وقفت مكاني..لقيته بيصلي ويبحلقلي...حسيت في عينه ان خلاص لحظة الوداع اخيرا قد أتت..جه في بالي كل ذكراياتي...فكرت في كل حاجة حلوة ووحشة...واول ما شوفت سنانه قلت لنفسي هو الاسد سنانه بيضا كده ليه؟ وفجأة اكتشفت انه مش اسد...ده باين عليه كلب..وبعد ما بصيت كويس لقيته كلب..بس الدنيا كانت الفجر..وفي الحقيقة ماكانش كلب واحد...ولكن على الاقل اربعة كلاب...ومع ان الكلاب دي عايشة وواكلة من هذا الوطن ولكن مواعيدها مظبوطه جدا وده شئ عجيب....الساعه واحدة ونص تصدر اصوات اشبه بصوت الذئب..مما يشعرني اني في بيت الأشباح...قلت لا بقى ما بدهاش...لما اروح اصور الكلاب دي عشان زودتها عن حدها اوي...وجدت بالصدفة سيدة لا تستطيع ان تدخل الى شقتها بسبب تجمع الكلاب امام باب العمارة....وطبعا فرد الامن الهمام جه وقال للكلاب هششششششش..والكلاب طبعا طلعت تجري...اصل الكلاب عارفه كويس اد ايه فرد الامن في الرحاب جامد...يا جهاز هذه الكلاب متجمعة في شارع سيد درويش في المرحلة الثالثة...ولو عايزين اسم والرقم القومي لكل كلب نحن مستعدين في مقابل انكم تقضوا عليهم.....والا هنضطر اننا نرخص مسدس ونتعامل احنا معاهم....والظاهر ان ده هو الحل الوحيد اننا نرخص مسدس ونتعامل مع اي كلب يضايقنا ويمشي على ارض هذا الوطن..
مش عارف ايه حكاية المصريين معاكو يا عرب....هو بقى حضرتك منين بالضبط وحضارتك اسمها ايه ؟؟
عشان بس اعرف انا بتكلم مع مين وهل يستحق الرد ولا لأه.....
احنا عندنا بنعترف بأخطائنا وبنظهرها عشان نعالجها.....لكن مش زي باقي الدول شاغلين بالهم بغيرهم وخصوصا مصر وسايبين الجرح عندكو ينزفر ويتعفن وبتغطوه بالطين عشان ما حدش يعرف..وانا اعذرهم انهم شاغلين بالهم بمصر لأن بلدي مميزة وتستحق الاهتمام ليس فقط من ابناءها ولكن من كل الكرة الارضية سواء عرب أو عجم.....احنا هنفضل دائما سابقين رغم أنف الحاقدين.............
والله مش قاصد استهزء او ايه حاجه قاعد اتريق على أمن المدينه انا قلبي على مصريين لو مابحبهمش ماكنت موجود بينكو
بعدين لا فرق بين مصري ولا بلد عربي لا تاخد الأمور بسياسيه او ايه شي
انا من سورية يابنت عم مصر سورية ومصر واحد اشتركنا بحروب وكان بينا وحده
اظن اني اطلعت عن صلب موضوع بعتذر مرا تانيه مش قصدي اتكلم على مصريين قصدي انو اتريق على الأمن لو تصدق الكلاب موجوده على مدار 24 ساعه عند بوابة 13 ومجموعات 70 و60 لازم يحسنو شوي من المدينة يبقى في شي جديد
اخي الكريم انا فكرت كتير بكلامك وحللت بكلامي يعني لو فهمت غلط انا مش بشتم المصريين ولا الحضارة قلت الله يكون بعونكم يالمصريين يعني ربنا معكم والله على الظالم انا اخدت فكرة وحشة عن مدينة الرحاب ماقلتش حضارة مصر ربنا يسامحك بس ياعم
لاااااااااا بقى الا سوريا.....شوف يا أخي العزيز كيف ما بدك احكي لكن الا سوريا.....سوريا دي عشقي الأول والأخير...كتير ليا اصحاب سوريين وأصدقاء حتى الأن...وفي الحقيقة كنا دايما ايد واحدة .......سوريا ليها ذكرايات حلوة جدا معايا ...وكان ليا اساتذة سوريين وناس محترمين.....وكمان في مراحل طفولتنا والشباب تربينا على مسلسلات سوري وياسر العظمة في المرايا.....وبصراحة سوريا عندهم العلم والثقافة هي سمة الشعب زي ما هي عندنا في مصر عشان كده العقول قريبة من بعض ودايما فيه عمار بين مصر وسورية.....
خد هالوردة ليك بالمسك والريحان عشانك وعشان أهل سوريا حبايبنا.....وياعم ولا تزعل حالك وما محبة الا بعد عداوة ...خلينا نبلّش نبقى اصحاب......
ولو ما بتقبل هالورده من حقك يا زلمة بس لا تحكي انك زعلان...
استغربت كثيرا من رد فعلك العصبي على رد الأخ مافيا ولكنني عدت وسعدت كثيرا حين أرسلت له رسالة محبة وود لسوريا والشعب السوري. ولكنني لم استغرب من رد الأخ مافيا ثلاثة مرات متتالية يعتذر فيها عن سوء الفهم الذي حصل فأنت يا سيدي الكريم لا تعرف حقيقة مدى محبة الشعب السوري لمصر ، ومدى غضبه على ما يحصل هنا من تدهور في الحياة خاصة الناس الذين عرفوا مصر من سنوات ورأوها الآن. والغريب أن السوري قد يغضب على ما يحدث هنا أكثر من المواطن المصري، كيف ولماذا؟ ربما لأن مصر في القلب منذ اختلطت الدماء ببعضها وتصاهرت العائلات واستقرت عائلات هنا وأخرى هناك.. وحتى لو عدت للأمثال الشعبية السورية والمصرية تجدها متشابهة بشكل عجيب ، كل ذلك يدل على أننا شعب واحد فرقته التضاريس الجغرافية.
عموما، أرجو أن أكون قد وضحت فكرة قد تكون واضحة عندك ولكنها ليست كذلك عند من قد يقرأ هذا التعليق.
أنا يطلعلي أسد؟!!! 
