أنا أسف أطلب التوضيح على إستفساراتى وشكرا 

اولا هذه الفكرة جيدة ولكنها تحتاج لبعض التعديلات من وجهة نظر احد المستهلكين وهو انا

ثانيا الاختلاف فى الراى لايفسد للود قضية

ثالثا انا لم اتسلم شقتى فى الرحاب الى الان ولكن عند الاستلام اتمنى ان تطبق هذه الفكرة ولكن ببعض التعديلات

فى المنطقة التى اسكن بها تتم فكرة توصيل الطلبات الى المنازل فى كل شىء من اول الخبز الى اللحوم الى السوبر ماركت الى الادوية الى اللحوم والمكواة وطبعا كل محل من اللى بيعمل كدا مش طمعا فى التقدم والتحسن لا طبعا بيعمل كده علشان رضا الزبون وعلشان المبيعات تزيد وربحه يزيد واهو الشخص القائم بالتوصيل بياخد تبس من الزبون والتقدير طبعا يعود الى المستهلك الذى يعطى التبس للشخص القائم بالتوصيل وكل مالشخص القائم بالتوصيل كان اصغر سنا كان قيمة التوصيل اقل وهكذا وعلشان المبلغ اللى بيطلع قليل ماحدش بيحس بيه اهو فكة لكن انته هاتدى احساس ان مبلغ 30 جنيه مرة واحدة كتير لانها لو اتحسبت كده وهاجيب كل حاجتى كده هلاقى نفسى هادفع اخر الشهر يجى 150 جنيه او اكثر لبند التوصيل فقط وده كتير مع الغلاء خلينا نقسم الموضوع لشقين انته عامل الموضوع ده طبعا علشان مبيعاتك تزيد وربحك يزيد ولا انا غلطان ثانيا واضح كمان انك عاوز تكسب من بند التوصيل بمعنى انك عاوز تكسب مكسب مزدوج من زيادة المبيعات ومن التوصيل فى رسالة انته ارسلتها قبل كده قلت ان التوصيل هايكون ب30 جنيه والحد الادنى علشان الخدمة تبداء لازم الحد الادنى 100 شخص يعنى لو تم الحساب بالورقة والقلم هانقول ان الموضوع هايدخل 3000 جنيه والشخص اللى هايقوم بالتوصيل عمر ماهيكون اجره اكثر من 500 جنيه بالشهرلانه مش هايكون راكب عربية بالبنزين هايكون راكب عجلة بس كويسة شوية الا لو قمنا بجلب دكتور او مهندس لتوصيل الخبز مع الاعتذار لكل السادة الدكاترة والمهندسين اللى انا واحد منهم علشان كده الموضوع يحتاج قليلا من المراجعة هل انته عامل الموضوع لزيادة المبيعات فقط وزيادة ربحك عن طريق المبيعات ولا عامله علشان زيادة الربح عن طريق مزدوج المبيعات والتوصيل طبعا ربنا يباركلك فى رزقك وانا مقدر ان ايجار المحلات او حتى سعرها فى الرحاب مبالغ فيه وانك عاوز تعوض الموضوع ده لكن اتوقع ان الغالبية العظمى من سكان الرحاب ليست بالغنى الفاحش الذى يتوقعه الناس يبقى اتوقع ان الاجر يكون فى حدود من 5جنيهات الى 10 جنيهات بالشهر وده هايكون كافى لاجر القائم بالتوصيل وانته كسبت زيادة المبيعات واتمنى الا يكون ردى سبب لك ضيقا او ازعاجا انما اردت ان اوضح موقفى والاختلاف فى الراى لايفسد للود قضية 

 أولا انا مع أراء الأخوة ... الحقيقة لا يوجد مايشجع في الموضوع

طيب مانا بطلب العيش عادي بالتليفون وبادفع جنية للتوصيل ... فين الخدمة المميزة في اقتراحك!!!!

كان زمان راتب العيش هو اللي بالشهر بدون أي تكلفة لخدمة التوصيل

يعني صاحب المخبز يبعت العيش بشكل يومي وماياخدشي تمنه غير آخر الشهر

لكن حضرتك عاوز الخدمة مقدما ... مش غريبه شوية

على العموم كويس انك عرضت الأمر الأول في المنتدى حتى تأخذ رأي الجماعة

وبرضه عاوزين نعرف وجهة نظرك

تحياتي