أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

soma · 28/03/2009 1:54:45 AM

سمبوزيوم مدينتى الدولى للنحت

القاهرة / اميمة ابو المكارم

23/03/2009

بدأت فعاليات سمبوزيوم مدينتى الدولى الثانى للنحت فى الخامات الصلدة مثل الحجر والرخام والحديد يشارك فيه من مصر الفنانون احمد السطوحى , سعيد بدر , صلاح حماد وهشام عبد الله وعلى حبيش وعمر طوسون ومن الدول الأجنبية أمريكا ـ رومانيا ـ فرنساـ اليابان ـ المجر ـ سويسرا ـ المانيا .
ويختتم الفعاليات 30/ إبريل المقبل .

lily · 31/03/2009 9:40:27 AM

يعني ايه سمبوزيوم بقة ؟ ولو رحنا موقع مدينتي هنلاقي السمبوزيوم دة هناك ؟؟

معلش جهل يا سومة ؟ وعايزة اسألك كمان سؤال ؟ الورش بتاعة الزجاج اليدوي الاقيها فين ؟؟؟

بما انك فنانة ؟؟

soma · 31/03/2009 5:19:20 PM

شكرا على الرد الجميل

اولا سيمبوزيوم هو كلمة معناها مهرجان فني في الهواء الطلق في فن النحت

يعني فن ميداني يقام في العديد من المناطق في خارج مصر وداخلها

اشهرها سيمبوزيوم النحت بأسوان

حاجه كده زي الرالي بس في الفن :)

انا عرفت ان مهرجان ختام سيمبوزيوم مدينتي السنه اللي فاتت كان رائع وحضرة العديد من الدول المشاركه ودي الحقيقة ترفع من المستوى الثقافي للمدينه وده ذكاء من هشام طلعت لأنه بيعمل جو جذب للمدينه

مش بس محلي لا دي مناسبه دوليه

أما ورش الزجاج اليدوي فهي في باب النصر

يعني تدخلي من جنب مسجد الغوري وتخلي ش الأزهر وراكي وتمشي على طول لغاية باب النصر

هناك كام مصنع قربوا ينقرضوا

تمنياتي بالتوفيق

وتحياتي

boudy · 31/03/2009 6:04:18 PM

أهلان بيكي من جديد يا سومه وعوده للملاعب من تاني وماتغيبيش عن الكتابه وأعتقد يا لي لي إن سمبوزيوم كلمة من جزئن الأول سمبو وديه أنا مش عارف معناها والجزء الثانى هو زيوم هو إختصار لكلمة ميوزيوم وهى تعنى متحف وياريت سوما تكملنا الجزء الأول ولكم منى خالص التقدير والشكر

soma · 31/03/2009 10:32:49 PM

شكرا بودي على اجتهادك وردك الجميل

انت اتسببت اني أدور على اصل الكلمة لأني عارفه معناها

وأصل الكلمة تعبير لاتيني يأتي من التعبير اليوناني سيمبو جيون زمعناها حفل شراب أو عيد يحتفل بيه بالشرب والعياذ بالله" وجمع سيمبوزيوم سيمبوزيا " :)

symposium: A meeting or conference for the public discussion of some topic especially one in which the participants form an audience and make presentations.

Date "symposium" was first used: 16th century.

Etymology: Symposium \Sym*po"si*um\, noun; plural Symposia. [Latin expression, from the Greek expression sympo`sion drinking party, feast; sy`n with po`sis drinking.

تحياتي

lily · 31/03/2009 11:34:43 PM

انا سعيدة فعلا ان رحابي خلتنا نتعرف على ناس حلوة ومتعاونة ومثقفة زيكم - مرسيه يا سومة ومرسيه يا بودي بس هتروحو المعرض دة ؟؟ قصدي السمبوزيوم ؟

soma · 31/03/2009 1:48:29 AM

فعلا رحابي جمع الناس الحلوة كلها

ربنا يحمعنا دايما على الخير

انا بصراحه نفسي اروح مش بس يوم الختام

انا نفسي اروح اشوف الفنانين وهم بيشتغلوا

على فكرة دا معناه ان مدينتي هتزين ميادينها بالأعمال الحقيقية لهؤلاء الفنانين

احد هؤلاء الفنانين من زملائي وهو صلاح حماد