Dear Tamer:

Eventhough I have never lived under Mobarak regime, I almost cried when I listened to this great poet. Thank you.

 Dear Ramy: Thank you

 

 

دين أبونا يا مسلمين

 

في يقيني أعز دين

 

كلمة النور الأمين

 

كلمة الحق المبين

 

حكمة يكتبها الإله

 

فوق جبين الطيبين

 

دين أبونا يا محمد

 

إنت سره ومبتداه

 

إنت إحساسه ومداه

 

كلمه عارفينها في قلوبنا

 

لما نخشع للإله

 

لما نطلب يوم رضاه

 

لما نركع لما نسجد

 

لما نفرح بالحياه

 

 

دين أبونا إبراهيم

 

رش جمر النار حنين

 

على الخرائط والأماكن

 

إتولدنا طوافين ذاكرين

 

 

دين أبويا لو مسيحي

 

رحمه لأجل العالمين

 

نصرة لأجل المظلومين

 

كلمة الحب اللي بايس

 

الصليب جوا الكنايس

 

ندهة الأجراس لمريم

 

والأمان للمجدلية

 

رحمة ليكوا ورحمة ليا

 

المسيح شايل ألمنا

 

لأجل يهدينا السلام

 

خد أيمن خد أيسر

 

العبادة ماهيش كلام

 

عيش باسم الإنسانية

 

وإنسى نية تدفعك للإنتقام

 

 

دين أبويا دين إلاهي

 

أينما كان إتجاهي

 

حتى لو كان دين يهودي

 

إحنا مش ضد اليهود

 

موسى في القرآن وليد

 

يحضنه نيل الخلود

 

بين إديه تسعى عصاته

 

حيه وجدودنا شهود

 

سحره آمنوا برب موسى

 

إنقسم له بحر عاتي

 

والجبل عرف السجود

 

رجعت الحية عصايه

 

حضنت التوراة وصايا

 

أوعى تقتل أوعى تسرق

 

أوعى تزني

 

أوعى تقبل بالخضوع

 

بحر خير الكون يواتي

 

لما نفرد له القلوع

 

والجحيم ياكل سنينكوا

 

لو فقير فيكم يجوع

 

الوصايا هي هي

 

أرتضيها زي ماهي

 

في ضميري وفوق شفاهي

 

دين أبويا دين إلاهي

 

أينما كان إتجاهي

 

حتى لو كان مش إلاهي

 

 

المجوسي يترعب من النار

 

ويعبد الإله اللي في خياله

 

ليه حرامه وليه حلاله

 

تسمعه في معبد دعاء

 

تلهمه رعشة رجاء

 

للبقر ناس يعبدوه

 

ويدينوا له بالولاء

 

مش غباء

 

تفرفوا في البقره

 

إيه بيقدسوه – العطاء

 

 

دين أبويا أي دين

 

فيه عصاه أو مخطئين

 

بس في نهاية المطاف

 

فيه ملايكة ومؤمنين

 

والرضا للصالحين

 

والهنا للصابرين

 

فيه ملاذ للعابدين

 

الشاكرين المشتاقين

 

رغم الضياع لليقين

 

دين أبويا أي دين

 

 

اللي أنا بأه ما أعرفوش

 

الوحوش الكروش

 

اللي لو كالوا رقابينا

 

بينهشوا ما برحموش

 

دين أبوهم إسمه إيه

 

اللي داسوا فوق رئوسنا بالبيادة

 

اللي مشيوا بالبلاد للبلادة

 

اللي فتاويخم فساد للعقل

 

يقضي على العبادة

 

اللي مسحوا من الآيات معنى الشهادة

 

دين أبوهم إسمه إيه

 

لوثوا الدم في عروقنا

 

سدوا عين الشمس فوقنا

 

سرقوا ضوءنا

 

صادروا نيلنا ودفعونا

 

ثمن وضوئنا

 

دين أبوهم إسمه إيه

 

اللي باع وطن بحاله

 

خضرته وصفرة رماله

 

نسوته وشهوة رجاله

 

بهجته ودمه وعياله

 

خطوته وسنين نضاله

 

ثورته ضد إحتلاله

 

دين أبوهم إسمه إيه

 

مين إلهه مين رسوله

 

فين كتابه

 

فيه ملايكه ولا غابوا

 

فيه شياطين ولا تابوا

 

لما شافوا التابعين شرهم زاد

 

عن جهنم شر لا يمكن حسابه

 

دين أبوهم إسمه إيه

 

 

حتى فرعون اللي صدق

 

إنه من نسل اللإله

 

واللي قال إنه الإله

 

كان بيبني الأهرامات

 

للممات قبل الحياه

 

كان له بعث ويوم حساب

 

كان له دوله حضور إدارة

 

كان مناره ترشد الكون للحضارة

 

كان له جيش فارض وجوده

 

كان محارب بين جنوده

 

واما يتجاوز حدوده

 

كان له رب يغرقه وينقذ يهوده

 

حتى فرعون اللي صدق

 

إنه من نسل اللإله

 

واللي قال إنه الإله

 

كان له كهنه في العلوم

 

يقروا في كتاب الكواكب

 

يرصدوا سير النجوم

 

يفتحوا له سكك بيبان

 

في سراديب الزمان

 

ويقولوا له إزاي يدوم

 

حنطوه خلدوه

 

بالمعاني والمباني والرسوم

 

كانوا كهنه مؤمنين

 

خلوا كلمة مصر دين

 

جاضرة في العهد القديم

 

جاضرة في العهد الجديد

 

حاضره في القرآن حضور

 

الآيات فيها تدور

 

مفردة عز وجلال

 

معلنة وبين السطور

 

تخترع ثانية وشهور

 

تخترع شعر وبحور

 

حتى فلاحها الفصيح

 

شكوته بتشع نور

 

 

إيه يا مصر

 

إيه يا أرض الطيبين

 

اللي حكموا في الزمان ده

 

يبقوا مين

 

دين أبوهم إسمه إيه

 

حد يعرف فيكوا دين

 

كل أتباعه لصوص أو قوادين

 

في المعاصي مولودين

 

في الكراسي مأبدين

 

في التفاهه معدودين

 

قي السفاهه مفرودين

 

على البلاهه مسنودين

 

للشراهه مجندين

 

على القرف متعودين

 

على الشرف متمردين

 

على الوطن متنمردين

 

بالخيانه موحدين

 

اللي يعرف دين كده

 

يقوللي عليه

 

دين أبوهم إسمه إيه

 

 لعل الجميع يستمع إليها وبالطبع يكون الشكر موصول للأخ رامى ولعل من يعرف يجيب

ياترى دين أبوهم يبقى إيه ؟؟؟

 Dear All:

 

Since there is no religision on the face of the earth permits what they did. their father's religision must be "NOTHING".

ابيات مملؤة بالاحاسيس وعلى رغم حساسية الموضوع فان الشاعر قد استطاع ان يبرز الفكرة الاساسية بكل براعة بان الذين حكمونا فى القترة السابقة بلا اى مبادئ سواء سماوية او وضعية

 

تحية للشاعر وتحية لرامى الذى اعطانا فرصة تذوق الابيات