اغلاق اى محل لتناول الشيشة حفاظا على البيئه والمدينه ومنعا لحضور البلطجيه

yasogin · 02/03/2009 6:19:25 PM

السادة الافاضل سكان الرحاب

سرتنى جدا هذه المناقشات الهامة على منتدى رحابى و غيرة البعض الشديدة على مدينتا الجميلة مثل الدكتور اشرف فهمى او الاستاذ ابراهيم سرى و حرصهم و الاخرون على فكرة المدينة المثالية التى كنا نتمنى جميعا ان نصل اليها الا ان السادة فى جهاز المدينة و الذى كان من المفروض ان يحرصوا على هذه الفكرة غير ان الفساد و الجشع اعمى عيونهم.

اكتب اليكم على امل ان تشارك جميعا فى وقف هذه الفساد و اوله مصاريف الصيانة التى و بالرغم مما كتبه الكثيرون من السكان عن المغالاة فيها و عن الخدمات المعدومة التى ندفع مقابل لها الا انه فاض الكيل هذا العام، فقد وصلتنى ورقة الجباية تطالبنى (على سبيل المثال)بدفع اكثر من 600 جنيه مصاريف انارة عامة و مياه رى الحدائق و لما اخذت نفسى الى مقر الجهاز للإستفسار اذا كان هناك خطأ لأن الزيادة فى هذا البند وحده اكثر من 200 جنيه عن العام الماضى، فؤجت بان المبلغ صحيح .

يا سادة انا اسكن فى عمارة من 10 شقق فإذا كانت الحسبة صحيحة، فالمفروض ان العمارة تدفع اكثر من 6000 جنيه و اذا كان هناك 12 عمارة فى المتوسط فى المجموعة فإن المجموعة تدفع ما يزيد عن 72 الف حنيه، ليه بقى هما بيرشوا الجناين بيبسى ولا من كتر الانارة. المفترض منطقيا ان مصاريف الانارة تقل كلما زادت اعداد الوحدات فى المدينة و طبعا العدد بيزيد كل يوم و الاشغال على ودنه.

و طبعا لن اكرر كلام الدكتور اشرف عن بند المصاريف الذى يذهب لمرتبات البهوات اياهم، و بالمناسبة، حد خد باله من السيارات البيجو الفارهة الحديثة جدا و المخصصة للامن ولا تعليق

واضح انه مافيش فايدة و لازم حل قاطع و اقترح اننا نضع هذه التصرفات امام الرأى العام فى الجرائد و هو الاحل الاوحد فى رأيى لكى تسمعنا ادارة المدينة لأن زى ما حضراتكم عارفين انهم مش فاضيين و الموقع مشغول و زحمة.

اقترح ان نجمع من بعضنا مبلغ ننشر به اعلان فى احد الجرائد عبارة عن تساؤلات من سكان الرحاب للسادة فى الشركة و اعتقد ان هذا الاعلان سوف يفى بالغرض لأن السوق واقع اصلا و مش ناقصين كمان دعاية مضادة
و اقترح ان يتولى مسؤلى رحابى تنفيذ هذه الفكرة اذا لاقت القبول

مع خالص الشكر و تمنياتى بعيشة هنية

د ياسر جنيد

tamer438 · 02/03/2009 8:20:44 PM

استاذي العزيز

انا ساكن في الرحاب من 7 سنوات ومعاك ان مصاريف الصيانة لا نعلم بتفاصيلها بمعني أنه مش معقول هنطلب من الجهاز إطلاعنا علي الميزانية يبقي مش هنخلص طالما رضينا بالموضوع من اساسه ومعتمدين علي ضمائرهم وذمتهم من البداية بس تعالي نحسبها بالعقل لو افترضنا ان الفاتورة السنوية مع هضرتك ب600 جنيه في السنة وحسبت لو ساكن بشقة في اي مكان تاني كنت هتدفع ضعف المبلغ في السنة علشان راتب البواب ومسح السلالم وجمع القمامة وتخرج من البيت تلاقي الشارع زبالة اسف علي التعبير وترجع من شغلك متلاقيش مكان لسيارتك بس الفرق واضح والنظافة واضحة والامن موجود والحدائق فعلا فيها اهتمام وانت ساكن في الرحاب وكل الاعضاءعلي علم بالفرق يبقي نظريا وحسابيا اعتقد بأن الرسوم الثانوية معقولة ولو حبينا نعرف حسابات الصيانة ماشية ازاي هنلاقي العملية معقدة شوية نظرا لإختلاف مساحات الشقق والفيلات ونظرا لمبلغ الوديعة وأرباحه ومن وجهه نظري ان الموضوع لازم يتحل داخليا مع الجهاز في حالة اكتشاف اي تقصير او اخطاء لأن إعلانات الجرائد الرسمية هتشوهه سمعة المدينة .

