بتقوله خد وادي معايا
وقولي كلام غير أي كلام
ولا الناس خلاص شطبوا
وبطلوا حب وأحلام
طب أقولك إحكيلي
حدوته لحد ما انام

والعبلي في شعري
بقاله سنين مشدود عل البكر
في بطاقتي الشخصية
مثبوت إن أنا أنثى وإن إنت دكر
الميه الرايقه ساكته
سنين وملاها العكر
كام صيف وخريف وشتا ومطر

فتش جوايا تلاقي حاجات وحاجات
ضحك الفوانيس وعروسه وعريس
ودلع ومياصه ولؤم بنات

شايفاك في عيونك نار وغضب
وسامحني إن كنت صريحه معاك
الفجر وجب
سامعاك بتقول ودي مين رباها
بنت الكلب قليلة الأدب