بس للأسف الحلو ميكملش لأن الموضوع مفيهوش حاجه و تقريبا صاحب الموضوع نسي يرفع الملف أو الملف مش راضي يترفع....

ماعلينا...هستأذنكم و أخد من وقتكم الغالي شوية دقائق عشان أكلمكم عن الادمان و بالذات عن الحشيش الي يمكن أصبح لا يخلو جيب شاب مدخن فالرحاب منو,و مش بس فالرحاب ده فالوطن العربي كله.... و عشان نشوف برضو ايه رأي باقي الشباب

 

 

بسم الله الرحمن الرحيم                                

 

ايه الحلو في اشعال سيجاره تدمر الالاف و يمكن ملايين من خلايا المخ مع كل شده؟ و ايه سبب توفر الحشيش بهذه الكميه و بهذا الشكل المفزع؟حتي اني اتذكر مره شوفت عيل صغير ميجيش ابتدائي شايل شنطه حولين بطنه و راصيص فيها كوينات (وحدة الحشيش) كتير و بيبيع عادي فالشارع؟و ايه سبب انتشار الافلام التي تجد فيها البطل يإما خربان يإما سكران؟و الغريب هو إعجاب الجماهير الشديد بيهم ...كل الأسئله دي كانت بدور فدماغي منذ فتره ,و الحقيقه اكتشفت سببها مؤخراً ...الحقيقه أنا سأتكلم من واقع خبرتي و معرفتي لبعض الذين وقعو في هذه السموم

مشكلة مخدر زي الحشيش انو مكار ولا تستبين خطره فالغالب الا بعد فوات الأوان و ذلك يرجع لعدة أسباب منها

انك لا تجد منه أعراض كالتي تجدها من السجائر كضيق الصدر و الرائحه الكريه بل و بالعكس انك تشعر لبعض الوقت بانتعاش و شعور واهم بالقدرة القوية علي التركيز و هذا مما يغري الزباين كما انك تجد بعض الشباب المتحزلقين الذين يرددون بعض العبارات الاعطباطية التي سمعوها مثل:

"الحشيش مش حرام زي الخمرة و بعدين ده مبيذهبش العقل"   أو تلاقي واحد سوبر بوي طالع يقولك أنا لو عاوز أبطلو في أي وقت هبطلو أصلو مش إدمان ...طبعاً كل ده دليل تام علي عدم الوعي بين الشباب و التقليد الأعمي لأي شيء يعمل رواج بين الشباب حتي ولو كان سيء,الحقيقه فالحشيش انو بيعمل ادمان نفسي يعني الي بيتعاطاه مش بيكون زي بتوع البودره و الكوكايين لو مخدش جرعتو هيجنن لكنه بيكون بني جوه نفسو شعور معين من السعاده أو من الاحاسيس (دي بتفرق علي حسب الشخص و النوع)الي بيكون عايز يوصلو كل مره و المشكله انو مع مرور الوقت الكمية لازم تزيد عشان تعمل شغل معاه بالتالي بيوصل لمرحله معينة الحشيش مبيئدرش يكفي فيها رغبته فبيطر الي اللجوء لأشياء أخري زي أنواع معينة من الأدوية(الكيميا) و الحقيقه تجار الحشيش  أو من ورائهم لنشر هذا السم أدركو تلك الحقيقه العلمية فبقو بيضيفو نسب من بعض الأدويه علي الحشيش و يباع مخلط و ده طبعا معناه ان المحشش دخل في سكة تانيه و هي سكة الكيميا الي لبتعتق و لا بترحم و مع مرور الوقتبتروح صلاحيتها زي الحشيش و الشخص بيلاقي نفسو عايز يدخل علي حاجة أقوي  وبيكون ده الطريق الي بيدخل منو  فالغالب معظم مدمنين البودره.. نرجع للحشيش  مشكلة الحشيش ان اثاره السلبيه بتظهر في وقت متأخر جدا و لكنها بتكون فتاكه هديكو بعض الاعترفات الشخصيه للدخل فالسكة دي شخص بيقول انو كان شاطر جداً فالدراسة و بعد مندمج مع هذه السموم أصبح يعاني من قلة الفهم و قلة التركيز و واحد تاني بيقول بقي حاسس بالبلاهه و ان مفيش حاجه فرقة معاه و ده بيكون من اسوء الحاجات الي ممكن البني ادم يصاب بيها لأنها بتخلي الواحد مستعد يسيب اي حاجه في حياته و يتخلي عن اي حاجه في حياته مهما بلغت أهميتها (بالتالي فالمستقبل الي محتاج تعب هو من اول الحجات الي سهل انو يتخلي عنها) وأنا فاكر فمره طلبت من واحد ساكن معايا فالمنطقة انو يوصلني بعربيتو عشان اجيب ورق التنسيق و مكنش فبالي ان الأخ كان ضارب حاجة...فضلنا ماشيين حتي صعدنا كبري اكتوبر و صاحبنا ماشي بسرعة (يشكر الراجل عايز يوصلني بسرعة) لكني فوجئت ان السرعة دي ناتجه عن عدم شعور و ده خت بالي منو لما كان في انحراف فالطريق ولقيت الأ بيدوس فرامل و بيحود و بيتهيئلي كنت درست حاجه فميكانيكا بتقول ان الجسم لما يميل مع السرعة بيحصل انحراف و لو بجزء بسيط و قد حصل و لئيت العربية بتتجه ناحية الرصيف (بالعرض)و مكنش ده الي اثار دهشتي اد مشوفت تعبيرات وش الأخ الي لقيتو بيبصلي و بيقولي بكل بلاهه و بيقولي هنخبط...ربنا ستر و عرف يلم العربيه قبل متخبط ,النقطه هنا هي ردة الفعل الغريبة الي لا يمكن تظهر من شخص في موقف زي ده...

