أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

المستشار · 27/05/2010 10:04:46 AM

قديما كانوا يقولون فى التعبير عن الأهمال و اللأمبالاه " فلان مرمى زى الكلب محدش سال فيه" و يبدو أن المسئولين بجهاز مدينة الرحاب مقتنعين جدا بهذه المقولة طالما أن الموضوع الذى نتحدث فيه مرتبط بالكلاب .. و على الرغم من أن هناك بعض البوادر و التحركات الأيجابية التى نلاحظها فى العديد من المجالات داخل المدينة من بوابات و مصدات و طلاء للعمارات و حنتفه فى الزرع بالميادين تظل كلابنا مرميه زى الكلاب بلا عيادة بيطرية و بلا مكان مخصص لها للعب و التدريب و للتعارف بين مالكى الكلاب .. تظل الكلاب تلقى بفضلاتها و مخالفتها بالشوارع و الحدائق .. تظل المشاحنات و المشاجرات بين مالكى الكلاب و أمن المدينة و بين الملاك أنفسهم .. فهل يتحرك أحد يوصف بالشهامة و الشجاعة لعل معضلة الكلاب بمدينة الرحاب .. و سوف أحدثكم فى المرة القادمة عن أحدث صيحة أنتظرونى

soma · 27/05/2010 10:22:41 AM

دا مطلب ضروري جداااا

وانا متأكده انه هيحصل عن قريب لأني حضرت اكتر من محادثه تطالب ببيطرية في الرحاب

الحيوانات مخلوقات جميله تستحق الرحمه

تحياتي

النجم الثاقب · 29/05/2010 1:20:31 PM

كيف حال حضرتك قلت لحضرتك انا مستعدة تماما ان نذهب للجهاز لعمل اى شىء لحل هذا الموضوع اى نعم انا اخاف من الكلاب جدا وكانت قضيتى فى القطط لانهم اصغر حجما واقل شراسة ولكن هو ممكن حضرتك الله يبارك فيك تكتب مقال كبير فى هذا الموضوع ذى ما كتبت الموضوع بتاع استفتاء البوابات هما صحيح ردوا على حضرتك ولا لا؟ يا ريت تقولى وكمان يا ريت تكتب لنا شكوى او موضوع عن حل مشكلة الكلاب والقطط دى وانا معاك قلبا وقالبا وعندى استعداد لو عملت شكوى امضيها لك من نصف المدينة

المستشار · 30/05/2010 12:58:31 PM

الجهاز رد على جميع الأسئلة و انا فى الحقيقة سألت على حضرتك لأنك وعدتى اذ الجهاز رد ستكونى من الشاكرين المهللين !! .. اما اذا كان القطط و الكلاب حيبقوا أصحاب فمعنديش اى مانع اانى اشارك فى أى شئ يصب فى الأتجاهه الأيجابى للموضوع

النجم الثاقب · 30/05/2010 5:26:11 PM

انا قرات رد الجهاز على حضرتك بس كنت عايزه اعرف هو داه جواب حضرتك قدمته للجهاز بنفسك ولا بقى فى كونتاكت بين الموقع وبين الجهاز ؟ هذا اولا- ثانيا- حضرتك اعطيتنا امل ان الجهاز هيتعامل معنا باسلوب مختلف عن الماضى لان انا بصراحة جديدة خالص فى الموقع ولكن اللى قريته بين السكان والجهاز حسسنى ان لا حياه لمن تنادى اى نعم انا برده ليه تجربة اللى حضرتك عارفها بتاعت لما روحنا الجهاز وطلبنا منهم يبطلوا تسميم القطط وبرده مفيش فائدة. فلعل دى بداية جديدة ان شاء الله وانا اثق فى الله قبل اى حد ان الله لا يضيع اجر المحسنين وربنا يعلم ان الواحد عايز يعيش فى سلام لا شىء غير ذلك واشكرك بشدة على انك الوحيد الذى سألت عنى ربنى يكرمك ونا شاكره مهلله لك وللجهاز بس انا طبعا مش عاجبنى موضوع الرسوم البسيطة اللى هما حطينها وحاجات كثيره مش عاجبانى بس المهم عندى الان قتل الارواح البريئة دى هل عند حضرتك استعداد ان نبدا العمل فى ايجاد حلول لمشكلتى وهى التسميم ومشكلتك اللى هى انك مش لاقى مكان مخصص لرعاية الكلاب بتاعت حضرتك ايه رايك تكتب مذكره مش عارفة ولا شكوى ولا ايه رايك نطالب بعمل جمعية للرفق بالحيوان مثلا انا مش عارفة ورجاء التشاور فى هذا الامر وعلى فكرة القطط والكلاب عمرهم ما هيبقوا صحاب لانى شوفت مرتين كلب يهاجم قطة بمنتهى الشراسة وكانت قصة كبيره ولكن لو المفهوم الثانى اننا ندافع عن الاثنين معا ولا انحاز للقطط فقط فانا مع الحق اينما وقع بغض النظر عن اى اعتبارات منتظره الرد