كان فيه كذا عضو قبل كده من السادة الافاضل اعضاء المنتدى وانا منهم بيسالوا عن تطور سير العمل بالمرحلة التاسعة وانا الحقيقة متابع الموضوع بقالى فترة مع الجهاز وكل يومين تلاته اكلمهم واسال على الاخبار وكان فيه كده نوع من انواع الغموض خلى الواحد يقلق لكن الحمد لله وبفضله النهاردة كلمتهم وادونى تليفون السيد المهندس مدير الموقع المسئول عن البناء وكلمته والحقيقة راجل محترم ومريح جدا وشرحلى تطور العمل وان البناء شغال كويس اى نعم همه لسه فى فى الاساسات واعمدة الارضى لبعض العمارات ولكن ده مؤشر كويس جدا ان البناء فى المرحلة بدء بجد وزيادة فى التاكيد دعانى الرجل لزيارة الموقع على الطبيعة للتاكد من سير العمل يعنى ان شاء الله كده لو الامور مشيت كويس اتوقع فى خلال شهرين تلاتة هاتكون الامور ظهرت شوية وكل عمارة ظهر فيها دورين تلاتة وان شاء الله فى اقرب فرصة هاحاول اعمل زيارة للموقع علشان اتاكد من الكلام وهاكتب هنا عن نتيجة الزيارة ان شاء الله فكم اشتقنا لكى يارحاب ورجاء لمن عنده اى جديد فى المعلومات ان لايبخل علينا