أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

  
            أخبار ومقالات     العضوية    
| استعراض كافة المواضيع
 نصائح وإرشادات عقارية
نوع العقار:
في:
رقم الاعلان:
 
منتديات رحابي


Go Back   منتديات رحابي > رحابي .. شبابي > مرح


27/06/2010
2:10:59 PM 		 

تاريخ التسجيل : 09/02/2008
عدد المشاركات :273
Post§۩₪ (عريــ ــ ـس مـ ــ ـن النـ ــ ــ ـت ) ₪۩ஜ
 

معايا انهرده قصة قريتها وعجبتني

وهيا قصة من نسج الخيال بس ممكن تحصل في الحياة ...

هي عبارة عن حلقات بس صغيرة وفكاهيه جميله اوي
تخيلـوا معايـا 


بنت جاية لأمها
تقولها ان فى واحد متقدملى
أكيد ان امها بتفرح

بس المشكلة بقى
بعد ما تسأل الأم بنتها :
عرفتيه من فين يا بنت ؟
ترد البنت وتقول :
من النت يا أمـي


طبعــا الأم ...

وخصوصا انها لا تفقه أى شىء

فى الكمبيوتر سوى أنه جهاز

يلعب عليه الأولاد ...!!!!


تعالــوا نشوف عفـاف

وهيا بتقول لأمها ان فيه
 عريس


تركت عفاف الكمبيوتر التي تقضى عليه معظم وقتها فجأة
وصرخت بصوت عالى

مااااما ..... ياماماااااااااااااااا .....
يا ماماااااااااااااااا
الأم : فيه إيه يابت بالراحة إخواتك نايمين

عفاف: معلش يا ماما أصلى فرحانة ....
فرحانة اوي اوي

الأم: خير يا بنتى فرحينى معاكي كدا ربنا يفرح قلبك

عفاف: عريس يا ماما عريس

الأم فرحة : يا ألف نهار أبيض يا ألف نهار مبروك

وبعد دقيقتين أحضان وقبلات تذكرت الأم

الأم: ألا قوليلى يابت
عريس مين دة اللي هيتقدملك
وماقلتليش من ساعة
ما جيتى من الجامعة ليه ؟

عفاف: لأنى لسة عارفة
دلوقتى حالا يا ماما

الأم بإستغراب:
عارفة دلوقتى حالا؟؟؟؟؟؟
عارفة منين يابت دة انتى لسة قايمة
دلوقتي من قدام الكبورر....

عفاف ضاحكة : كبورر ايه بس
يا ست الكل اسمه كمبيوتر

الأم:مش مهم
المهم عرفتيه ازاى ؟
ومين أصلا العريس دة يعنى جاى منين؟

عفاف:من النت يا ماما

ظلت الأم المسكينة تنظر لابنتها باستغراب
وهى تراجع كل ما تعرفه من كلمات
ولم تجد لكلمة النت أثر بينها

فسألت عفاف..........

الأم: النت ؟ ودى تبقى فين دى يا بت؟

عفاف: فين ازاى يا ماما؟

الأم: يعنى فينها من الوايلى
اللى احنا فيها؟

تركبيلها مترو ولا اتوبيس
ولا تأخديها تاكسى
اوعى يابت يكونوا بيروحولها بالقطر؟

عفاف ضاحكة : ايه يا ماما
الى انت بتقوليه دة؟
مترو إيه وقطر إيه؟! دة النت

الأم: أيوة يا بنتى عرفنا انه الزفت
بس دة موقعه فى انه بلد بالظبط ؟

عفاف:فى كل البلاد يا ماما

الأم باستغراب : انتى اتهبلتى يا بت؟
يعنى إيه فى كل البلاد؟

عفاف: يا ماما النت دة عبارة
عن كمبيوترات كتير
في العالم وفيه معلومات كتير اوى

الأم:معلومات ايه يابت انتى
هو انتى هتتجوزى دايرة المعارف؟؟

عفاف:المهم يا ماما ان فى واحد
متقدملى عن طريق النت

الأم: ودة اتقدم ازاى يعنى؟؟؟؟؟

عفاف: بعتلى إيميل

الأم فى ذهول: ايميل؟

بعتلك إيميل جارنا المسيحى؟

وإزاى يا بت تقبلى تتكلمى

مع الى اسمه إيميل ده

وهو مين عشان الزفت بتاعك
ده يبعته لينا!!!!!

عفاف فى سرها طب افهمها
ازاى دى بقــــــــى ؟؟؟

عفاف:يا ماما اهدى إيميل
جارنا مين بس ...!


الأم: مش انتى الى بتقولى يابت

عفاف:إيميل يعنى جواب
بس على النت

الأم: برضه هتقوليلي عالزفت
يابنتى أنا مش فاهمة البتاع
الى بتتكلمي عليه دة

عفاف:النت دة ياماما حاجة فى
الكمبيوترممكن نبعت فيها
رسائل لناس برة ونستقبل منهم رسائل
برضه دة غير حاجات كتير

الأم:أنا ماليش فى الكلام دة
اللي انا عايزة أعرفه هو مين
ومعاه شهادة ولا لأ ؟
واصله ايه وفصله ايه ؟؟

عفاف:هو اسمه حاتم
وطالب فى هندسة حاسبات و قاطعتها الأم

الام: طالب؟؟؟

عفاف: أيوة ياماما بس فى آخر سنة

الأم : بصى أنا ماليش دعوة
بالموضوع دا أنا هتصل بأبوكي وهو يتصرف

اتصلى بيه انتى عالموبايل
وأنا أكلمه زمانه عالقهوة

وفى قهوة المعلم حسنين
رن الموبايل بتاع عم حلاوة
العنتبلى الجزار

و.....
الباقي في الحلقة القادمة بقا
انا هستني ردودكوا
ولو عجبتكوا ولقيت عليها اقبال هنزلكوا
الباقي في شكل حلقات


NONA
  اضافة رد




27/06/2010
4:20:47 PM 		 

تاريخ التسجيل : 08/02/2010
عدد المشاركات : 18
Postايميل السيد احمد
 كملى يا استاذه نانا
 
انا عاجبنى موضوع الكمبرورر ده
 
وبعدين صحيح ... 
 