ابن عثمان · 02/03/2009 9:35:32 PM

الجماعة بتوع الجهاز قالوا أكتر من مرة، اللي عايز يعرف التفاصيل يشرفنا في الجهاز ونقعده مع المراقب المالي يشوف كل اللي هو عايزه، وقالوا إن الميزانية بتتنشر سنوياً في جريدة - مش فاكر- المصري اليوم ولا إيه، يعني هما من ناحية المبدأ ما عندهومش مانع حد يراجع وراهم، ودي الحقيقة الشفافية المنتظرة من مؤسسة كبيرة زيهم.

طب فين المشكلة؟

ليه ما ينشروش الميزانية دي على الموقع بتاعهم بحيث تكون متاحة طول الوقت للي عايز؟ ليه بتنزل مرة واحدة في السنة في الجرنان وخلاص؟

على فكرة، السنة اللي فاتت نشروا طريقة حساب مصاريف الصيانة على موقع رحابي (انظر قسم أنت تسأل وجهاز المدينة يجيب، رابط الموضوع أهو:

http://www.rehaby.net/forum_view_topic.php?id=577&cat=7&subcat=35)

وطبعاً يشكروا على كدا

المشكلة إنهم ما ردوش على أسئلة الناس اللي توالت بعد النشر دا

كمان نقطة إن الرحاب أفضل من بقية أحياء القاهرة، دي نقطة ما حدش يقدر يجادل فيها، بس مش معنى كدة إننا نقول خلاص، ألف حمد وشكر ليك يا رب ع النعمة اللي احنا فيها، ونبوس إيدينا وش وضهر، وطالما بياخدوا مننا أقل من اللي بيندفع برة يبقى ما نفتحش بقنا ..

الحقيقة .. دا مش منطق

مش المفروض إننا نبقى أحسن الوحش

الرحاب لازم تبقى رائدة في كل حاجة، زي ما هي المفروض إنها رؤية جديدة للحياة في مصر، يبقى برضه تكون رؤية جديدة في الشفافية ومقاومة الفساد وأمراض العشوائية اللي ضربت بقية أحياء القاهرة.

يعني مش لإن البلد كلها بقت حرامية، يبقى أسمح لنفسي إني أبقى حرامي أنا كمان زيهم، وأقول أنا أحسن من غيري عشان بأسرق أقل منهم شوية.

وأرجو ما حدش يقولني كلام ما قلتوش، أنا بأدي مثال بس،

مش لإن الناس بقت وحشة، أبقى أنا كمان وحش زيهم

اللي بيحصل في الأحياء اللي برة مش صح، عشان نعتبره دليل أو مقياس ونمشي عليه

atefalassraj · 04/03/2009 9:30:39 PM

انا ساكن فى شقة دور ارضى مساحتها 80 متر2 بحديقة مساحتها 60 م2 بالمجموعه لخامسه

فاتورةالصيانه السنويه اللى وصلتنى ااخيرا قيمتها 950 جنيه اى بمعدل 80 جنيه شهريا هذا غير العائد من وديعة الصيانه

هل هذا مبلغ معقول لمثل مساحة هذه الوحده؟؟؟؟؟

!!!!!!!!

هذه المبالغ مبالغ فيها جدا بكل المقاييس

harafa · 08/03/2009 6:32:50 AM

طيب إذا كان الجهاز معندوش مانع إن السكان يراجعوا المزانية أيه رأيكم ندعو الخبراء الماليين و المحاسبين من السكان بناء على معايير محددة مثل سنوات الخبرة مثلا ويقوم هذا الفريق بمراجعة الميزانية ومناقشة المراجع القانونى للجهاز ومن ثم يتم نشر هذه النتيجة على الموقع.

وبهذا يكون الحكم على أساس علمى لأنه مع إحترامى لكل التعليقات فهى ليست مبنية على دراسة وافية ولايوجد مرجعية للمقارنة بها (مدينة أخرى مثل الرحاب مثلا)

وأنا على أتم إستعداد إذا لم نجد متطوعين أن أشارك فى تكلفة تعيين مراجع مالى لهذه المهمة.

