سيد \ أحمد

 

طبعا ميمو صح بدليل رضوخ كل الناس له علشان كده واضح جدا أن أمين ده شخص رجعي و محبكها يعني بدون لزمة أيه يعني جنيه علشان أنا أو ضيوفي نخش بيتي

 

و لكن في تعليق صغير علي الحكاية أن شخصية ميمو دي كما وصفتها لا توجد الأن بالشكل ده أحنا في زمن التكنولوجيا و أساليب الأدارة المتقدمة يعني الناس الي مثل عم ميمو حاليا عملوا كارنيهات دخول و أشتراكات سنوية و كمان سمعت عن بوابات بتفتح توماتيكي للي معاه الكرنيه أشي خيال يا ناس يعني عم ميمو لا يقف الأن يجمع الغلة بنفسه لكنه يجلس مستريح في مكتب فاخر مكيف و حساب البنك عمال يعد في العالي لوحده و لا تعب و لا مشقة مش كده برضه و لا أيه

 

و بعدين يا سيد احمد البلد النهارده كلها ميمو و باقي الناس تامر صح و لا أيه هو يا راجل فيه بلد في العالم عندها قانون مثلا أسمه وضع اليد يعني واحد كده مثل عم ميمو يجيب شوية بلطجية أصدقائه و يقعدو في حتته أرض ملكية عامة أو حتي خاصة قوم أية تيجي الحكومة تعملهم حاجة أسمها تقنين و ضع اليد و تملكهم الأرض و كمان ممكن يسجلوها شهر عقاري قول يا باسط

 

و بعدين أنا فاكر الي أسمه أمين ده أيام الكلية كده من أكتر من عشرين سنة كان فيه واحد مسمى نفسه أديب الشباب بيكتب على حوائط المترو من يسبح معي ضد التيار  أهو عمال ياخد علي قفاه لحد الأن !!!!!!!!!!!!