هيا تعرف ايميل دا منين ؟ 
 
هل هو جارها فعلا ؟
 
ولا من بره الوايلى؟
 
 
 
اضافة رد

28/06/2010
9:26:41 PM 		 

تاريخ التسجيل : 09/02/2008
عدد المشاركات : 273
Post

هههههههههههه
 
Diefانا سعيده انها عجبتك اخى
 
اكيد اسالتك كلها فالحلقات الجايه  خصوصا مع العنتيلى دا نكته لوحده
 
وعارف ايميل كويس هههههه
 
نورتنى اخى وجاارى اضافه الحلقه الجديده
 
ميرسى لمتابعتك 
اضافة رد

28/06/2010
9:32:23 PM 		 

تاريخ التسجيل : 09/02/2008
عدد المشاركات : 273
Talking
 
‾ˉ−ـ‗_الحلقه الثانيه_‗ـ−ˉ‾



حلاوة العنتبلى وبصوت خشن: أيووووة مين ؟
اضافة رد

28/06/2010
9:37:01 PM 		 

تاريخ التسجيل : 09/02/2008
عدد المشاركات : 273
Postمش عارفه سبب عدم ظهور الكلام فالرد السابق ليه..؟
 
‾ˉ−ـ‗_الحلقه الثانيه_‗ـ−ˉ‾



حلاوة العنتبلى وبصوت خشن: أيووووة مين ؟

الأم : أنا يا معلم

العنتبلى: عاوزة إيه يا ولية ؟؟؟؟؟

الأم: تعالى يا خويا شوف بنتك جايلها عريس من النت


العنتبلى: بتقولى منين ؟؟؟؟؟؟


الأم: من النت يا حاج


العنتبلى: يعنى إيه ؟ فهمينى


الأم: ياخويا لما أفهم أنا ابقى أفهمك

تعالى انت واسألها بنفسك

العنتبلى: ماشى ... هخلص دور الطاولة دة وهاجى على طول

ثم أغلق الموبايل وأخذ يكلم نفسه


نت....!!!! دة يطلع ايه دة كمان؟؟؟؟

تكونشى الولية مراتى اتهبلت ؟؟؟؟؟


بس هى ناقصة هبل ؟ ماهيا كدا كدا مهبولة من يومها


سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟

فانتبه المعلم حلاوةالعنتبلى وقال: قولى يا زينهم

بما إنك كدا متعلم ومتنور ومعاك تالتة ابتدائى

يطلع إيه النت دة؟؟؟؟؟

طبعا المعلم زينهم اترسم بقى وأخذ وضع فخر وعزة وهو يجيب

وإنت ايه اللي عرفك بالأشكال دى يا معلم ؟؟؟؟

العنتبلى: اهو عرفت وخلاص بقى

زينهم: والله يا معلم حلاوة

أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق

العنتبلى: ااااااااااااه

يعنى زى تليفزيون كدة يعنى

زينهم: لا يا معلم مش زى التليفزيون

وإنما تقدر تقول عليه جرايد بس بتتشاف على الكمبيوتر

العنتبلى: يا دين النبى

معقولة ياد الجرنال يدخل عالشاشة الصغيرة دى؟؟
طب بيدخلوه ازاى؟؟

زينهم وقال عامل فيها فكيك بقى : مش فى فتحات ورا فى الشاشة يا معلم

أكيد بيدخلوا الجرنال منها

العنتبلى:أكيد الناس دى فاضية وموراهاش أى حاجة تعملها

زينهم: هو كدة بالضبط يا معلم

بس ليه دة كله؟

العنتبلى: أصل الولية مراتى بتقولى بنتك جايلها عريس من النت

زينهم: ألف مبروك يا معلم

أكيد تقصد ان متقدملها صحفى!!!!!!!!!

العنتبلى وهو مبسوط: بجد ياد يا زينهم؟

زينهم: طبعا يا معلم

ماهو زى ما قلتلك النت عبارة عن جرايد عالكمبيوتر

يبقى قصدها ان واحد جرنالجى اتقدملها

مبروووك يا معلم

كدة ممكن تعمل دعاية للمحل بتاعك فى الجرنال

وتطلع صورك انت والعجل فى صفحة الحوادث

العنتبلى في فرحة: طب العب يا وش السعد العب

رمى زينهم الزهر ثم صرخ .......دش

راحت عليك يا معلم

هع هع هع هع

مستنيه اعرف رأيكم فالحلقه الجديده يا رحابيه
 

يتبــــع




NONA
اضافة رد

28/06/2010
5:54:27 AM 		 

تاريخ التسجيل : 08/02/2010
عدد المشاركات : 18
Talkingاهوا دا العلام ولابلاش
 صدق اللى قال العلم نور
 
شوفتى اهو بتاع تالته ابتدائى طلع بيفهم احسن منى ....
 
وانا اللى دا كله مش عارف الفتحات اللى ورا دى لازمتها ايه ...
 
قال ايه كنت فاكرها للتهويه وعشان تطلع سخونه الشاشه ....
 
زينهم دا طلع  ولد بصحيح ....
 
قولى يا nana قولى
 
بس فى اخر الحلقات ابقى ادينى عنوان الناس دى اروحلهم ...
 
بينى وبينك نفسى اتجوز ...
 
 وهو دا النسب ولا بلاش....
 
وعجـــــــبى
اضافة رد

30/06/2010
3:06:20 PM 		 

تاريخ التسجيل : 09/02/2008
عدد المشاركات : 273
Postالعلم نور والجهل انور هههههههه

 هههههههههههههههه

 

شكلك كده عايز تناسب العنتيلى

 

 اوعدك انك هتغير رأيك فالاخر اما تعرف مصير العريس ايه هههه

 

ميرسى على متابعتك اخى وان شاء الله الى جى يعجبك اكتر

 

والحلقه الجديده قيد التحضير

 

 
 
