ده طلب والا تحدي ياليلي؟؟؟؟؟

لازم نعرف الأول ايه اللي تعرفيه في طبخ الفراخ عشان نقول اللي ماتعرفيهوش

والا ممكن كل حاجه تقولي  هههه عارفاها!!!!!!!

تحياتي

 والله يا سومة لما قريت معظم الحاجات اللي انت كتباها حسيت انك مبدعة وقلت ألجألك

أما اللي أنا أعرفه بصراحة كتير قوي لأني أهوى الأكل الصيني والايطالي والهندي وطبعا المصري واللبناني لكن زهقت من كل دة وحقيقي لو حد جابلي حاجة جديدة هابقى ممتنة جداجدا لأني بقيت عيلتي ممنوعة من أكل اللحوم وأنا بالتالي باطنش

طيب دانتي قاموس طبخ متحرك ياليلي

على العموم شكلك ماتعرفيش الأكل السعودي دي ياستي أكله حلوة بالفراخ على أساس انها كبسه يعني بس حصل لها تمصير... يارب تعجبك.

المقادير :

فرخة كاملة   -   4 كوب أرز بسمتي   -   بصلة كبيرة مبشورة - جزرة مبشورة توابل وملح وفلفل 

(تسلق الفرخه في ماء كافي به بصلة و البهارات التالية: 5 حبهان 4 قرنفل قطعة قرفه ستيك - حبة مستكة-ورقتين لورا)  نرفع الفرخة بعد تسويتها من الشوربة وتقطع أجزاء حسب الرغبة وتوضع في صحن

يغسل الأرز بالماء ثم يوضع في كمية مناسبة من شوربة الفرخة ليتم تسويته

  تحمر بصله كبيرة في زيت ويوضع عليها نصف كوب صلصة طماطم وتسبك جيدا وتتبل بالملح والفلفل والكمون وقليل من الكركم والكسبرة وجوزة الطيب

تخلط قطع الدجاج بالصلصة المسبكة وترص في صينية وتحمر في الفرن

تحمص مكسرات لوز وصنوبر وزبيب مع رشة قرفة

يحضر طبق التقديم

يوضع الأرو أولا ثم يجمل بالمكسرات

ويرص على وجهه الدجاج المحمر

وبالهنا والشفا

 مش باقولك مبدعة .. مع اني عارفة الكبسة بس حركة الطماطم أو الصلصة دي جديدةوهأولك بقة علىسلطة جميلة

حمص مسلوق +طماطم مقطعة كاريه+باذجان مقطع كاريه صغير ومقلي في الزيت يخلطوا الجميع مع ملح وفلفل وليمون وثوم مفري مع الاهتمام ان الباذنجان ميتعجنش ثم يوضع فوقهم زبادي بالنعناع بدون تقليب يعني على الوجه ثم عيش لبناني كاريه برضه محمر على الوجه ساعة التقديم فورا دوقيها وقوليلي رأيك 

 مش هزار بجد انا كنت فاتح مطعم وابتكرتها

دى زى تشكن رول

لكن تتبل بالقرفة وصوص البصل المخفوق بالفلفل والكركم وتتبل بها لمدة 24 ساعة وبداخلها جبن مطبوخ بالكسبرة او حسب الرغبة باضافة الحشو المخصوص

قطع طماطم+بقدونس+جبن شيدر او جودة او موتزيريلا+بعض البهارات

جربى يمكن تعجبك

 

 مرسيه على الاهتمام لكن بجد عايزة شرح أكثر لأنها فعلا استهوتني

مع الشكر

 

الصلصة:

2 ملعقة أكل عصير ليمون
¼ ملعقة صغيرة سكر
1 ملعقة أكل زيت زيتون
2 ملعقة أكل روب
ملح

الطريقة:

-يقطع التوست على شكل وردات ويحمص في الفرن.
-يتبل الدجاج بالملح،الفلفل الأسود والخل ثم يشوى في الفرن حتى ينضج، يترك حتى يبرد ثم يقطع شرائح طولية.
-تخلط الخضار جميعها مع شرائح الدجاج.
-تحضر الصلصة وذلك بخلطة جميع مقاديرها، ثم تسكب على السلطة وتقدم مع التوست المحمص بطبق مزين بالخس.

 

هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 640x480 وحجمها 150 كيلو بايت .

 أنا لسة مجربتهاش بس نقلتها علشان اعملها ومرسيه على مجهودك .. بس سؤال .. انت اللي مصورة شغلك؟؟؟

يعني عملتلنا ديمو؟؟

 

 السلام عليكم

انا كنت مصوراها من فترة طويلة وكنت بعتاها لعروسة جديدة فى العيلة وطبعا استاذة مطبخ  زى كل العرايس الجداد

يا ريت يا جماعة اللى عنده نوع جديد من الاكل يكتب لى طريقته او حتى نوع قديم لانى عروسة جديدة و محتاجة اعرف جميع طرق الاكلات لانى من الاخر كده لا اعرف غير الارز و صينينة البطاطس فى الفرن و الحمد لله كده رضا .هههههههههههههه