سيد ميلاد

 

المثالية و المدينة الفاضلة لا توجد هنا علي الأرض و لا في اي مكان في العالم زرت أماكن كثيرة بالخارج و أستطيع أن اجزم أن الرحاب و على و ضعها الحالي تنافس غالبيتها في النظافة و الهدوء و جمال الحدائق  ارجوكم حافظو عليها حتي ننتقل اليها في العام القادم أن شاء الله

 

و تحياتي

 اختلف مع السيد فؤاد لمخاوفة ان تكون الرحاب مدينة نصر اخرى وذلك لا الخطأ الفادح الذى يقع فية السادة عباقرة تصميم المدن والذى يسمح بالتوسع الراسى بديلا عن التوسع الافقى والذى كان نتيجتة بناء الابراج الشاهقة باعداد ضخمة مع وجود شبكة خدمات وطرق ضعيفة مم خلق هذا التكدس الفظيع علاوة على عدم وجوود باركينج لكل هذة الاعداد من السيارات مع وجود المناطق الخدمية داخل الكتلة السكنية 

الشئ المطمئن فى الرحاب ان التوسع دائما افقيا مع فصل اماكن الخدمات عن اماكن السكن وفتح اسواق جديدة كلما زادت الرقعة المسكونة مما يتطلب حتميا زيادة الطرق لربط الاماكن الجديدة

 

 

 

 والله دى من احسن الجمل اللى قرائتها هنا "و احمدو ربنا لحسن يغضب عليكم و تسكنوا في مدينة نصر " واضح ان احنا مابنعرفش نحمد ربنا ومابنعرفش نكون موضوعيين وشايفين كل حاجه سودا سودا سود قبل كده انا قلت ان الموقع تحول الى "همسه عتاب" واصبح له تائثير سلبى على تكوين صوره عن الرحاب عند غير سكان الرحاب وقلت برض الناس متوقعين الرحاب هى جنه الله فى الارض ناسيين ان السكان والاداره مصريين بكل سلوكياتهم يعنى مثلا لما ربنا يكرمنا باماكن ركن للسيارات فى كل مجمموعه وتلاقى ناس عايزه تركن العربيه فى اوضه النوم وبركنو سياراتهم غلط فى الميادين وعلى بعد متر واحد (والله متر واحد) من المكان المخصص للركن تقول للناس دى ايه واللى شايف ان الرحاب حتبقى زى مدينه نصر ياريت يقولنا اسباب بوظان مدينه نصر وازاى ان الاسباب دى موجوده فى الرحاب الان مثلا هل فى الرحاب ابراج 11 دور وتحتها محلات ومافيش خرم ابره علشان الباركن؟

الحمد لله. أخيرا حد أتفق معايا في الرأي

 

بالمناسبة الرحاب مش بس كويسة مقارنة بمدينة نصر ومصر الجديدة

(اللهم احفظنا)

 

خلال العقد الماضي شاء ربنا أني أعيش في بلاد كتير في أوروبا وبلاد البترول، وكنت الحمد لله بعيش في حتت كويسة في دبي والمنامة و حتى باريس. يا جماعة كوكب الأرض مافيهوش اللي بتدورو عليه ده! يعني حتى في دبي في حاجات بتخلي الواحد مش طايق نفسه. في الواقع، عند مقارنة جميع هذه المدن، لازم أحمد ربنا اني هنا في المدينة دي

 

الحاجة اللي دايما بسمع الناس بتشتكي كنها هي مصاريف الصيانة السنوية. طبعا كتير مننا المبلغ ده مش سهل عليه، وأنا منهم، بس أنا باروح أجري أدفعه دايما بعد ما بازور والدتي في أرقى مكان في مصر الجديدة وأشوف أكوام الزبالة على الرصيف

 

الرحاب هاتفضل جميلة بعون الله طول ما السكان بيدفعو الصيانة. ماهو أصل مافيش حاجة يتحصل ببلاش

 

فكرة المجمعات السكنية المدارة من قبل شركات متخصصة هي الحل الوحييييييييد للقرف اللي في مصر، وطبيعي أن الشركات دي والعمال والموظفين دول لازم ياكلو ويعيشو

 

وعلى رأي المثل الصيني: إدي العيش لخبازه، ولو أكل نصه

 

 

