريضة كتب

الصحيفة الجزائرية: "تكشف 'النهار'

وثيقة سرية، تنشرها لأول مرة، تتضمن اعترافات من القائد السابق للمخابرات السعودية، الأمير تركي الفيصل، المعروف بكونه أحد أبرز الصقور في العائلة الملكية في السعودية.

ويعترف الأمير تركي الفيصل، الذي قاد جهار الاستخبارات في السعودية لمدة 24 سنة، وتحديدا ما بين سبتمبر 1977 إلى غاية أغسطس 2001، في الوثيقة التي وقعها بخط يده وحملت ختم سفارة السعودية في بريطانيا، بصريح العبارة، بعقده لقاءات عديدة مع زعيم تنظيم القاعدة أسامة بن لادن، إلى جانب الملا عمر قائد حركة طالبان الأفغانية."

القبس

افتتح مؤتمر وحدة الخليج بالتحذير من الإحباط والمخاطر في المنطقة محمد الصباح: لدينا هاجس كبير من المفاعل النووي الإيراني

كان الملف النووي الإيراني حاضراً على صفحات الصحيفة الكويتية: "أكد نائب رئيس مجلس الوزراء وزير الخارجية الشيخ د.محمد الصباح وجود تغير في مفهوم الأمن القومي والخطر الوجودي من الصراع النووي والعسكري إلى الصراع Exclamation

المذهبي والطائفي والعرقي والأمراض والإرهاب، وهو الحرب غير التقليدية والخطر البيئي نتيجة للتغير المناخي."

"وأكد خلال كلمة ألقاها في افتتاح مؤتمر «وحدة الخليج والجزيرة العربية» تحت عنوان

«وحدتنا أماننا» أمس الأول، الذي ينظمه مركز أبعاد للدراسات والتدريب، أن لدولة الكويت هاجسا كبيرا من المفاعل النووي الإيراني والخطر الذي يمثله على البيئة البحرية في حال حدوث خلل فيه، مشدداً على ضرورة أن تساهم جميع دول مجلس التعاون الخليجي في بلورة وصياغة مستقبل أفضل لبلدان المنطقة ولشعوبها."

روابط ذات علاقةصحف: شيخ الأزهر يتدخل في طلاق القرضاوي
صحف: أمراض نفسية عربية والمسيار بمدارس سعودية
صحف: آل الشيخ يندد بحرق النفس والمصريات يضربن

nando · 26/01/2011 5:50:27 PM

الدكتور ياسر برهامي
أصدرت الجماعة السلفية بالإسكندرية فتوى تؤكد عدم مشروعية المشاركة أو الخروج في المظاهرات التي تمت الدعوة إليها عبر شبكة الإنترنت والتي توافق الاحتفال بعيد الشرطة، المقرر له صباح غد الثلاثاء.
ووجه الدكتور ياسر برهامي، أحد رموز الدعوة السلفية بالإسكندرية، خطابه للشباب المنتمين للجماعة السلفية قائلا: "انطلاقًا مِن تمسكنا بديننا وشعورنا بالمسئولية تجاه بلادنا وحرصًا على مصلحتها وتقديمًا وتغليبًا لأمن العباد والبلاد في هذه الفترة العصيبة، وتفويتا لمقاصد الأعداء، التي تهدف إلى نشر الفتن نرى عدم المشاركة في تظاهرات الخامس والعشرين من يناير".
أضاف: "نأتمر بما أمرنا الله به من الدعوة إلى الله بالتي هي أحسن وبما لا يعقب مضرة أكبر، وقال إن مشايخ الدعوة السلفية بالإسكندرية جميعهم- بعد تشاورهم- متفقون على ذلك.

---------------------------------------

http://www.youtube.com/watch?v=0WIE9f3gDRY&feature=related

nando · 26/01/2011 8:12:48 PM

http://www.youtube.com/watch?v=TLgSr4UZWow

nando · 26/01/2011 10:09:25 PM

http://videohat.masrawy.com/view_video.php?viewkey=5d95fd685186193e28f6&msg=نشكرك%20على%20ابلاغنا%20عن%20محتوى%20مميز%20%20...%20سيتم%20مراجعة%20هذا%20الفيديو

nando · 27/01/2011 12:31:04 PM

الطبيب الأرجنتينى الأصل المصاب بالربو الذى تنازل عن الحياه المترفه التى كان ينعم بها و كل السلطات التى منحت له والمال والجاه وأعلى المناصب الحكوميه بدولة كوبا التى ساندها فى ثورتها ضد الأستبداد والظلم مع فيدل كاسترو ضد الطاغيه باتستا ..

ليطوف بالعالم بحثا عن المظلومين ليساندهم ويثور ويضحى من أجلهم ويدافع عنهم ويفديهم بحياته بغض النظر عن جنسهم أو ديانتهم أو لونهم ..ولكن فقط لإنسانيتهم ولإعلاء قيم الحريه والحق والعدل..

وهو الشاب الوسيم الذى نشأ بعائله أرستقراطيه متدينه .

تآمرت على قتله 5دول أمبرياليه وديكتاتوريه وعلى رأسها أمريكا والتى عملت على تشويه صورته من خلال فيلم جسده عمر الشريف وندم فيما بعد على أنه لم يكن يعرف عنه إلا أكاذيب ولم يكن قد قرأ عن حياته ..

أنه أرنستو تشى جيفارا الذى قتلوه فى عز شبابه القصير

ولكنه لن يموت كرمز للعداله والحريه والكرامه والثوره على الظلم

وظل وسيظل أسطوره ملهمه لكل الثائرين على الظلم فى كل مكان وزمان ..

http://il.youtube.com/watch?v=0t56xefPZjQ

تامر · 27/01/2011 8:31:53 PM

الاستاذ او الاستاذة ناندو برجاء عدم نشر سموم التيار السلفى فى الموقع. كفى مصر السلبية التى استشرت سنوات طوال فى البلد. هؤلاء فقهاء السلطان الذين يعيشون فى الازمان الغابرة يرون الفتنة والمفسدة فى المظاهرات ولم نسمع حسا لاحد منهم عن نهب ثروات البلد وتصدير الغاز لاسرائيل والمبيدات المسرطنة وغياب العدالة الاجتماعية وقتل الناس على الطرقات اوالعبارات. هؤلاء الناس يظنون ان الله - استغفر الله العظيم - بعث سيدنا محمد فط من اجل اللحية والنقاب!!

yaaa · 02/02/2011 10:46:41 AM

من أجمل الاعتراضات