أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

madymoody2005 · 26/04/2011 8:03:03 AM

الحقيقة لااعرف ماقول على كم الاسفاف الذى سمعته امس يوم شم النسيم الساعة الثالثة من بعض مدعى الطرب فى نادى الرحاب واين كانت الادارة او ممثليها ذهبت باولادى لقضاء بعض الوقت بالنادى امس وكنا نجلس عند منطقة الاطفال المجاورة لمبنى الادارة والاشتراكات وكان هناك حفل يقام عند المسرح الرومانى وعند الساعة الثالثة ظهرا ترامت الى اسماعنا اشياء عجيبة والفاظ غريبة لايصح ان تقال فى نادى الرحاب اطلاقا ولا حتى يصح ان تقال فى منطقة شعبية الحقيقة ان هذه الالفاظ لايصح ان تقال اطلاقا لااعرف كيف سمح بها لدرجة ان الدم غلى فى عروقى واخذت اولادى وزوجتى وانصرفت غاضبا من النادى وكنت انوى ان اذهب الى الحفل واكلم اى احد ولكن انصرفت حتى لايقول احد محبى هذا السفه ان السلفيين وراء هذا واليكم الالفاظ العجيبة

انا بحب اشرب بيرة وبحب البنات وبعد شوية بحب النسوان والناس كلها بلونات

وظل يكرر هذا السفه والحقيقة لااعرف موقف الحاضرين امامه هل كانوا منسجمين وهذه مصيبة ام اعترضوا لااعرف ياسادة يامديرى النادى ماهذا السفه ليس عندنا اعتراض اطلاقا على اى حفل فى اى مناسبة لكن ان ننحدر الى هذا السفه ماذا اقول لزوجتى واولادى ماهذه المهزلة

madymoody2005 · 26/04/2011 8:04:36 AM

ومن مفارقات حفلات شم النسيم أن حفل المطرب الشعبي سعد الصغير والمطربين الشابين محمد عدوية ومحمد قماح الذي كان من المقرر أن يقام يوم شم النسيم بنادي الرحاب أثار أزمة كبيرة بين أعضاء النادي ومسؤوليه، حيث رفض الأعضاء أن يكون هؤلاء هم نجوم حفل شم النسيم بناد راق مثل الرحاب، فهم لا يستمعون إلى مثل هذه الأغاني الهابطة، كما أكدوا في بيانهم الذي أصدروه تنظيم وقفة احتجاجية أمام النادي اعتراضًا على هؤلاء المطربين.

المستشار · 26/04/2011 10:25:44 AM

ولكن لماذا انت منفعل ياصديقى .. بالامس كنا نتحدث عن الاسعار المغالى فيها جدا داخل نادى الرحاب .. و مطعم اسبكترا لايوجد فيه موضع لقدم !!!! .. الحدائق و الخدمات اصبحت حديث الساعة و لاأحد يشكو .. .. بين الحين والحين نسمع حديث عن وقفات احتجاجية و لانرى شيئا..هم مطمئنون جدا لآن الاغلبية الصامته لاتتحرك .. هى فقط تكتفى بالمشاهدة .. اخيرا اخاف عليك لآن مدير عام النادى سبق فاعلن انه اللى مش عاجبه النادى يرحل !!!!

moody · 26/04/2011 10:46:20 AM

شىء مؤسف فعلا

لن أقول أن السبب هو قلة الدين و لكنى أقول إنها

قلة حيا

أتمنى من الله أن يتغير الوضع بعد الثورة و أن يتولى الإعلام

من لديه بعض الحياء من الله و من الناس

و أن يمنع هؤلاء العاهرين و العاهرات من الظهور فى كافة وسائل الإعلام

فغير مقبول أن يروج لهؤلاء باسم الفن

فلولا الإعلام ما تم دعوة هؤلاء بين أولادنا و بناتنا

إذا لم تخش عاقبـة الليالـي ولم تستحي فاصنع ما تشاء
فلا والله ما في العيش خيـر ولا الدنيا ، إذا ذهب الحياء
يعيش المرء ما استحيا بخير ويبقى العود ما بقي اللحـاء

madymoody2005 · 26/04/2011 10:59:20 AM

عارف ياسيادة المستشار لو مدير النادى يوافق يرجعلى الفلوس اللى انا دفعتها للنادى انا موافق وهارحل لو هو المستوى والنظام كده وبعدين الناس منظمة الحفل كان كل شوية يروحوا على البوابات ويدخلوا ناس غريبة وكل شوية واحد فيهم يمر من امامنا وعمال يتكلم فى المحمول ويقول الفاظ غريبة ويقول كفاية كده لحد عمال يبعتله ناس الظاهر كان فيه رحلة منظمة لنادى الرحاب امس واحنا ماخدناش بالنا والناس اللى دخلها عماله تلف فى النادى وتبص علينا كانها جاية تتفرج على الهرم او خان الخليلى مش كفاية المناظر اللى كانت مالية الفود كورت كمان اتنقلت جو النادى خسارة