اضافة رد

30/06/2010
3:11:54 PM 		 

تاريخ التسجيل : 09/02/2008
عدد المشاركات : 273
Wink
 
‾ˉ−ـ‗_الحلقه الثالثه_‗ـ−ˉ‾


عفاف: يا ماما والنبي افهينى بقي عشان خاطرى

العريس دة لقطة ومفيش زيه فى النت

أنا حبيته من كتاباته


الأم: كتاباته ؟؟؟؟ هو مؤلف؟؟؟؟


عفاف: مش مؤلف قوى يعنى بس بيكتب عالنت


الأم: ودة بيكتب فى ايه بالضبط؟


عفاف: لالالالالالالالا يا ماما

دا ما شاء الله عليه ماخلاش حاجة إلا لما كتب عنها


الأم بخبث :ااااااااااااااااااااااه

مين يشهد للعروسة؟؟؟؟


عفاف: لا والله ياماما بكلمك جد


الأم بصوت عالى : اسمعى يا بت انتى أنا لا أعرف نت ولا كتابات

أبوكى زمانه جاى دلوقتي هوبقي يتصرف معاكى


عفاف وفي سرها : ماهيا دى المصيبة


دخل المعلم حلاوة العنتبلى فى هذه اللحظة مبتهجا


العنتبلى: مساء الخييييييييير


الأم: يسعد مساك يا خويا

تعالى بقى شفلك حل فى بنتك دى


العنتبلى: خير يا بنتى؟

عفاف:أبدا يا بابا

مش انتوا عاوزينى اتجوز

اهو جالى عريس ومع كدة ماما مش عاجبهااااااااااااا


العنتبلى: أكيد مش عاجبها عشان جاهلة
سيبك منها وقوليلى إيه الحكاية؟


عفاف: فى واحد طلب ايدى عن طريق النت

وقالى انه جاد فى طلبه ومستعد يجيي فى أى وقت


العنتبلى: عال عال

وإيه كمان؟؟؟؟


عفاف: يعنى انت مش معارض يا بابا؟


العنتبلى: واعارض ليه يا بنتى


عفاف فى فرح: طب ارد عليه اقوله ايه؟


العنتبلى وبصوت خشن: تردي علي مين



عفاف: على حاتم ياباباااااااااااااااااااااا


العنتبلى وبصوت أخشن: حااااااااتم ميييييين؟


عفاف: العريس يا بابا


العنتبلى: اااااااااااااااه مش تقوليلى كدة من الصبح

قوليلى الأول هو بيكتب فى أنهو صفحة؟؟؟؟


عفاف: يااااااااااااااااه يابابا

دة بيكتب فى صفحات كتيرة اوي اوي


العنتبلى: عظيم

وياترى بقى هو مشهور كدا يعنى الناس تعرفه؟


عفاف: أكيد يا بابا دة معروف جدا فى المنتديات


العنتبلى: فين ياختى؟؟؟؟؟


عفاف: فى المنتديات يا بابا


العنتبلى: ودى تطلع إيه دى كمان ؟؟؟


عفاف: دى صفحات عالنت يا بابا بتجمع أعضاء كتير اوووي

وبيتكلموا فى مواضيع كتير


العنتبلى: يابت سيبك من النحوى دة وكلمينى كلام افهمه


عفاف في سرها: بقى دة نحوى ياعاااااااالم


عفاف: حاضر يا بابا

المنتديات دى زى

زى ايه قعدة المصطبة كدة

كل مجموعة واخدلها ركن وعمالين يتكلموا فى حاجة معينة

وبيبقى لها شروط وقوانين معينة وكدة يعنى


العنتبلى: ااااااااااااااااااااه فهمت

يعنى زى سوق العجول كدة


عفاف وقد فاض بها:

عجول ايه بس يابا ؟بقى المنتدى زى سوق العجول؟!

العنتبلى: جري ايه يابت انتي

مش عاجباكى العجول يا بنت عواطف؟؟؟؟

مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟


عفاف: طيب خلاص يا بابا ...
المهم انه مشهور .. مشهور اوووي


العنتبلى: طيب نيجى للمهم بقىىىىىى

هو عرفك منين؟؟؟؟


شعرت عفاف بالرعب من السؤال فأجابك بسرعة: لا يا بابا اوعى تفهمنى غلط

والله ما شافنى ولا مرة حتى فى أى حتة


العنتبلى: ماطبعا يا بنتى لأنه لو كان شافك مكانشى اتقدم أصلا


عفاف: وبعدين معاك بقى يا بابا............. هو أنا وحشة اوي كدا ؟؟؟؟


العنتبلى مبتسما إبتسامة صفراء: يابت بضحك معاكى

انتى زى القمر بس عيبك الوحيد انك شبه أمك


الأم: جرالك ايه يا راجل إنت ما تتعدل فى الكلام أحسنلك


العنتبلى: احم احم

كنا بنقول إيه يا عفاف؟؟؟؟


عفاف: كنت بتسألنى هو عرفنى منين؟؟؟؟

عموما هو عرفنى من النت

واتقدملى عن طريق النت

وإن شاء الله لو وافقتم هييجى يتقدملى على طول


العنتبلى:وماله يا بنتى خليه ييجى

عرفك من النت عرفك من السلخانة

مش فارقة المهم انه وقع على بوذه


عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!

العنتبلى: قوليله ييجى يوم الجمعة بعد العصر


عفاف مسرورة: حاضر يا بابا هقوله حالا


ودخلت مسرعة إلى حجرتها فاستعجب المعلم حلاوة العنتبلى وسألها: هتعملى إيه يا بت؟؟؟؟


عفاف: هقوله يا بابا


العنتبلى: انتى يا بت أخذتى التليفون عندك؟؟؟؟


عفاف: لا يا بابا أبدااااااااا


العنتبلى: امال هتقوليله إزاى من عندك؟


عفاف: هبعتله إيميل


صرخ الأب فجأة بصوت مزعج وعالى....................


وإيه الى جاب الواد إيميل عندك فى الأوضة؟؟؟؟


عفاف: يا بابا اهدى إيميل مين بس دة الى عندى

أنا أقصد هبعتله جواب عالنت


تذكر العنتبلى حواره مع زينهم والورق الذى يدخل من خلف الشاشة فقال

اااااااااااااااااااااااااااه

أنا بحسب المهم بلغيه بالميعاد


وقبل أن يغادر إلتفت إليها قائلا: بقولك إيه يا عفاف

بعد ما تكتبى الجواب حطيه بالراحة عشان الشاشة ما تنفجرشى
في وشك


تابعته عفاف بنظرات الدهشة والحيرة وهى تقول فى نفسها


احط إيه وشاشة إيه دى الى هتنفجر؟؟؟؟؟؟؟



وفى اليوم المحدد أتى العريس أنيقا مهتما بنفسه

بشكل ملحوظ وذو رائحة طيبة وفى أبهى صورة

واستبشر الجميع خيرا إلا أنه كما تعلمون هناك سوء تفاهم رهيب

فالأم تعرف أنه طالب فى كلية محترمة والأب يظنه صحفى مشهور

وعفاف مرعوبة من طريقة تعامل الوالدين مع العريس خاصة والدها\
كما أن المفاجأة غير المتوقعة أن العريس جاء بمفرده

