بس أعباء البيت بقة نسيبها فين - والمسؤولية نركنها إزاي ؟؟ أنا باحس ان الواحد المشغول بحاجة بيشيلها معاه في كل حتة حتى وهو نايم

والله عندك حق كل واحد فينا ماشى وشايل اعبائه معاه فى كل حتة لما بقت حمل الجبال هى ممكن تكون بسيطة فعلا بس من كتر حملها اصبحت ثقيلة علينا جدا

السلام عليكم

اشكركم علي ردكم الجميل

بس انا ليا رأي

انا شايفه ان احنا اللي بنعمل كدا في نفسنا

بندٍي كل حاجه في حياتنا حجم اكبر من حجمها

مفيش حاجه صعبه ومفيش حاجه مستحيله ومفيش مشكله مالهاش حل

انا متأكده ان لو اي حد فينا عايز يعمل حاجه وحطها في دماغه هيعملها مهما ان كانت 

احنا اللي بنصعب كل حاجه علي نفسنا

واحنا بردو اللي بايدينا نخليه سهل وجميل

جربوا كدا تتحدوا نفسكوا انكم تقدروا تعمله كدا

وربنا يوفق الجميع ان شاء الله

 

لا اله الا انت سبحانك اني كنت من الظالمين 

 كلامك أكيد صح - والحمد لله الواحد بيحط الأهداف قدامه وربنا بيوفقه ودة كرم كبير من ربنا - والواحد واثق قوي في وقفة ربنا معاه - بس خلال رحلة التحقيق نفسها الواحد بيحس بجبل على كتفه - تخيلي كان عندي ألم فظيع في ظهري ورحت للدكتور وعملنا أشعة ملقيناش حاجة ورحت لمتخصص في الطب البديل (الهوميوبوثي ) وطلع الألم دة نفسي من كتر المسؤولية اللي الواحد شايلها يعني التعب مش نفسي بس بل بيتحول الى جسدي برضه- يا ريت نقدر نوقف مخنا ونعيش هبل-الهبل مرتاحين

الف سلامه عليكي يا لي لي

اسال الله ان يشفيكي و ان يزيل عنك الهم والحزن

نشكركم على هذه المشاركه ، ولكن لي سؤال : هل نستطيع نسيان ماضينا وحاضرنا ومستقبلنا ؟؟؟

إن الكأس لثقيل حملها ، وان فكرنا في تجرع ما بداخلها وجدنا مرارة لا يمحوها نسيان ، فأنا لنا أن ننسى همومنا ، ولقد اصبحت شغلنا الشاغل ، فبمجرد أن يمر الإنسان من أزمة او حمل ثقيل يجد نفسه وقد وقع تحت أرجل حمل آخر ، عفواً لقد صارت الهموم والمشاكل والمشاغل هي نسيج دائم من احساسينا وأجسادنا ، فمن مر من صعوبة التحمل بالاحساس ، وجد نفسه فريسه لمحنة الجسد ، فكيف النسيان او ترك الهموم خارج الباب ؟

إن الإنسان ليجد نفسه عند باب منزله يجاهد نفسه لكي يدخل المنزل ، فإذ بالهموم تطرحه ارضاً لكي تسبقه هو إلى داخل المنزل ، فإنها لقرين لا يفارق الإنسان في صحوته او نومه .

ما علينا ،،، المهم في كل ذلك أن لا ينسى الإنسان ربه ، ويقول إنا لله وإنا إليه راجعون فإنها تخفف الكثير والكثير ، وربنا هو الكريم في تخفيف ما نحن فيه .

وشكرا لكم جميعا وأزاح الله عنا وعنكم هموم ومصائب الدنيا وغفر لنا الله بهمومنا تلك ، ذنوبنا وخطيانا !!!!

                                                                                                      آمين يا رب العالمين .