 اود ان اقول لسيادتك اننى صاحبة رسالة انبوبة الغاز وسرقة الستة جنيه , ولكنى اريد ان اوضح لك بعض النقاط : وهى اننى فى منتهى السعادة لاننى وجت الانبوبة نفسها وهو كان عنوان رسالتى لاننى وببساطة الان فى الرحاب اصبحت لا اامن على اى شىء مثل اى مكان فى مصر فبعد ان كنت اسكن فى مدينة نصر واعانى حتى من سرقة باسكت الزبالة   او من غطاء تانك البنزين لسيارتى  لان كان الحرامى غلبان هناك اما هنا فى الرحاب فالحرامى مستواه عالى شوية ويعامل ناس المفروض انهم دفعوا الشىء الفلانى فى شققهم يعنى ميسورين الحال فانا مثلا اعانى من سرقة العاب اولادى المتعددة من داخل الحديقة الخاصة بشقتى وآخرهم سكوتر جديد  لبنى الصغير ناهيك عن الكور والالعاب الصغيرة المختلفة , اما عن الغسيل فحدث ولا حرج لكن الحرامى دائما يكون لديه ذوق فيسرق فقط قمصان زوجى الجديدة الى بنكون دافعين فيها الشىء الفلانى والى ذوقها يعجبه ويكون لونها يليق على بشرته.

 , أما النظافة فتوجد لدى جاره سامحها الله هوايتها قذف يقايا اكلها يوميا عندى فى الحديقة بغرض تغذية العصافير ...تصور!!! كما تم سرقة كلب من حديقتى ذو سلاسة عريقة ولم اجده الى الآن اما الاهم من كل ده انى فى مدينة نصر كان استحالة ان افكر ان ولادى ينزلوا يلعبوا فى الشارع لان زى لما بتقول ماحدش موجود فى الحدائق خالص لذا.صممت على ان احجز شقة ارضى بحديقة حتى يلعب اولادى فى الهواء الطلق ولكننى الآن فى منتهى الخوف عليهم طبعاً من الخطف المنتشر اليومين دول .. المهم يعنى ان مافيش مكان ما فيهوش عيوب ولا تعتقد انك سوف تترك النار لتعيش فى الجنة انها طبيعة الحياة ونوعية البشر.

 سيدتي

 

سعدت كثيرا برسالتك فقط اريد أن أوضح أن كل ما تكرمتي بسرده عن وقائع تجاربك في السرقات الطريفة و المؤلمة في نظري شىء عادي و متوقع سيادتك تقطنين الدور الأرضي وفي الرحاب أعمال مقاولات كثيرة ما زالت تحت الأنشاء مما يتطلب وجود اعداد غفيرة من العمال قد يكون بعضهم متورط في أمثال تلك السرقات و( أن بعض الظن أثم

 

  من المتعارف عليه أنه  ينظم سلوك الأفراد في أي مجتمع شيئان أولا القوانين و النظم الموضوعة و ثانيا العادات و التقاليد الشائعة و ربما تتميز الرحاب بوجود بعض القوانين المنظمة التي تفتقر اليها مناطق سكنية اخرى و يبقي سلوك الفرد و ربما يتشابه في بعض العادات داخل الرحاب و خارجها و أن كان من الطبيعي ان وجود القوانين المنظمة لسلوك الأفراد يمكن مع الوقت أن تتحول الي ممارسات و عادات للأفراد داخل المجتمع

 

في النهاية يا سيدتي أعلم أنني لن أنتقل من النار ألي الجنة فكما أفاد أحد السادة الأعضاء في تعقيبه الجنة لا توجد هنا علي الأرض و لكنني و ربما أحلم أن انتقل من نار عاتية في مدينة نصر الي نار أقل حرارة في الرحاب

 

يكفيني شرف جيرة أناس علي مستوي ثقافي و حضاري و فكري رفيع كما لمست من مستوي الحوارات في موقع رحابي

 

و تحياتي.....

 

  

 الحقيقة ياعماد كلامك رائع وكمان الردود كلها جميله

الرحاب جميله وهتفضل جميله بينا لو عاوزين ومش لفترة قصيرة

لكن زي ماقلت العمال بتوع البناء هم المشكله وماتنسوش الشغالات

انتوا بتطلبوا المستحيل ان يبقى الأمن كافي عشان كل واحد يسيب لعب ابنه في الجنينه او الأسكوتر ومايتسرقش

السرقه شيء موجود في كل حته حرام اننا مانعكسش الا السلبيات

والنصيحه فعلا اننا مانسيبش حاجه في حديقة البيت

كان في واحده بتشتكي انها سابت الموبايل على ترابيزة في الجنينه ورجعت مالقيتهوش .... بقى ده كلام ياجماعه

ده حتى المال السايب يعلم السرقه

انا كنت ساكنه في مدينة نصر وشغلي في الزمالك

ومالقيتش أجمل ولا أنضف ولا أحلى من الرحاب

اما اللي بيرمي من البلكونات فمفيش احسن من الحوار كلمي جيرانك يشوفوا حل دا موقف شخصي مش معناه ان الكل بيعاني

 

لو كل المخترعيين فى العالم فكروا كده بدون حلم مكانش حد وصل لأى حاجة.