انا احب اسال السادة الاعضاء مشتركى نادى الرحاب لانى حاجز من غير النادى على مستوى النادى هل هو مستواه جيد يعنى انا مشترك والحمد لله فى النادى الاهلى وبروح دائما فرع مدينة نصر واولادى والحمد لله مشتركين فى انشطة سباحة وكاراتيه وخلافه والحمد لله النادى الاهلى مستواه ممتاز تنظيما ونظافة واخلاقا والواحد بيحس انه فى بيته وعلى راحته ومبسوط ولكن الواحد لما ينقل الرحاب ان شاء الله نادى الرحاب هايكون بجوار البيت وده افضل طبعا من المواصلات ووجع الدماغ بتاع المواصلات والسواقة اللى كلنا بنعانى منه وعارفينه كويس جدا فهل ياترى نادى الرحاب يستهال اللى هايدفع فيه ولا مستواه مش قوى طبعا مش بتكلم على مستوى الناس انا بتكلم عن مستوى النادى من النظافة والنظام والانشطة والحدائق ورعاية الاعضاء وبرضه كمان عن مستوى الاخلاق يعنى النادى الاهلى مش مسموح فيه باى سلوك خارج او مشين من الشباب فهل ياترى نادى الرحاب كده ولا الحبل متروك على الغارب لان الواحد عاوز يحافظ على اولاده ويبعدهم عن اى سلوك غير مرضى فارجو السادة الاعضاء مشتركى نادى الرحاب يدونى رايهم وياحبذا لو فيه مشتركين فى النادى الاهلى او نوادى اخرى ويكونوا مشتركين فى نادى الرحاب هيكون رايهم اكثر افادة واشكركم جميعا لطالما افادتنى ارائكم