والله حاجة تفرح وياريت فعلا تكون حقيقة حتوفر وقت وجهد وفلوس كتير لكن ياترى مصاريف التركيب والذى منه كام ؟ ياريت حد يفيدنا ولها منا جزيل الشكر 

 الشقه ب حوالى 1580 جنيه اما الفيلا فلها مفايسه منفصله

 

الاوراق المطلوبه - صوره العقد و الاصل للاطلاع -- صوره الرقم القومى---فاتوره كهربا او تليفون حديثه

 

 

لو حد عارف حيعملوا ايه علشان يرجعوا الوضع لاصله بعدالانتهاء من الحفر ياريت يقولنا

 

 

  التعاقد يتم الأن لجميع المراحل والتنفذ يبداء بالمرحلة الأولي --- يمكن لسكان جميع المراحل أن يتعاقدو الأن ويدفعوا الرسوم --- انا سالتهم عن ميعاد التنفيذ للمرحله الثالث قالوا لى خلال ثلاث اشهر او اربعه بالكثير-- وان عاده شركات الغاز بتنفذ بسرعه شديده

 جزاكم الله خيرا ياأستاذ شريف علي اجابتكم الشافية السريعة

 

أنا عارف إن فيه ناس هتتهمني بإني من عواجيز الفرح اللي مش عاجبهم حاجة، وإني من أتباع نظرية المؤامرة اللي بيلزقوا أي مصيبة - تحصل في المدينة - في الجهاز، أو على الأقل إني من الناس السوداويين اللي بيقتلوا أي فرحة وما بيهنوش الناس ع الأخبار الحلوة.

 

برغم كل دا، هأقول اللي في نفسي برضه.

 

     

 

طبعاً خبر وصول الغاز للرحاب أخيراً خبر أسعد كل السكان، لكن فيه حاجة لازم نكون كلنا عارفينها. فيه تقصير حصل من سنين طويلة من طرف شركة طلعت مصطفى وهدفي من الكتابة عنه دلوقتي إنه ما يتكررش تاني في مدينتي. القصة إن من عشر سنين أول ما المراحل الأولى من الرحاب كانت بتتبني حبوا يدخلوا الغاز الطبيعي، شركات الغاز ردت بإن أقرب خط غاز ممكن يوصل للرحاب بيبعد 25 كيلومتر (الرقم بدقة مش فاكره قوي، بس المسافة عموماً كانت بعيدة فعلاً)، شركة الغاز قالت إحنا مستعدين نشتغل لو شركة طلعت مصطفى تحملت تكلفة مد الخط المسافة دي كلها.

 

 

طبعاً التكلفة كانت ضخمة فالشركة ما وافقتش، وتم تأجيل الموضوع بالكامل لغاية ما الخط يوصل للمدينة براحته، ودا طبعاً استغرق عشر سنين.

 

لحد هنا ما حدش يقدر يلوم الشركة

 

ولكن أنا بألومها على اللي حصل بعد كدا

 

كان بإمكان الشركة إنها تعمل البنية التحتية infra structure     داخل المدينة وتجهزها بالكامل أثناء أعمار الحفر والبناء لمرحلة مرحلة ولما العشر سنين يعدوا، والخط الخارجي يوصل لحد أبواب المدينة، كل ما عليهم إنهم كانوا  هيوصلوا الخط الخارجي بالمواسير الداخلية، فالغاز يوصل كل بيت في طرفة عين.

 

ليه دا ما حصلش؟

 

 

أنا شايف إن دا كان:

 

·        هيوفر أعمال الحفر اللاحقة اللي هنبدأ نشوفها الأيام الجاية وعلى مدى سنة تقريباً.

 

·        وكان هيخلي سفلتة الشوارع ممتازة بدل ما هي متسابة طول السنين اللي فاتت في انتظار دخول الغاز قبل تتسلف سفلتة نهائية.

 

·        وطبعاً كانت التكلفة هتكون أقل من التكلفة الحالية. لإن الشركة كانت هتحمل التكلفة على ثمن الوحدات وهي بتتباع.

 

 

أكرر إن سبب كتابتي للمداخلة دي مش الانتقاد لأجل الانتقاد، وإنما أملاً في عدم تكرار الموضوع دا في المشاريع الجديدة. لازم شركة رائدة زي شركة طلعت مصطفى تكون بتفكر في أي موضوع حتى النهاية.

 

مش ملاحظين حضراتكم إن أي شيئ يتم في الرحاب بيبقى بأسعار خاصة جداجدا ... زي مانكون إحنا سياح في البلد دي ... ما علينا  ، طب على الأقل يعاملونا  زي باقي الخلق  في  جمهورية مصر العربية  ، ولا إحنا مش من رعايا هذه الجمهوريه  ... خللي السعر زي ما هم عايزين واللي إتفقوا عليه مع الجهاز وماشي النسبة بتاعته ... حار ونار في جتتة اللي يتشددله ... بس مش على الأقل يخلوها بالتقسيط زي باقي الخلق في كافة أحياء القاهره وجميع أنحاء البلد اللي دخلها الغاز اللي هوه أصلا حكومه ، ولا كان يعرف حاجه عن الرحاب ومستوى الرحاب وما أدراك ما الرحاب ماهو لازم يفطموه على الدور اللي بيتلعب معانا عشان يلعب هوه كمان

شكرا للإيضاح يا أخ زيدو
(الاعتراف بالحق فضيلة )

بس أنا كان ليا سؤال بخصوص المبلغ المذكور: 1580 جنيه
 
هل هذا المبلغ بمثابة مقايسة مبدئية أم أنه موحد لجميع الشقق بمختلف المساحات والنماذج؟

 دا ثمن وصله للحملم واخرى للمطبخ فقط

 

لو عايز وصلات زياده الثمن حيزيد