 عودة النجم
وكما عودناكم دائما....يعود النجم بعد طول غياب ولكن المرة دي العودة خفيفة شويتين
ومش خسارة في طيبة قلبكو
جات صحفية تعمل لقاء مع واحد من اصحاب حظائر الأبقار .. واجت محضرة الاسئلة .. وبكل تاكيد استقبلها صاحب الحظيرة باحترام واستعد للاجابة
على اسئلتها ..
الصحفية : أنت بتأكل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصلو البقرة البيضا بتاعتي
قالت : والحمرا؟؟
قال : والحمرا برضو بتاعتي. 
-------------------------------------------
ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة عشان احللها
-----------------------------------------------
سئلوا صعيدى : ليه قتلت أبوك
كانوا عاملين رحلة للأيتام , كنت عايز اروحها
طب ليه قتلت عمك ؟
كنت عايز ابن عمى يسافر معايا
طب ليه كنت عايز تنتحر
أصلهم لغوا الرحلة
-------------------------------
واحد صعيدي دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله
----------------------------------
سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
----------------------------------
واحد بلدياتنا وقع في خلاط الأسمنت طلع منه قال يخرب بيت الملاهي
|
الصعايده اجدع ناس 