ياترى ايه اللي هيحصل؟؟؟؟

هقولكم بقا الحلقه الى جااايه
مستنيه اعرف رأيكم فالحلقه دى
يتبــــع




NONA
اضافة رد

30/06/2010
3:12:08 PM 		 

تاريخ التسجيل : 09/02/2008
عدد المشاركات : 273
Wink
 
‾ˉ−ـ‗_الحلقه الثالثه_‗ـ−ˉ‾


عفاف: يا ماما والنبي افهينى بقي عشان خاطرى

العريس دة لقطة ومفيش زيه فى النت

أنا حبيته من كتاباته


الأم: كتاباته ؟؟؟؟ هو مؤلف؟؟؟؟


عفاف: مش مؤلف قوى يعنى بس بيكتب عالنت


الأم: ودة بيكتب فى ايه بالضبط؟


عفاف: لالالالالالالالا يا ماما

دا ما شاء الله عليه ماخلاش حاجة إلا لما كتب عنها


الأم بخبث :ااااااااااااااااااااااه

مين يشهد للعروسة؟؟؟؟


عفاف: لا والله ياماما بكلمك جد


الأم بصوت عالى : اسمعى يا بت انتى أنا لا أعرف نت ولا كتابات

أبوكى زمانه جاى دلوقتي هوبقي يتصرف معاكى


عفاف وفي سرها : ماهيا دى المصيبة


دخل المعلم حلاوة العنتبلى فى هذه اللحظة مبتهجا


العنتبلى: مساء الخييييييييير


الأم: يسعد مساك يا خويا

تعالى بقى شفلك حل فى بنتك دى


العنتبلى: خير يا بنتى؟

عفاف:أبدا يا بابا

مش انتوا عاوزينى اتجوز

اهو جالى عريس ومع كدة ماما مش عاجبهااااااااااااا


العنتبلى: أكيد مش عاجبها عشان جاهلة
سيبك منها وقوليلى إيه الحكاية؟


عفاف: فى واحد طلب ايدى عن طريق النت

وقالى انه جاد فى طلبه ومستعد يجيي فى أى وقت


العنتبلى: عال عال

وإيه كمان؟؟؟؟


عفاف: يعنى انت مش معارض يا بابا؟


العنتبلى: واعارض ليه يا بنتى


عفاف فى فرح: طب ارد عليه اقوله ايه؟


العنتبلى وبصوت خشن: تردي علي مين



عفاف: على حاتم ياباباااااااااااااااااااااا


العنتبلى وبصوت أخشن: حااااااااتم ميييييين؟


عفاف: العريس يا بابا


العنتبلى: اااااااااااااااه مش تقوليلى كدة من الصبح

قوليلى الأول هو بيكتب فى أنهو صفحة؟؟؟؟


عفاف: يااااااااااااااااه يابابا

دة بيكتب فى صفحات كتيرة اوي اوي


العنتبلى: عظيم

وياترى بقى هو مشهور كدا يعنى الناس تعرفه؟


عفاف: أكيد يا بابا دة معروف جدا فى المنتديات


العنتبلى: فين ياختى؟؟؟؟؟


عفاف: فى المنتديات يا بابا


العنتبلى: ودى تطلع إيه دى كمان ؟؟؟


عفاف: دى صفحات عالنت يا بابا بتجمع أعضاء كتير اوووي

وبيتكلموا فى مواضيع كتير


العنتبلى: يابت سيبك من النحوى دة وكلمينى كلام افهمه


عفاف في سرها: بقى دة نحوى ياعاااااااالم


عفاف: حاضر يا بابا

المنتديات دى زى

زى ايه قعدة المصطبة كدة

كل مجموعة واخدلها ركن وعمالين يتكلموا فى حاجة معينة

وبيبقى لها شروط وقوانين معينة وكدة يعنى


العنتبلى: ااااااااااااااااااااه فهمت

يعنى زى سوق العجول كدة


عفاف وقد فاض بها:

عجول ايه بس يابا ؟بقى المنتدى زى سوق العجول؟!

العنتبلى: جري ايه يابت انتي

مش عاجباكى العجول يا بنت عواطف؟؟؟؟

مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟


عفاف: طيب خلاص يا بابا ...
المهم انه مشهور .. مشهور اوووي


العنتبلى: طيب نيجى للمهم بقىىىىىى

هو عرفك منين؟؟؟؟


شعرت عفاف بالرعب من السؤال فأجابك بسرعة: لا يا بابا اوعى تفهمنى غلط

والله ما شافنى ولا مرة حتى فى أى حتة


العنتبلى: ماطبعا يا بنتى لأنه لو كان شافك مكانشى اتقدم أصلا


عفاف: وبعدين معاك بقى يا بابا............. هو أنا وحشة اوي كدا ؟؟؟؟


العنتبلى مبتسما إبتسامة صفراء: يابت بضحك معاكى

انتى زى القمر بس عيبك الوحيد انك شبه أمك


الأم: جرالك ايه يا راجل إنت ما تتعدل فى الكلام أحسنلك


العنتبلى: احم احم

كنا بنقول إيه يا عفاف؟؟؟؟


عفاف: كنت بتسألنى هو عرفنى منين؟؟؟؟

عموما هو عرفنى من النت

واتقدملى عن طريق النت

وإن شاء الله لو وافقتم هييجى يتقدملى على طول


العنتبلى:وماله يا بنتى خليه ييجى

عرفك من النت عرفك من السلخانة

مش فارقة المهم انه وقع على بوذه


عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!

العنتبلى: قوليله ييجى يوم الجمعة بعد العصر


عفاف مسرورة: حاضر يا بابا هقوله حالا


ودخلت مسرعة إلى حجرتها فاستعجب المعلم حلاوة العنتبلى وسألها: هتعملى إيه يا بت؟؟؟؟


عفاف: هقوله يا بابا


العنتبلى: انتى يا بت أخذتى التليفون عندك؟؟؟؟


عفاف: لا يا بابا أبدااااااااا


العنتبلى: امال هتقوليله إزاى من عندك؟


عفاف: هبعتله إيميل


صرخ الأب فجأة بصوت مزعج وعالى....................


