زي ما انت قلت لكن لو خدناها شرعا الأول فان العريس يمهر يعني يقدم المهر للبنت مش لوالدها ويتكفل بكل حاجة على قده - لكن المتعارف عليه ا على ما اعتقد ان الشقة وما يعتمد على الثوابت بتاعتها  على العريس  يعني الستاير لأنها بتتفصل حسب شبابيك الشقة - السجاد حسب مقاسات الغرف والكهربائيات بتاعة البيت بما فيها النجف -أما الباقي اللي يعتمد على الذوق ويمكن نقله (منقولات ) العفش يعني على أبو العروسة - بس غالبا كل دة بيعتمد على امكانيات الطرفين يعني لو العريس قادر والأب لأ يشيل العريس أكثر والعكس صحيح --بس فيه ناس كتير دلوقت بيعملوا بالنص - يعني العريس يجيب الشقة وكل الباقي بالنص علشان محدش يتشرط على التاني اللي يوافق عليه الطرفين نوعا وسعرا يتقاسموه - وفيه أحيانا ناس عايزين بنتهم جمبهم يعني يجيبوا هما الشقة جنبهم والعريس يفرشها - كل حالة وليها وضع خاص - يعني انت لو عزت تتجوز بنت بعينها وأهلها طلبوا منك حاجات أكيد هتيجي على نفسك وتحاول علشان ترضيهم وتقيم عروستك -- صح؟؟؟

اشكرك جدا يا ليلي على ردك ..وانا عايز اقولك كلامك من ذهب...فعلا انا جاي على نفسي اوي اوي اوي.

كل ده ليه ومنين مش عارف...مع اني اعلم ان زمن المعجزات قد انتهى ولكني المفروض اجيب شقة تمليك واوضتين سفرة ونوم  والاجهزة الكهربائية ..وكمان همضي قائمة مثمنة بالعفش ...ده غير مؤخر الصداق اللي هيتكتب في العقد..يعني اعتقد ان ده بالنسبه لواحد لسه بادئ حياته انه انتحار رسمي..هم بقى هيجيبوا المطبخ والصالون وكمان الستاير والسجاجيد..الحاجة الوحيدة اللي مريحاني نفسيا انهم كانوا مشترطين اني اجيب شبكة لكن انا طلعت حدق وقلت لاااااا شبكة لاااااا هجيب دبلة ومحبس بسسس....وربنا ستر ووافقوا..

انا كده حلو؟ ولا مش؟

انا حاسس اني كلفت نفسي بحاجات كتير اوي لكن غصب عني دي اصبحت طلبات الناس دلوقتي.مافيش رحمة...ماحدش عايز شقة ايجار جديد يا عالم يا هووووه....الشباب تجيب تمليك منيييين بسسسسسس.......

حد عنده وظيفه بمائة الف جنيه في الشهر يا جماعه؟ ياريت يتصل بيا ضروري..بس عدد ساعات العمل يكون اربعه وعشرين ساعه في اليوم بس...مش هشتغل اكتر من كده...لنفسك عليك حق بردوا..

 من الغريب اني لا أجد ردا لا من المتزوجون ولا من غير المتزوجون..هو خلاص ما عادش حد بيتجوز ولا ايه؟

دايما بيقولوا ان في العيد بتزيد حالات الوفاة اقصد الزواج...شدوا حيلكم عايزين نسمع منكم....ولا يعني مافيش حد اشترى حاجة للعروسة غيري؟هو لسه في حد بيتجوز  ولا انا كنت اخر قطعه؟

wallahi ana marafsh eih el taqaleed fel qahira lama teegi 3ayez tetgawez ,, bas elli ana a3rafo 3andina fel 3areesh betgeeb debleteen we el ragel 3aleeh kol 7aga ba3d kidda :S tab3an 7aram 3aleehom bas we ba3deen law mate2darsh yeb2a mayelzamaksh

we 2aloolak 2abl kidda may3ebsh el ragel 3'eer geebo