 مين هى مصر
لما تكون الميم محبه واتنين احبه
قاعدين سوا على الكورنيش
والصاد صابرين لما الصبر اشتكى من صبرنا
واحنا مبنشتكيش
والره رجوله ابن بلد مجدع وعتره
لكن فى السوق ميسويش
لما تكون الميم ملانه وبصل اخضر
ولمة العيله فى شم النسيم
والصاد ده صالح ويا حنا
فى الجنينه سوا قاعدين
والره دى رحمه ونور وفطير وفته
بتتوزع على المساكين
لما تكون الميم مصانع
وعمال شقيانه على لقمة عيش
والصاد صلابه عزيمه واراده
علشان نعيش
والرة رسمنا فى وشوشنا بسمه
والناس التانيه مبتخشيش
ميم وصاد وره معانى حلوه فى اسم عظيم
يبقى ايه غير اسم مصر؟؟؟؟؟؟
القاف قلوب مصريه متجمعه
وعلى المحبه متعاهدين
واللام لمتنا مع الاحبه
ادباء وشعرا موهوبين
والواو وشوش فيها بشاشه وكل واحد
بوش واحد مش وشين
والبه دى بسمه وضحكه صافيه
تنور على الخدين
تبقى ايه غير قلوب فى قلب واحد
مش قلبين
تبقى ايه غير قلوب كبيره
لناس طيبين
تبقى ايه غير قلوب لعرب
و مصريين
منقول
|