وإيه الى جاب الواد إيميل عندك فى الأوضة؟؟؟؟


عفاف: يا بابا اهدى إيميل مين بس دة الى عندى

أنا أقصد هبعتله جواب عالنت


تذكر العنتبلى حواره مع زينهم والورق الذى يدخل من خلف الشاشة فقال

اااااااااااااااااااااااااااه

أنا بحسب المهم بلغيه بالميعاد


وقبل أن يغادر إلتفت إليها قائلا: بقولك إيه يا عفاف

بعد ما تكتبى الجواب حطيه بالراحة عشان الشاشة ما تنفجرشى
في وشك


تابعته عفاف بنظرات الدهشة والحيرة وهى تقول فى نفسها


احط إيه وشاشة إيه دى الى هتنفجر؟؟؟؟؟؟؟



وفى اليوم المحدد أتى العريس أنيقا مهتما بنفسه

بشكل ملحوظ وذو رائحة طيبة وفى أبهى صورة

واستبشر الجميع خيرا إلا أنه كما تعلمون هناك سوء تفاهم رهيب

فالأم تعرف أنه طالب فى كلية محترمة والأب يظنه صحفى مشهور

وعفاف مرعوبة من طريقة تعامل الوالدين مع العريس خاصة والدها\
كما أن المفاجأة غير المتوقعة أن العريس جاء بمفرده

ياترى ايه اللي هيحصل؟؟؟؟

هقولكم بقا الحلقه الى جااايه
مستنيه اعرف رأيكم فالحلقه دى
يتبــــع




NONA
اضافة رد

30/06/2010
3:12:26 PM 		 

تاريخ التسجيل : 09/02/2008
عدد المشاركات : 273
Wink
 
‾ˉ−ـ‗_الحلقه الثالثه_‗ـ−ˉ‾


عفاف: يا ماما والنبي افهينى بقي عشان خاطرى

العريس دة لقطة ومفيش زيه فى النت

أنا حبيته من كتاباته


الأم: كتاباته ؟؟؟؟ هو مؤلف؟؟؟؟


عفاف: مش مؤلف قوى يعنى بس بيكتب عالنت


الأم: ودة بيكتب فى ايه بالضبط؟


عفاف: لالالالالالالالا يا ماما

دا ما شاء الله عليه ماخلاش حاجة إلا لما كتب عنها


الأم بخبث :ااااااااااااااااااااااه

مين يشهد للعروسة؟؟؟؟


عفاف: لا والله ياماما بكلمك جد


الأم بصوت عالى : اسمعى يا بت انتى أنا لا أعرف نت ولا كتابات

أبوكى زمانه جاى دلوقتي هوبقي يتصرف معاكى


عفاف وفي سرها : ماهيا دى المصيبة


دخل المعلم حلاوة العنتبلى فى هذه اللحظة مبتهجا


العنتبلى: مساء الخييييييييير


الأم: يسعد مساك يا خويا

تعالى بقى شفلك حل فى بنتك دى


العنتبلى: خير يا بنتى؟

عفاف:أبدا يا بابا

مش انتوا عاوزينى اتجوز

اهو جالى عريس ومع كدة ماما مش عاجبهااااااااااااا


العنتبلى: أكيد مش عاجبها عشان جاهلة
سيبك منها وقوليلى إيه الحكاية؟


عفاف: فى واحد طلب ايدى عن طريق النت

وقالى انه جاد فى طلبه ومستعد يجيي فى أى وقت


العنتبلى: عال عال

وإيه كمان؟؟؟؟


عفاف: يعنى انت مش معارض يا بابا؟


العنتبلى: واعارض ليه يا بنتى


عفاف فى فرح: طب ارد عليه اقوله ايه؟


العنتبلى وبصوت خشن: تردي علي مين



عفاف: على حاتم ياباباااااااااااااااااااااا


العنتبلى وبصوت أخشن: حااااااااتم ميييييين؟


عفاف: العريس يا بابا


العنتبلى: اااااااااااااااه مش تقوليلى كدة من الصبح

قوليلى الأول هو بيكتب فى أنهو صفحة؟؟؟؟


عفاف: يااااااااااااااااه يابابا

دة بيكتب فى صفحات كتيرة اوي اوي


العنتبلى: عظيم

وياترى بقى هو مشهور كدا يعنى الناس تعرفه؟


عفاف: أكيد يا بابا دة معروف جدا فى المنتديات


العنتبلى: فين ياختى؟؟؟؟؟


عفاف: فى المنتديات يا بابا


العنتبلى: ودى تطلع إيه دى كمان ؟؟؟


عفاف: دى صفحات عالنت يا بابا بتجمع أعضاء كتير اوووي

وبيتكلموا فى مواضيع كتير


العنتبلى: يابت سيبك من النحوى دة وكلمينى كلام افهمه


عفاف في سرها: بقى دة نحوى ياعاااااااالم


عفاف: حاضر يا بابا

المنتديات دى زى

زى ايه قعدة المصطبة كدة

كل مجموعة واخدلها ركن وعمالين يتكلموا فى حاجة معينة

وبيبقى لها شروط وقوانين معينة وكدة يعنى


العنتبلى: ااااااااااااااااااااه فهمت

يعنى زى سوق العجول كدة


عفاف وقد فاض بها:

عجول ايه بس يابا ؟بقى المنتدى زى سوق العجول؟!

العنتبلى: جري ايه يابت انتي

مش عاجباكى العجول يا بنت عواطف؟؟؟؟

مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟


عفاف: طيب خلاص يا بابا ...
المهم انه مشهور .. مشهور اوووي


العنتبلى: طيب نيجى للمهم بقىىىىىى

هو عرفك منين؟؟؟؟


شعرت عفاف بالرعب من السؤال فأجابك بسرعة: لا يا بابا اوعى تفهمنى غلط

والله ما شافنى ولا مرة حتى فى أى حتة


العنتبلى: ماطبعا يا بنتى لأنه لو كان شافك مكانشى اتقدم أصلا


عفاف: وبعدين معاك بقى يا بابا............. هو أنا وحشة اوي كدا ؟؟؟؟


العنتبلى مبتسما إبتسامة صفراء: يابت بضحك معاكى

انتى زى القمر بس عيبك الوحيد انك شبه أمك


الأم: جرالك ايه يا راجل إنت ما تتعدل فى الكلام أحسنلك


العنتبلى: احم احم

كنا بنقول إيه يا عفاف؟؟؟؟


عفاف: كنت بتسألنى هو عرفنى منين؟؟؟؟

عموما هو عرفنى من النت

واتقدملى عن طريق النت

وإن شاء الله لو وافقتم هييجى يتقدملى على طول


العنتبلى:وماله يا بنتى خليه ييجى

عرفك من النت عرفك من السلخانة

مش فارقة المهم انه وقع على بوذه


عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!

العنتبلى: قوليله ييجى يوم الجمعة بعد العصر


عفاف مسرورة: حاضر يا بابا هقوله حالا


ودخلت مسرعة إلى حجرتها فاستعجب المعلم حلاوة العنتبلى وسألها: هتعملى إيه يا بت؟؟؟؟


عفاف: هقوله يا بابا


العنتبلى: انتى يا بت أخذتى التليفون عندك؟؟؟؟


عفاف: لا يا بابا أبدااااااااا


العنتبلى: امال هتقوليله إزاى من عندك؟


عفاف: هبعتله إيميل


صرخ الأب فجأة بصوت مزعج وعالى....................