ازاي تعرف الي قودامك محشش ولا لأ؟

هو مش شرط تكون عينيه حمرا نظراً لأن شبابنا ماشاء الله عليه بيعرف يسخر العلم لارادته و بيشتري قطره للعين (و أنا بحظر اي حد انو يستعمل قطره معليهاش ورقه عليها اسم المنتج و البينات) ..لكن الشيء الي بيكون ظاهر قوي بعد فترة الحشيش هو الجوع الشديد البييؤدي الي نهم للأكل بشك مريب دي بتكون أكتر لحظات السكون و الهدوء عند المحشش فهو مبيكونش عايز يكلم حد و لا حد يكلمو لأنه انقلم لحيوان الإشباع الرغبات(بالمناسبة يشيع ان الحشيش يحرك الشهوة الجنسية و يمكن ده صحيح لكنه بيؤدي الي العجز عن القيام بالنشاط الجنسي و بيسبب تشوه للجنين في حالة كانت الأم تتعاطي أو الأب)

 

ليه الحشيش انتشر في الوطن العربي بهذا الكم المفزع؟

الحقيقه انا في رأي ده بيرجع لأسباب سياسيه بحتة من الدرجه الأولي ,فمن الملاحظ ان عربيات الحكوم(البوكس) كانت تعبر امام المتعاطين دون اي ردة فعل والي انيل من كده ان احينا بيجي بعض امناء الشرطة و يصطبحو مع هؤلاء المتعاطين و أحيناً يقومون بعملية أستغلال للموقف(بيقلبو الشباب)مش ده المهم المهم انو في علم ان في انتشار من هذه البلاوي و لا حركة يمكن الأيام الاخيره شهدة البلاد بعض حالات الضبط بس ده بعد مابقيت هيصه ...هل لأن الحشيش بيخلي الناس نايمة فالعسل؟ ممكن....هل لأن ده بيهلك الشباب بيثير عندهم الرغبات و الشهوات ..ممكن قوي (و دي ضمن السيايه الخارجية علي ما أظن) مش مهم مين عايز ايه المهم ان احنا نفوق بسرعة من البلاوي دي...عشان ترجع البلاد الي العافيه بتاعتها تاني و انا لا اشك من ان حوادث الاغتصاب و التحرش و البلطجه معظمها تأتي من هذه السموم...

 

طيب انا هقول اسباب العلاج الي انا اعرفها مش شرط تكون كلها

أول حاجه:  الاستعانه بالله علي هذه المصيبه لأنك من غيره مش هتعرف تعمل حاجه و انا اعرف شباب شيفين انها مش مصيبه و لا حاجه لكن ده بيرجع للجهل التام لما تقوم تلك السموم بتدميره

 تاني حاجه و هي مهمة برضو جداً:  الابتعاد عن شلة الضرب ..,غير رقمك متخرجش معاهم.. الخ لأنك طول مانت معاهم عمرك مهتبطل

ثلاثه:الحشيش ده عاده قبل ميكو ادمان الزم نفسك بعاده تانيه مفيد تحل مكانه زي الرياضه ..الخ

اربعة:احرص علي مصادقة الناس المحترمة و انت اكيد هتتعلم منهم حجات مكنتش تتخيل انك تتعلمها و سيبك من الي بيزينلك ان الصيعاه شطاره و لازم تبقي راجل جامد و لسانك طويل و دايس فكل حاجه عشان الناس تحترمك

5: الثقافة و العلم عليكم بالثقالفة عشان نكون شباب واعي و فهمين ايه الي بيحصل حولينا لازم نتثقف و مش بس نكون عارفين اخر كليب و اخر فيلم و احدث حلقة..الخ

 

 

دي كانت مجرد مقدمة عن المخدرات و بالذات الحشيش ...اسف لجهابزة اللغة علي طريقة كتابتي بالعربيه الفصحي و العاميه معاً بس كنت بحاول اسهل اللغه علي القريء البسيط...و أرجو انكم تكونو استنفعتم بحاجه..

 

و السلام عليكم و رحمة الله و بركاته