Aly Sharaf · 26/04/2011 12:57:36 PM

Dear MUSTASHAR:

Dear Mstashar: ( I raely have a hard time understanding your intentions. )

One time you critisize the JEHAZ and its policies and another time you critisize those honorable people by wrongly charging them for collecting 200000 EGP for ITEHAD EL SHAGHLEEN and try to get their units registered...etc. This is an ideal example of what we call the two faces people who change colores and opinion to go with the flow.

If you are realy truthful, then go ahead and lead a stand in front of the REHAB CLUB asking for a change. Whatever happened with the letter of demands which you forwarded to the director of the club. Did he ever answer you?. .You are trying to taste the poison with other people's tongues.

By the way we were able to get the SHAHR EL AKARY LOTUS STAMPS ON OUR FORMS which you claimed that we will never be able to obtain. We showed it to everyone during our last Rehabowners Group meeting. We will be vectorious in all of our court cases, HERASA, HESABAT and REGISTERATION... IN- SHAA ALLAH.

Dr. Aly Sharaf

ahmed yahia · 26/04/2011 1:22:44 PM

عزيزى اخذك لزوجتك واطفالك ومغادرة المكان هذا هو الذى لا يصح !!!فلابد ان تعترض لان هذا مكانك ايضا وانت تريدالخير فاكيد باعتراضك سوف يؤيدك كثيرون من حولك

madymoody2005 · 27/04/2011 9:35:53 AM

اتصلت حالا بالمسئول عن تنظيم الحفلات بالنادى ومن الواضح ان كل الناس مبسوطة وانا اول شكوى توصل من اللى حصل طبعا تحاورت مع المسئول وابدى تفهمه بانه لن يكون هناك مثل هذا الخروج عن النص مرة اخرى وايضا سوف اتصل بعد قليل بمسئول الامن فى النادى لسؤاله عن الاشخاص الغريبة اللى كانت تملاء جنبات النادى والرحلات المنظمة لنادى الرحاب وادينا بنحاول نعمل الصح وياريت كل واحد يحاول من جانبه

soma · 27/04/2011 1:07:48 PM

الحمدلله انا كنت خارج القاهرة .. لكن شيء مؤسف ان دا يكون المستوى .. وطبعا مش لازم نسكت على كده اعتراضنا هيخليهم ياخدو بالهم المرة الجاية ...

كل شم نسيم وانتم طيبين

madymoody2005 · 27/04/2011 1:55:53 PM

لسه مكلم احد مسئولى امن النادى من شوية شارحا له وجود الكثير من الاشكال الغريبة فى النادى يوم شم النسيم وكذلك تسلل عناصر اخرى ودخولها النادى يعنى اكثر من نصف النادى فى اليوم ده كانوا من خارج النادى افاد بانه يوجد شبه بروتكول ان كل مطرب ممكن يدخل 50 فرد وبما ان كان هناك حوالى 4 مطربين مغمورين اشهرهم محمد عدوية يعنى ياقلبى لاتحزن فمعروف مستوى ال200 مدعو اصدقاء هؤلاء المطربين الدرجة الثالثة زى المثل البلدى مابيقول كل شيله يشبهله ومن الواضح ان اليوم ده كان فيه اكثر من 200 واحد مش من النادى وحاجة مشرفة الحقيقة لدرجة ان مشرف الامن اللى كلمته وبلغته يوصل الرسالة للسيد مدير امن النادى قاللى ان احنا كامن عانينا الامرين من هؤلاء وكنا نلازمهم كظلهم ونراقبهم جيدا طيب وعلى ايه يبقى الاستاذة المسئولة عن تنظيم الحفلات يتتعاقد مع ناس كويسة او بدل 4 مطربين اى كلام يكون مطرب واحد او مطربة جيدة والباقى فقرات للاطفال ومسابقات يكون افضل واوفر وانظف لان الهدف الاساسى من الحفل اسعاد اطفالنا وليس اسعاد السادة اصحاب المطربين

الصراحة ياجماعة انا مفقوع حسيت يوم الاتنين انى فى محطة مصر اول مرة ابقى فى النادى وخايف على اولادى كده

soma · 27/04/2011 1:59:30 PM

هههههههههههههههه محطة مصر ؟؟ حلوة .. ربنا يكرمك والله على متابعتك لولا اني ماشفتش حاجه كنت شاركتك في الأتصال بالمسئولين ..