وإيه الى جاب الواد إيميل عندك فى الأوضة؟؟؟؟


عفاف: يا بابا اهدى إيميل مين بس دة الى عندى

أنا أقصد هبعتله جواب عالنت


تذكر العنتبلى حواره مع زينهم والورق الذى يدخل من خلف الشاشة فقال

اااااااااااااااااااااااااااه

أنا بحسب المهم بلغيه بالميعاد


وقبل أن يغادر إلتفت إليها قائلا: بقولك إيه يا عفاف

بعد ما تكتبى الجواب حطيه بالراحة عشان الشاشة ما تنفجرشى
في وشك


تابعته عفاف بنظرات الدهشة والحيرة وهى تقول فى نفسها


احط إيه وشاشة إيه دى الى هتنفجر؟؟؟؟؟؟؟



وفى اليوم المحدد أتى العريس أنيقا مهتما بنفسه

بشكل ملحوظ وذو رائحة طيبة وفى أبهى صورة

واستبشر الجميع خيرا إلا أنه كما تعلمون هناك سوء تفاهم رهيب

فالأم تعرف أنه طالب فى كلية محترمة والأب يظنه صحفى مشهور

وعفاف مرعوبة من طريقة تعامل الوالدين مع العريس خاصة والدها\
كما أن المفاجأة غير المتوقعة أن العريس جاء بمفرده

ياترى ايه اللي هيحصل؟؟؟؟

هقولكم بقا الحلقه الى جااايه
مستنيه اعرف رأيكم فالحلقه دى
يتبــــع




NONA
اضافة رد

08/07/2010
6:28:33 PM 		 

تاريخ التسجيل : 08/02/2010
عدد المشاركات : 18
Postفيييييييييييييييين الباقى
 
ليه مش بتكملى القصه انا بقالى كتير مستنيها ....
 
 
مشكله مع المخرج برده ؟؟
 
ولا العنتبلى حذرك من النشر؟
 
اوعى تخافى .. كلنا وراكى
 
 
كملى
اضافة رد

12/07/2010
2:59:01 PM 		 

تاريخ التسجيل : 09/02/2008
عدد المشاركات : 273
Post
ههههههههه
 
اسفه اخى على التأخير العنتيلى كان بيلعب جيمز عالكبووور بقا ههههههه
 
اسفه بجد كنت مسافره ولسه راجعه
 
جارى تنزيل الحلقه الجديده +حلقه كمان تعويضا عن التأخير
اضافة رد

12/07/2010
3:03:31 PM 		 

تاريخ التسجيل : 09/02/2008
عدد المشاركات : 273
Post
 
‾ˉ−ـ‗_الحلقه الرابعه_‗ـ−ˉ‾



رن جرس الشقة مرة واحدة

فأسرعت عفاف لفتح الباب

ولكن والدها أوقفها وأخبرها بأن تلزم غرفتها حتى ينادي عليها

ثم فتح هو الباب ليجد شابا وسيم وأنيق ذو رائحة طيبة وابتسامة هادئة

وبيده كيس موز..............!!!!


استبشر حلاوة العنتبلى خيرا ودعاه للدخول

ولكنه أخذ ينظر وراءه فى تعجب لعدم وجود أحد معه

فأغلق الباب خلفه فى عنف وتغيرت ملامح وجهه

وهو يقول ............

اهلااااااااااا

حاتم: اهلا بيك يا عمي

العنتبلى : خير يابنى؟؟؟؟

حاتم وهو قلق: هى الانسة عفاف ما قالتش لحضرتك إني جاي؟؟؟؟

العنتبلى: اه قالتلنا

بس ماقالتلناش بإن سيادتك هتشرف لوحدك

حاتم: لا ياعمى منا مش جاى لوحدى

أنا معايا كيس موز

العنتبلى: لا ياااااااااااااااشيخ كيس موز.....!!!!

الأم: ياما جاب الغراب لأمه

حاتم: طيب يا عمى ندخل فى المفيد

العنتبلى: ندخل فى المفيد

وهو انت متأكد انك جاى تدخل فى المفيد؟؟؟؟

حاتم: أكيد أكيد يا عمي امال أنا جاى ليه؟؟؟؟

العنتبلى: وإن شاء الله هندخل فى المفيد

بطولك كدة ولا ايه؟

من غير والدك ولا والدتك ولا عمك

ولا خالك ولا أى حد

حاتم: لالالالالالالالالا يا عمي ماتقلقش

ماهو انتوا هتشوفوهم فى الفرح إن شاء الله

وقف العنتبلى مرة واحدة صارخا:

نعم يا خوياااااااااا ؟ فى الفرح؟

حاتم: اتفضل بس وأنا هفهمك

على كل حاجة ياعمي

العنتبلى: ادينا اتفضلنا اهوووووو نعم؟؟؟؟

أنا ياعمي اسمي حاتم

وعندى 22 سنةو4 أشهر و5 أيام و5ساعات ونص

الأم بعصبية: جرى اااااااايه يابنى انت؟؟؟

كان زمانك اتجوزت وخلفت كمان

العنتبلى: استنى بس يا أم عفاف لما نشوف

اخرتها ايه معاه

حاتم: أنا ياعمي عندى شقة واسعة والحمد لله وجاهزة عالفرش

العنتبلى: اه واللي بعده

حاتم:بس كدا وجاى اطلب ايد الانسة عفاف

طبعا أنا عارف انكم مستغربين إني جيت لوحدى

العنتبلى: الله ينور عليييييييييييييك

هو دة بقى المفيد

وفين الحاج والحاجة؟؟؟؟

حاتم: أصل بصراحه كدا ياعمي

بصراحة .........!!!!

الحاج والحاجة مش مقنتعين بحكاية جوازى من النت دى

العنتبلى صارخا بوجهه : نعم ياااااحبيبى؟؟؟؟؟

هو مين بقى اللي من النت انت ولا احنا؟؟؟؟؟

حاتم: احنا الإثنين يا عمي

العنتبلى: يابني انت هتلخبطنى ليييييييييه بقى؟

أنا جزار مش صحفي

حاتم: طيب وفيها ايه دي يا عمى

طيب ماهو أنا طالب مش صحفى

العنتبلى صارخا: مش صحفى؟؟؟؟

وكمان طاااااااااااالب.............!!!!

