حسب معلوماتي التوكيل في الحالة ده يا كريم بيكون توكيل لا يمكن تغييره ولا إلغاؤه وبيسجل في الشهر العقاري وممكن طبعا تستلم بيه شقتك  ويحفظ لك حقك ومش من حق حد أبدا الاعتراض عليه

 

موضوع النادي انت خلاص حليته باشتراكك في نادي آخر لكن برضه ياريت حد يعرفنا ان كان ممكن انك تشترك في نادي الرحاب كعضو خارجي لأني أعرف ان فيه ناس مش ساكنين في الرحاب خالص لكن أعضاء في النادي

 

وإن شاء الله باقي الأعضاء يساهموا معانا برأيهم  

 انت ياكريم بتروح الشهر العقاري انت والبائع بتطلب عمل توكيل خاص ببيع شقة لا يلغى الا بوجود الطرفين ( و دة شرطه) وممكن تعمل معاه وكالة البعض بيقول انها تسري بعد الوفاة وبعد دة بتعمل عقد بيع بتروح تعمله صحة توقيع في المحكمة -دي حاجة بسيطة اي محامي بيعملها ومش مكلفة والاهم كمان ان ورق الشقة الصلي كله بيبقى معاك - يعني هو معندوش اي مستند ملكية- الطريقة دي كانت متبعة في مصر كلها مش بس الرحاب قبل تخفيض مصاريف التسجيل - وربنا يوقعك في واحد ابن حلا تبقى مطمن له ومتقلقش معاه في شرا شقتك 

متشكر جدا للعضوين امل وليلي

 

شكرا جزيلا على المشاركة والافادة

 

ويا أخت ليلي ممكن توضيح عن موضوع الوكالة ده لاني مفهمتوش؟ شكرا جزيلا

 زي ما بتلاقي توكيل عام أو توكيل عام مخصص أو توكيل خاص فيه كمان حاجة اسمها وكالة تعارف عند الناس انها لا تلغى بالوفاة - بس انا لما سألت في الشهر العقاري وعند المحامي  مأكدش الموضوع دة قوي بس لاقية ناس كتير مشيين بالاسلوب دة وخاصة في بيع الاراضي - ممكن تتأكد من المحامي بتاعك وتقولنا

 السلام عليكم ...

 

الشراء بتوكيل يكون بمستندين، أولا عقد بيع ابتدائى بينك وبين البائع وهو المستند الذى يثبت شرائك للشقة ودفعك للقيمة ويجب عليك بعد ذلك الحصول على صحة توقيع من المحكمة على هذا العقد حتى لا ينكر البائع لاحقا أو ورثته هذا البيع والمستند الثانى هو التوكيل أو عقد الوكالة ويجب صياغته جيدا حتى يتيح لك التصرف الكامل فى الشقة وختى يسرى فى حالة وفاة البائع. والشراء بهذه الطريقة له بعض العيوب فى حالة ما اذا كان البائع شخص غير مؤتمن أو بمعنى أدق نصاب حيث يمكنه استخراج بدل فاقد للعقد الاصلى من الشركة و بيع الشقة مرة أخرى لشخص اخر وفى هذه الحالة يكون موقف المشترى الأول أقوى فى حالة حصوله على صحة توقيع و شهود على العقد و فى حالة حيازة الشقة (أى استلامها و السكن فيها).

على أى حال اذا أردت مساعدة فى صياغة العقد والتوكيل ومراجعة الأوراق يمكنك الاتصال بى.

 

 

 

سمعت يوما من أحد المحامين أن هناك شىء إسمه "صحة ونفاذ" وأنه مختلف عن "صحة توقيع" وأقوى منه كثيرا حيث يمكن التلاعب فى صحة التوقيع من جهة البائع "طبعا إذا كان نصاب وناويها"

 

بصراحة لا أعرف الفرق بينهما وما هو سبب ضعف "صحة التوقيع" مقابل "صحة ونفاذ"

 

إذا كان حد عارف يا ريت ينورنا  :)

 

شكرا