وبعد ماتسفر عنه هذه الدراسة وبناء على النتيجة يمكن تحديد البدائل التى قد يكون منها إقتراح الإعلان فى حالة وجود مخالفات واضحة.

أما عن الجهاز فأعتقد أنه لن يعترض وإلا وضع نفسه فى مأزق

yasogin · 09/03/2009 1:29:45 PM

الاخ الفاضل الاستاذ هيثم و الاخوة الاعزاء الرحابيون

اتفق مع حضرتك يا استاذ هيثم فى اقتراحك بس تفتكر حضرتك ان الجهاز هايوافق اشك فى ذلك لإنهم كما تعرف لا يهتموا بنا السكان.

و كمان اتفق مع حضرتك انه لا يوجد دراسة وافية لأى مقترح بس انا اخدت الموضوع من منطلق الارقام اللى عندى مع العلم انى غير متخصص بالمحاسبة بس فعلا الارقام استفذتنى جدا

و اسمحوا لى اشاركم في هذه الارقام و لو فى حد يجابونى و يعطنى اجابة منطقية اكون من الشاكريين.

و الارقام التالية هى مصاريف بند المياه و الكهرباء العامة لشقتى ال 136 متر ( مياه الرى و انارة المدينة) و لن اتحدث فى بند المستلزمات و تكلفة العمالة

عام 2004 : التكلفة 369.27

عام 2005: 407.36

عام 2006: 414.16

عام 2007: 462.36

عام 2008: 474.60

عام 2009: 602.12

يعنى بقدرة قادر مصاريف مياه الرى و الانارة نطت تقريبا 100% خلال خمس سنوات مع تسليمى بأن الحكومة الرشيدة زودت اسعار الكهرباء بس المفروض- و حسب شرح الاستاذ فى الجهاز ان مصاريف الكهرباء توزع على كل الوحدات فى المدينة- ان اسعار الكهرباء بالنسبة للوحدة لا تتأثر لأنهم مش بيحطوا اعمدة انارة بعدد الشقق التى زادت كتيييير جدا فى خلال السنوات الخمس الماضية.

و كمان المسطحات الخضراء الجديدة لا اعتقد انها تروى بمياه معدنية مثلا و بلاش نقول بيبسى

و لما اقترحت اننا نسأل الجهاز من خلال الجرائد فكان القصد عدم التشهير و لكنى اعتقد انه الحل الوحيد نظرا لأن الجهاز لا برد على اسئلة السكان

دى وحهة نظرى و ارجو ان نتكاتف جميعا فى وضع حلول للمشاكل التى لا يجب ان نسكت عنها

رحاب سعيدة دائما ان شاء الله

د. ياسر جنيد

lily · 12/03/2009 9:58:26 AM

فكرة النشر فعلا فكرة كويسة، بس ليه الكل عايز إدارة الموقع هي اللي تتحرك؟ ليه احنا وحضرتك ما نتولاش

الموضوع دا بنفسنا؟ على فكرة أنا عملته قبل كدة في جرنال ما بس معملش اي صدى وكان عنوانه الرحابيو يتساءلون وان احنا عايزين مقابلة مع هشام طلعت ليرد على أسئلتنا (دة من 3 سنوات تقريبا)
تفتكر إدارة الموقع تقدر تعمل إيه عشان تحشد تأييد الناس أكتر من اللي حضرتك تقدر تعمله؟"

حضرتك شفت إن المحاولة بتاعت قسم "أنت تسأل وجهاز المدينة يجيب" فشلت
ومعروف قد إيه الجهاز بيكره حاجة اسمها موقع رحابي، علشان النقد اللي بيتكتب فيه

أقترح على حضرتك تتكلم مع جمعية تطوير المشهرة عند وزارة الشئون الاجتماعية، اللي من
اختصاصاتها "حماية المستهلك"، وأرقامهم هتلاقيها في الصفحة دي
http://www.rehaby.net/daleel_profile.php?ID=118

واحنا كلنا هنبقى معاك

fouad353 · 17/05/2009 2:22:21 PM

اغلاق اى محل لتناول الشيشة حفاظا على البيئه والمدينه ومنعا لحضور البلطجيه

أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

استاذي العزيز

اغلاق اى محل لتناول الشيشة حفاظا على البيئه والمدينه ومنعا لحضور البلطجيه