الأم: امال انت فاكر ايه يا حاج ماهو

طالب فى البتاعة دى

اللي بيشتغلوا فيها على الكبورر

العنتبلى: بقولك ايه خشي يا ولية نادي على عفاف

جاءت عفاف بسرعة ووالدها ينظر اليها بغضب

بينما ابتسم حاتم وهو يقول:
اهلا يا انسة عفاف

عفاف: اهلا بيك يا أستاذ حاتم

العنتبلى: اقعدى يا عفاف وشوفى المصيبة دى...........!!

عفاف: مصيبة ايه بس يا بابا كفا الله الشر

العنتبلى:قال ايه البيه بيقولى انه طالب

عفاف: أيوة يا بابا منا عارفه ان هو طالب
وفي هندسة الحاسبات فى اخر سنة

العنتبلى: نعم يااااااااااااااختى ....؟؟؟

أنا كنت فاكره صحفى

حاتم: صحفى؟؟؟؟

بس أناياعمي عمرى ماكنت صحفى ولا هكون

عفاف: استنى بس يا حاتم لوسمحت يظهر
إن فيه سوء تفاهم حصل

وفاكرينك صحفى عشان أنا قلتلهم انك
بتكتب فى المنتديات

ثم إلتفتت إلى والدها وهى تقول :

يا بابا الأستاذ حاتم بيكتب عالنت مش فى الصحافة

وكتاباته مميزة جدا جدا

العنتبلى: منا عارف إنه بيكتب فى الجرنال

وبعدين يدخل الجرنال فى الشاشة عشان الناس تشوفه عالنت

ااااااااااااايه انتوا فاكرينى جاهل ولا إيه؟؟؟؟؟

حاتم: لا ياعمى العفو....!!!!

عفاف: يابابا هو فيه جرنال فى الدنيا بيدخل فى الشاشة بردوا ؟

هو مين اللي قالك كدة؟

العنتبلى: واحد صاحبى متعلم كدا ومتنور
ومعاه تالتة إبتدائى

هو اللي قالي إن الأخبار اللي بتشوفوها عالنت

عبارة عن جرايد بيدخلوها من فتحات الشاشة الى ورا

عفاف: تالتة إبتدائى؟؟؟؟؟

يا بابا ....الكلام دة غلط ومافيش جرايد بتدخل من الشاشة ولا حاجة

بالنسبة للأخبار دى عبارة عن كلام مطبوع عالنت

العنتبلى: شوفى يا بنتى إنتى وهو من الاخر كدا

لو فضلتم سنة تتكلموا عن النت دة مش هفهم بردوا

المهم دلوقتى..............

بسلامته بقى والدك مش موافق ليه؟؟

هو احنا مش قد المقام يعني ولا ايه ؟؟

حاتم: لا ياعمى العفو دة شرف ليهم إنهم يناسبوا حضرتك انت وطنط

الأم: طنط؟؟؟؟؟؟؟؟

طنط مين يا ضنايا؟!؟؟؟؟؟؟؟

عفاف: اهدي بس يا ماما هو يقصد إنه يحترمك مش أكتر

حاتم: أيوة طبعا زى ما قالت عفاف كدة بالضبط

الأم: بس معلشى يابنى لا طنط ولا مدموذيل اقولك

قولي يا حاجة أحسن

حاتم: حاضر يا حاجة

العنتبلى: طيب لما هو شرف ليهم مش موافقين ليه بقىىىى؟؟؟؟

عفاف: هو يقصد يا بابا إنهم مش موافقين على الطريقة نفسها

يعنى الزواج عن طريق النت

العنتبلى: طب ليه يا بنتى مش دة جواز على سنة الله ورسوله؟

حاتم: أكيد يا عمي بس تقول اااااايه بقى ربنا يهديهم


العنتبلي: طيب ممكن بقي تقولى ازاي بنتي عجبتك من غير ما تشوفها حتى


يعنى انت أصلا جاي بناءا على ايه؟؟؟؟؟



نظر حاتم إلى عفاف وقال........


يتبــــع




ANOSHA
اضافة رد

12/07/2010
3:08:57 PM 		 

تاريخ التسجيل : 09/02/2008
عدد المشاركات : 273
Postوالحلقه الاضافيه اهيه
 
‾ˉ−ـ‗_الحلقه الخامسه_‗ـ−ˉ‾






العنتبلي: طيب ممكن بقي تقولى ازاي بنتي عجبتك من غير ما تشوفها حتى


يعنى انت أصلا جاي بناءا على ايه؟؟؟؟؟




نظر حاتم إلى عفاف


وهو يقول............



حاتم: عجبتنى مشاركاتها يا عمي



مواضيعها وردودها يعني




العنتبلي: مواضيع ايه يابني دي اللي


عمال تتكلم عليها أنا مش فاهم حاجه




حاتم : ياعمي اسمعني بس أنا هقول لحضرتك علي كل حاجه




العنتبلي :وادينا سامعين اهو لما نشوف اخرتها ايه




حاتم : بص ياعمي أنا قابلتها أول مرة فى موضوع كان عن السجاير


كلامها لفت نظري اوي



ولقيتها مرة واحدة مشاركة فى موضوع ليا عن الكورة


وأقنعتنى بكلامها إن الكورة دى للفاضيين


ومش ممكن واحد مسلم يكون بيحس بإخوانه فى العراق وفلسطين


يقعد يكتب موضوع عن الكورة ويشجع الأهلي


( اعتذاري لجميع الاهلاوية وانت عارفين انا اهلاوية اساسا )




العنتبلى: اخص عليكي يا عفاف بقى كدا خلتيه يشجع الزمالك بدل الأهلى؟




حاتم: لا ياعمى ماقصدش دا هيا خليتنى أسيب الكورة نهائي


واشجع الوحدة الإسلامية وبس


دا بعد ما اقتنعت بكلامها طلبت من الموديراتور إنه يقفل الموضوع


و ....!!!



قاطعه العنتبلى: طلبت من مين يا خويا؟؟؟؟



حاتم: الموديراتور




العنتبلى: ويطلع ايه الموتور دة كمان ؟؟؟؟




عفاف: يقصد المشرف يا بابا


يعني اللي بينظم المكان




العنتبلي : طيب




حاتم: المهم بقى ....



