 تعرف تجمع الكتاكيت ؟
استدعى الأب ابنه لغرفته وما ان رأه امامه إلا وبادر بتوجيه هذا السؤال
الأب : هتعرف يابنى تحافظ على الثروه اللى هتورثها من بعدى
الأبن : طبعا يابا تربيتك
الأب : يعنى هتعرف تربى الكتاكيت زى ما انا ربيتهم
الأبن : ( باندفاع وحماسه الشباب ) اكيد يا ابا
الأب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه
الأب : اقلب الكرتونه على الارض وورينى ازاى هتقدر تلم فيها الكتاكيت
وبسرعه قلب الابن الكرتونه وما ان رفعها حتى انطلقت الكتاكيت
فى ارجاء الغرفه واندفع الابن خلفها يحاول جمعها مره اخرى لكن
هيهات ، وبعد ان ادرك الفشل وقف امام ابيه وقد ارتسمت على
وجهه البلاهه والغباء ولم يوقظه الا صفعه قويه من ابيه
الأب : شوف يا غبى اللى هاوريهولك ده خلاصه 25 سنه فى تربيه الكتاكيت
ثم اخذ الأب الكرتونه بعد ان جمعا فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبث أن تلاشى
وانقطع نتيجه ما أصابها من إعياء
الأب : الأن فقط نقلب الكرتونه
وما أن رفعها إلا وشاهد الابن الكتاكيت لا تحرك ساكنا مما
أصابها من اعياء ودوار ثم قام بتعبئتها فى الكرتونه بمنتهى
السهوله واليسر
الأب : الوقت يا ابنى اتعلمت اهم حاجه فى تربيه الكتاكيت وهى
( اتعبهم يريحوك لكن لو ريحتهم هيتعبوك ) لو عرفت مين هو الأب ومين هو الأبن ومين هما الكتاكيت ؟
ادخل عشتك وخليها فى سرك
|