بدأت اعجب بيها وأتابع مشاركاتها ومشيت وراها فى كل موضوع تروحه




خرجت من ساحة الشباب للمنتدى السياسى




خرجت وراها لقيتها شاركت فى موضوع عن بوش وشارون قمت شاركت معاها




وشكرتها على مشاركتها ونسيت خالص اشكر صاحب الموضوع الأصلي




رغم انها أصلا كانت داخلة تشكره فشكلى كان نيلة اوووي ساعتها




ولقيتها سابت السياسة وراحت لمنتدي الأخوات فى موضوع تعارف




وأنا كنت ماشى وراها زي المسحور فشاركت بعد مشاركتها على طول




رغم إن الموضوع للأخوات فقط وماأخذتش بالى إلا لما المشرف وقفني




وعلى ما سجلت بإسم جديد مؤقتا لقيتها فى المنتدى العام




بتشارك فى موضوع للنكت فقلت اهو فرصة اكتبلها نكتتين كدا يضحكوها قبل ما تشارك هيا




وفعلا كتبت نكت جامدة اوي وقلت أكيد هتضحك




لقيتها كاتبة عتاب طوووويل عريض لصاحب الموضوع




بإن النكت دى ما يصحش تتقال فى منتدى اسلامى




وبتنصحه إنه يشيل الموضوع ويراجع نيته




لقيتها دخلت منتدى الألعاب ودخلت موضوع شمس وقمر قلت ايه




اهو فرصة نلعب سوا




فدخلت قلت شمس قبل ما هيا تقول قمر




واستنيتها كتيرررررررر تقول قمر بس مفيش فايدة




فقلت لنفسى معقولة دة كله بتكتب ثلاث حروف ؟؟؟؟




ولا يمكن بترسملهم القمر نفسه




المهم بعد 5 دقائق لقيتها رازعة صاحب الموضوع كلمتين




عن المشاركات الهادفة والجد ومراعاة ظروف المسلمين المعتقلين




والمعذبين والمقتولين لغاية ما نفسى غمت عليا




فسحبت كلمة شمس وكتبت بدالها تحيا الوحدة الإسلامية




وقلت البنت دى لازم تبقى من نصيبي




لأنها ايجابية جدااااااا ومحترمة جدااااااااااا




فطلبت ايميلها من المشرف قالي ممنوع




حاولت أقنعه وقلتله ياعم يرضيك ويرضيك ابداااااامافيش فايدة




طبعا الأب والأم قاعدين مسبهلين ومش فاهمين أي حاجة




ويستمعون لحاتم ويؤئمون برؤوسهم كأنهم فاهمين




ولكن عفاف كانت تبتسم وقالت:



امال عرفت ايميلى ازاى؟؟؟؟




حاتم: قدراااااااااا

عفاف: ؟؟

حاتم:انا لقيتــ.......





انكم تستنوااا التكمله مع الحلقه الدديده
يتبــــع




NONA
اضافة رد

14/07/2010
6:30:16 PM 		 

تاريخ التسجيل : 08/02/2010
عدد المشاركات : 18
Postالعنتيلى خلف بنت بصحيح
مع الجهل المدقع اللى فيه الاخ عنتيلى وزوجته الموقره الحاجه ...
 
الا انهم عندهم بنت متعلمه ومثقفه ...
 
ويارب تكون من نصيب الواد  عشان شكله معجب بيها جدا وتعب عشانها....
 
على الله العنتيلى بس ميقفلهاش لانه من الواضح مش دبلوماسى خالص ...
 
 
اللى بعده بس بسرعه بقى
اضافة رد

15/07/2010
3:25:50 PM 		 

تاريخ التسجيل : 09/02/2008
عدد المشاركات : 273
Postمنور اخى ويارب النهايه تعجبك
 
‾ˉ−ـ‗_الحلقه السادسه_‗ـ−ˉ‾



الحلقه الاخيره


امال عرفت ايميلى ازاى؟؟؟؟





حاتم: قدراااااااااا


عفاف: ؟؟


حاتم:انا لقيتك كاتباه لواحدة
صحبتك قمت اخدته على طووول



الأب: إحنا إن شاء الله مش هنخلص النهاردة؟!

حاتم: أنا آسف يا عمى حضرتك موافق طبعا؟!

الأم: يوافق على إيه يا جدع إنت هو سلق بيض!

الأب: انت عاوزنى أوافق على إيه هو انت قلت حاجة أوافق عليها؟!

حاتم: طبعا ياعمى على عرضى للزواج من كريمتكم عفاف!

الأب: انت فاكر اننا هنقبلك كدة بطولك؟!من غير ما والدك ووالدتك يوافقوا و نتفاهم عالتفاصيل!

حاتم: وفيها إيه ياعمى بس هو مش أنا الى هتجوز ولا هما؟!

الأب(وقد فاض به الكيل): اسمع ياد إنت! بقى أنا صابر عليك من الصبح وإنت عمّال تحكيلى قصة حياتك كأنك صلاح الدين!

وبعدين عمّال تقولى كنت بجرى ورا البت عالنت من موضوع لموضوع لغاية ما قطعت نفسى وجت اتقدمتلها!

نيجى بقى للمفيد إذا كنت فاكر إنك هتضحك علينا بالخمسة كيلو موز دول فأنت غلطان دة أنا ممكن أزحلقك بيهم دلوقتى !!!

لو عاوز تخطب عفاف فعلا هاتلى أبوك وأمك عشان نتفاهم غير كدة قضيها مواضيع عالنت أحسنلك!!!

أما عفاف فأهى قاعدة معانا أهى بتاكل وبتشرب ولو ما نفعتشى فى الجواز ممكن ندبحها عالعيد مافيش أى مشاكل!!!!!!!!!!!!!!!!!

عفاف: يا بابا بس

قاطعها العنتبلى

اخرسى يا بت إنتى وخشى جوة!

حاتم: ماهو ياعمى أنا كنت ناوى

قاطعه العنتبلى بدوره

ناوى إيه بقى؟!بقالك نص ساعة ناوى ؟! على ما تعمل حاجة هيكون اليوم خلص

أنا خلصت الى عندى روح شاور أهلك والمرة الجاية لو فيه يعنى هاتهم معاك !

حاتم: طب يا عمى ممكن

قاطعه العنتبلى مرة أخرى

بقولك إيه؟! فى جاموسة هنروح ندبحها كمان شوية لو أخرتنى ممكن أد !!!!

حاتم(مذعورا): لا يا عمى على إيه سلام عليكم!Unhappy

العنتبلى: وعليكم السلام يا سى طالب أفندى!

قال عريس من النت قال!!!Talking

شباب اخر زمن

شوية شوية تجيبيلى



عريس من الإنترنت!!!Angry
عفاف: ........

 

تمـــتــ

مستنيه اعرف رأيكم بقااااا








ANOSHA
اضافة رد
عدد الردود 15







الرئيسية | أهداف الموقع | من نحن | اتصل بنا | انضم الينا | أعلن معنا
جميع الحقوق محفوظة لموقع رحابي 2007 - 2008